ராமர் கட்டிய பாலம்: தேவாரத்தில் ஆதாரம்
மதுரை : ஹிந்து கடவுள்களை அவதுாறு செய்வதற்காவே ஒரு கும்பல் சுற்றி வருகிறது. அந்த கும்பலின் சமீபத்திய பேச்சு ராமர் பாலம் கட்டியதற்கான ஆதாரம் தமிழ் இலக்கியங்கள் எதிலும் இல்லை என்பது.
மதுரை : ஹிந்து கடவுள்களை அவதுாறு செய்வதற்காவே ஒரு கும்பல் சுற்றி வருகிறது. அந்த கும்பலின் சமீபத்திய பேச்சு ராமர் பாலம் கட்டியதற்கான ஆதாரம் தமிழ் இலக்கியங்கள் எதிலும் இல்லை என்பது.
ஆனால் தேவாரத்தில் அதற்கான ஆதாரம் தெள்ளத்தெளிவாக உள்ளதை சுட்டிக்காட்டுகிறார் தமிழ் இலக்கிய ஆய்வாளர் பா.இந்துவன்.
அவர் கூறியது: ராமாயணம், மகாபாரதம் போன்றவை கட்டுக்கதைகள், ராமாயணத்தை மேலோட்டமாகத்தான் திருமுறைகள் எடுத்து கூறுகிறதே அன்றி ராமர் பாலம் கட்டியது பற்றியோ, ராவணனை பழித்து பேசியது பற்றியோ எந்த ஒரு திருப்பதிகங்களும் பாடவில்லை என ஒரு கருத்தை தொடர்ந்து பேசி வருகின்றனர்.
ஆனால் சிவபெருமானின் சிறப்பை சொல்லும் விதத்தில் திருநாவுக்கரசர் தேவாரத்தில் எழுதியுள்ள பாடல் அழுத்தம் திருத்தமாக ராமாயண, சேது பாலம் கதைகளை விளக்குகிறது.
''செங்கண்மால் சிலைபிடித்துச் சேனை யோடுஞ்சேதுபந் தனஞ்செய்துசென்று புக்குப் பொங்குபோர் பலசெய்து புகலால்வென்ற போரரக்கன்நெடுமுடிகள் பொடியாய்வீழ அங்கொருதன் திருவிரலால் இறையே யூன்றியடர்த்தவற்கே அருள்புரிந்தஅடிக ளிந்நாள் வங்கமலிகடல்புடைசூழ் மாட வீதிவலம்புரமே புக்கங்கேமன்னி னாரே''
பொருள்: திருமால் வில்லை ஏந்திக் வானரசேனையோடு, கடலில் அணைகட்டி, இலங்கையைச் சென்று அடைந்து, மேம்பட்ட பலபோர்கள் செய்து, தன்னை அடைக்கலமாக வந்தடைந்த சுக்ரீவன், வீடணன் முதலியோர் உதவியால் ராவணனுடைய நீண்ட கிரீடங்கள் பொடியாய் விழுமாறு, தன் ஒற்றைக் கால் விரலைச் சிறிதளவு ஊன்றி,
அவனை வருத்திப் பின் அவனுக்கே அருளையும் செய்தவர் சிவபெருமான்.
இப்பாடலில் திருநாவுக்கரசர் குறிப்பிடும் ராமாயண நிகழ்வுகள்: ராமனை திருமால் என்று அழைக்கிறார். அதோடு வானர சேனையின் உதவியுடன் ராமர் பாலம் கட்டிய தகவலை கூறுகிறார்.
இப்பாடலில் திருநாவுக்கரசர் குறிப்பிடும் ராமாயண நிகழ்வுகள்: ராமனை திருமால் என்று அழைக்கிறார். அதோடு வானர சேனையின் உதவியுடன் ராமர் பாலம் கட்டிய தகவலை கூறுகிறார்.
பின்னர் பாலத்தின் வழியாக இலங்கையை அடைந்து ராவணனை வெற்றி கொண்டதையும் குறிப்பிட்டுவிட்டு, தன் ஒற்றைக் கால் விரலைச் சிறிதளவு ஊன்றி, ராவணனின் கிரீடங்கள் பொடிப்பொடியாய் சிதறவிட்டு, அவனை வருத்திப் பின் அவனுக்கு அருள் செய்தவர் சிவபெருமான் என்கிறார்.
சிவபெருமானின் சிறப்பை கூறும் இந்த பாடல் ராமாயண நிகழ்வுகளை பதிவு செய்துள்ளது.திருநாவுக்கரசரின் காலம் இன்றிலிருந்து 1400 ஆண்டுகளுக்கு முன்பானது.
எனவே ஆறு, ஏழாம் நூற்றாண்டுகளில் ராமாயணம் மக்கள் மனதில் எந்த அளவுக்கு பதிந்திருந்துள்ளது என்பதற்கு இந்த ஒரு பாடலே உதாரணம்.இவ்வாறு அவர் கூறினார்.
தினமலர்
தினமலர்
• • •
Missing some Tweet in this thread? You can try to
force a refresh
