Thread by @law4all3

*جمعہ کے احکامات اور فضیلت*

اے وہ لوگو جو ایمان لائے ہو!
جمعہ کے دن نماز کی اذان دی جائے تو تم ﷲ کے ذکر کی طرف دوڑ پڑو اور خرید و فروخت چھوڑ دو یہ تمہارے حق میں بہت ہی بہتر ہے اگر تم جانتے ہو۔
سورہ جمعہ آیت نمبر09

جمعہ سے اگلے جمعہ تک گناہ معاف
رسول ﷲ صلی ﷲ علیہ وآلہ وسلم👇

نے فرمایا:
’’جو شخص جمعہ کے دن غسل کرے اور خوب اچھی طرح مقدور بھر صفائی کرے اور تیل لگائے اور اپنے گھر میں موجود خوشبو لگائے، پھر اپنے گھر سے (جمعہ کے لیے) روانہ ہو، اور (مسجد میں آ کر) دو بیٹھے ہوئے آدمیوں کو (ان کی جگہ سے) نہ ہٹائے، پھر جس قدر مقدور ہو نماز پڑھے اور جب امام 👇

خطبہ شروع کر دے تو پھر خاموش ہو جائے تو اس کے اس حاضر اور دوسرے جمعہ کے درمیان والے گناہ بخش دیے جاتے ہیں۔‘‘ رواہ البخاری مشکواة المصابیح 1381

با جماعت جمعہ ادا کرنا فرض ہے
رسول ﷲ صلی ﷲ علیہ وآلہ وسلم نے فرمایا: ’’ہر مسلمان پر با جماعت جمعہ ادا کرنا فرض ہے۔ سوائے چار کے
👇

عبد مملوک، عورت، بچے، یا مریض کے‘۔

ابوداؤد مشکواة المصابیح 1377

بہترین دن، جمعہ کا دن ہے
رسول ﷲ صلی ﷲ علیہ وآلہ وسلم نے فرمایا: ’’تمام ایام سے بہترین دن، جمعہ کا دن ہے، اسی دن آدم علیہ السلام پیدا کیے گئے اسی روز جنت میں داخل کیے گئے اسی روز اس سے نکالے گئے اور قیامت بھی
👇

جمعہ ہی کے روز قائم ہو گی۔ رواہ مسلم مشکواة المصابیح 1356

دوران خطبہ
رسول ﷲ صلی ﷲ علیہ وآلہ وسلم نے فرمایا: ’’جب تم نے دوران خطبہ کسی ساتھ والے شخص سے (بس اتنا) کہہ دیا کہ خاموش ہو جاؤ تو تم نے لغو کام کیا۔ متفق علیہ مشکواة المصابیح 1385

لغو کام
رسول ﷲ ﷺ 👇

نے فرمایا: جو شخص وضو کرے اور اچھی طرح وضو کر کے جمعہ کے لیے آئے اور خاموشی سے غور کے ساتھ خطبہ سنے تو اس کے اس اور دوسرے جمعہ کے درمیان والے اور مزید تین دن کے گناہ بخش دیے جاتے ہیں۔ اور جو کنکریوں سے کھیلتا رہے تو اس نے لغو کام کیا۔ مشکواة المصابیح 1383

فرشتوں کے رجسٹر
👇

رسول ﷲ صلی ﷲ علیہ وآلہ وسلم نے فرمایا: جب جمعہ کا دن ہوتا تو فرشتے مسجد کے دروازے پر کھڑے ہو جاتے ہیں اور شروع میں آنے والو کے نام یکے بعد دیگرے لکھتے ہیں، اور اول وقت دوپہر میں آنے والے کی مثال اس شخص کی سی ہے، جو ﷲ کے حضور اونٹ کی قربانی پیش کرتا ہے، پھر اس کے بعد دوم پر 👇

آنے والے کی مثال اس شخص کی سی ہے جو گائے کی قربانی پیش کرتا ہے، پھر اس کے بعد آنے والے کی مثال اس شخص کی سی ہے جو مینڈھا پیش کرتا ہے، اور اس کے بعد مرغی پیش کرنے والے کی، اس کے بعد انڈہ پیش کرنے والے کی، پھر جب امام خطبہ کے لئے منبر کی طرف جاتا ہے تو یہ فرشتے اپنے لکھے دفتر 👇

لپیٹ لیتے ہیں اور خطبہ سننے شریک ہو جاتے ہیں (صحیح بخاری کتاب الجامعہ باب الاستماع الی الخطبہ)
طالب دعا @law4all3