Thread by @kunalanilpatil

With thanks to @Shriranjancs
#संघाची_शोकांतिका #शाखावीरांची_कैफियत

आधुनिक नटसम्राटाची कैफियत
--------------------------------------------

बोसांना आपलं म्हणावं की पटेलांना आपलं म्हणावं,
शास्त्रींना जवळ करावं की भगतसिंग आपला म्हणावा,
हा एकच सवाल आहे.
1/6

ह्या भारताच्या स्वातंत्र्यलढ्यात
कोणाचं अपहरण करून जगावं बेशरम लाचार आनंदानं?

की घुसडून टाकावं हेडगेवार गोळवलकरांना या दिव्य लढ्यात ?

आणि करावा सर्वांचा समावेश एकाच अभ्यासक्रमात?

गांधींचा हेडगेवारांचा आणि बाबासाहेबांचाही.

2/6

ज्ञानाच्या यज्ञकुंडात अशी पाचर मारावी की उद्याच्या विद्यार्थ्याला
कधीही लाभू नये जागृतीचा किनारा
पण
पण मग त्या
विद्यार्थ्यालाही सत्य कळू लागलं तर?
तर ...
तर ....
इथेच खरी मेख आहे.

3/6

नव्या महापुरुषांना घडवणं होत नाही म्हणून
आम्ही सहन करतो जुन्याच महापुरुषांना...

सहन करतो प्रेताच्या निर्जीवपणाने
अभिमानावर होणारे बलात्कार
शाखेच्या गाभाऱ्यात होणारी सत्वाची विटंबना
आणि अखेर
करुणेचा कटोरा घेऊन उभे राहतो
खालमानेने नथुरामाच्या दाराशी..

4/6

विधात्या,
तू तरी एवढा कठोर का झालास?
जे आमच्या संघटनेचे पुरुष, त्यांना कोणी महापुरुष मानत नाही आणि दुसऱ्या बाजूला जे खरे महापुरुष त्यांचं धड अपहरण आम्हाला जमत नाही...

5/6

मग या विस्कटलेल्या इतिहासाची पानं पाहून
हे निखळलेले संदर्भ घेऊन
आम्ही स्वयंसेवकांनी कोणाच्या पायावर डोकं आदळायचं?

कोणाच्या?
कोणाच्या?

---------------------
श्रीरंजन आवटे Shriranjan Awate
( वि वा शिरवाडकरांची माफी मागून)
Anant Ghotgalkar यांच्या फेसबुक वॉल वरून साभार 🙏

6/6