Thread by @srinivasan19041

#உண்மைகள்_உபதேசமாய்!!!

It may look like a survey...

இந்த பதிவை படிக்கும் ஒவ்வொருவருக்கும் வேண்டுகோள்: 👇

1. இதில் வரும் ஒவ்வொரு ட்வீட்டுக்கும்.... அதில் தரப்பட்ட ஒவ்வொரு பழமொழிக்கும்... உங்கள் நினைவில் வரும் நபர்(களை) பெயரை குறிப்பிடுங்கள்....

அவர் இங்கே ட்விட்டரில் இருந்தால் தயவுசெய்து tag செய்ய #வேண்டாம். பெயர் மட்டும் போதும்

2. முதலில் இந்த பதிவை பிடித்திருந்தால் like செய்யுங்கள்; retweet #செய்யாதீர்கள்

3. #கண்டிப்பாக.... இந்த பதிவின் முடிவில் இருக்கும் #பின்னூட்டம் படியுங்கள்... அது #ரொம்பவும்_முக்கியம்

4. அதன் பிறகும் இந்த பதிவு உங்களுக்கு ஏற்புடையதாக இருக்கிறது என்றால்... Retweet செய்யுங்கள்.

சரி.... வாருங்கள்.... பதிவிற்கு போகலாம். மறுபடியும் சொல்கிறேன். இங்கே கீழே கொடுத்திருப்பது எல்லாம்... நம் முன்னோர்கள் சொல்லிச் சென்ற #பழமொழி... #சொலவடை

1. தங்கச் செருப்பானாலும் தலைக்கு ஏறாது.

2. தீயில் இட்ட நெய் திரும்ப வராது.

3. நாடு கடந்தாலும் நாய்க்குணம் போகாது.

4. தேரோடு போச்சுது திருநாள். தாயோடு போச்சுது பிறந்தகம்.

5. தெய்வம் காட்டுமே தவிர ஊட்டாது.

6. செத்த பிணத்திற்கு அருகே இனி சாகும் பிணம் அழுகிறது.

7. தீயில் இட்ட நெய் திரும்ப வராது.

8. கடலைத் தாண்ட ஆசையுண்டு, கால்வாயைத் தாண்ட கால் இல்லை.

9. கரும்பு கசப்பது வாய்க்குற்றம்.

10. கடன் வாங்கிக் கடன் கொடுத்தவனும் கெட்டான். மரம் ஏறிக் கை விட்டவனும் கெட்டான்.

11. காட்டிலே செத்தாலும் வீட்டிலே தான் தீட்டு.

12. கூப்பாட்டால் சாப்பாடாகுமா?

13. எரிகிற வீட்டை அவிக்க கிணறு வெட்ட நாள் பார்த்தது போல, கும்பிட்ட கோயில் தலை மேல் இடிந்து விழுந்தது போல, சில்லரைக் கடன் சீரழிக்கும்.

14. சொப்பனங்கண்ட அரிசி சோற்றுக்கு ஆகுமா?

15. உறவு போகாமல் கெட்டது, கடன் கேளாமல் கெட்டது.

(எத்தனை பெரிய உண்மை...

போய் வந்து கொண்டிருந்தால் தான் உறவு நிலைக்கும். கொடுத்த கடனைக் கேட்டுக் கொண்டே இருந்தால் தான் திரும்பக் கிடைக்கும்).

16. அடி நாக்கில் நஞ்சும், நுனி நாக்கில் அமிர்தமுமா?
(இன்று பலரும் இப்படித்தானே இருக்கிறார்கள்?)

17. ஆனை இருந்து அரசாண்ட இடத்தில் பூனை இருந்து புலம்பி அழுகிறது!
(எல்லாம் காலத்தின் கோலம்!)

18. அறப்படித்தவன் அங்காடிக்குப் போனால் விற்கவும் மாட்டான், வாங்கவும் மாட்டான்.
(அதிகமாய் படித்தவர்கள் பலரும் இப்படித்தான்).

19. உள்ள பிள்ளை உரலை நக்கிக் கொண்டிருக்க மற்றொரு பிள்ளைக்கு திருப்பதிக்கு நடக்கிறாள்.

20. இறுகினால் களி. இளகினால் கூழ்.

21. ஊன்றக் கொடுத்த தடி மண்டையைப் பிளந்தது.

22. எடுப்பது பிச்சை. ஏறுவது பல்லாக்கு.

23. எட்டி பழுத்தென்ன? ஈயாதார் வாழ்ந்தென்ன?

24. விசாரம் முற்றினால் வியாதி.

25. பைய மென்றால் பனையையும் மெல்லலாம்.
(அதாவது நிதானமாக தொடர்ந்து செய்து கொண்டே இருந்தால் எத்தனை பெரிய காரியத்தையும் செய்து முடித்து விடலாம்.)

26. காற்றில்லாமல் தூசி பறக்காது.
(நெருப்பில்லாமல் புகையாது என்ற பழமொழிக்கு இணையான இன்னொரு பழமொழி)

27. பண்ணின புண்ணியம் பலனில் தெரியும்.

28. பிடித்த கொம்பும் ஒடிந்தது, மிதித்த கொம்பும் முறிந்தது.
(துரதிர்ஷ்டம் எப்படி எல்லாம் சோதிக்கிறது என்பதற்கான பழமொழி. ஒரு மரத்தில் ஏறி ஒரு கொம்பைப் பிடித்துக் கொள்ளும் போது அது ஒடிந்து போக, கீழே விழாமல் இருக்க இன்னொரு கொம்பில் காலை வைத்து ஊன்றினால் எப்படி இருக்கும்?)

29. பாடுபட்டுக் குத்தினாலும் பதரில் அரிசி இருக்காது.
(பதர் என்பதே அரிசி இல்லாத நெல் தான். அதனால் என்ன தான் குத்தினாலும் அதில் அரிசி கிடைக்க வாய்ப்பில்லை. மனிதனின் பயனில்லாத முட்டாள்தனமான முயற்சி குறித்துச் சொல்லும் பழமொழி)

30. இட்டதெல்லாம் பயிராகாது. பெற்றதெல்லாம் பிள்ளையாகாது.

31. கடைந்த மோரிலே குடைந்து வெண்ணைய் எடுப்பான்.

32. வாங்குகிற கை அலுக்காது.

33. அடுத்த வீட்டுக்காரரே பாம்பைப் பிடியுங்க. அது அல்லித்தண்டு போல ஜில்லென்றிருக்கும்.

34. உயிரோடு ஒரு முத்தம் தராதவள், செத்தால் உடன்கட்டை ஏறுவாளா?

35. அய்யாசாமிக்குக் கல்யாணம், அவரவர் வீட்டில் சாப்பாடு

36. அவனே இவனே என்பதை விட சிவனே சிவனே என்பது நல்லது.

37. அன்பான சினேகிதனை ஆபத்தில் அறி.

38. ஆகிறவன் அரைக்காசிலும் ஆவான். ஆகாதவனுக்கு ஆயிரம் கொடுத்தாலும் விடியாது.

39. ஆயிரம் உடையான் அமர்ந்திருப்பான். அரைப்பணம் உடையான் ஆடி விழுவான்.

40. ஆனை மேல் போகிறவனை சுண்ணாம்பு கேட்டால் கிடைக்குமா?

41. இந்த எலும்பைக் கடிப்பானேன், சொந்தப்பல்லுப் போவானேன்?

42. இந்தக் கூழுக்கா இத்தனை திருநாமம்?

43. இமைக் குற்றம் கண்ணுக்குத் தெரியாது.

44. இடுகிறவள் தன்னவள் ஆனால் முதல் பந்தியில் உண்டால் என்ன, கடைப் பந்தியில் உண்டால் என்ன?

45. உண்டு கொழுத்த நண்டு வளையில் தங்காது..

என்ன.... மேற்கூறிய 45ற்கும் பதில் சொல்லியாச்சா????

இப்போது இந்த #பின்னோட்டம் படித்து விட்டு பிறகு உங்கள் மனநிலையை சொல்லுங்கள்.

பின்னோட்டம்:

அந்த 45 பழமொழிக்கும்... முதலில் நானே அதை எழுதிய பிறகு ஒவ்வொன்றுக்கும் குறைந்த பட்சம் 2/3 பேரின் பெயர்களை எழுதி இருந்தேன்.

அதில் பலரை உங்களுக்கும் தெரியும் தலைவர்கள், அரசியல் பிரபலங்கள், நடிகர்கள், ஏன் நம்மிடையே நம்மோடு இங்கே கைகோர்த்து இருக்கும் நபர்கள் கூட உண்டு

இதைப் படித்த உங்களில் எவ்வளவு பேருக்கு... அந்த 45 அனுபவமொழிகளும் #எதிர்மறை எண்ணங்களை பிரதிபலிக்கிறது என்பது படிக்கும் போதே தோன்றியது

எனக்கு அந்த 45ற்கும் குறைந்த பட்சம் 2/3வரை குறிப்பிட்ட பிறகு தான் தோன்றியது.

அந்த 45க்கும் பதில் எழுதியதும்... எனது மூளை.. சந்தோஷத்தில் துள்ளி குதித்து.... #சபாஷ்_ஶ்ரீனி என்னே உன் அறிவு; என்னே உன் ஆற்றல் என்று முதுகில் தட்டி பாராட்டியது... எனக்கு #தற்பெருமை தாங்கவில்லை... நடிகர் திலகத்தின் கர்வமான ராஜநடை நடந்தேன்....

அப்போது என் பின்னந்தலையில் யாரோ தட்டினார்கள் திரும்பி பார்த்தால் அங்கே

என் #மனது என்னைப் பார்த்து எள்ளி நகையாடியது

ஏண்டா சீனி அந்த 45க்கும் கொஞ்சம் கூட யோசிக்காமல் கிடுகிடுவென 2/3 நபர்கள் பெயரை எழுதிவிட்டு உனக்கு புளகாங்கிதம் வேற ஒரு கேடா? என்று நெத்தியடியாக கேள்வி கேட்டது..

நாம் தான் பகுத்தறிவு பகலவனின் விடியல் வெளிச்சத்தில் விழித்தவன் ஆயிற்றே.. உடனே குறுக்கு கேள்வி கேட்டேன்....

மனசே... சொல்லு.. நான் எழுதிய பதில்களில் (நபர்களின் பெயர்கள்) ஏதாவது தவறு இருக்கிறதா??? இருந்தா சொல்லு... நிச்சயமாக இருக்காது என்று இல்லாத சட்டைக் காலரை தூக்க முயன்றேன்..

மறுபடியும்... தடாலென தலையில் தட்டியது மனசாட்சி....

டேய் சீனி.... திரும்பி அந்த கண்ணாடிய பாத்து நில்லு... இப்போது அந்த 45 பழமொழிகளையும் படி.... ஒவ்வொன்றையும் படித்து விட்டு கண்ணாடியை பார்க்க வேண்டும். உன் பதில்களை (நபர்களின் பெயர்) படிக்காதே

அதாவது 45 தரம் நீ கண்ணாடியை பாக்கணும்... அப்படி பார்த்து கொண்டே படித்து முடித்ததும்...

இப்போது சொல்லு..... அந்த 45 பழமொழிக்கும் உன் பதில்கள் முழுமையாக இருந்ததா???? - மனசாட்சி உறுத்தியது

அப்போதும் தைரியம் இல்லாமல்.... வெளிப்படையாக உண்மையை உரக்கச் சொல்ல தயங்கி.... நான் எழுதிய பதில்களில் இருந்த நபர்களின் பெயர்களை உடனடியாக நீக்கி விட்டேன்.

ஏனெனில்.....

அந்த 45க்கும்... கண்ணாடியை பார்த்து படிக்கும் போது... #என்_பெயர் தான் எனக்கு முதலாவதாக தோன்றியது.

வாழ்வின் ஒவ்வொரு காலகட்டத்திலும்.. பல்வேறு நிலைகளில்... பல்வேறு பருவங்களில்.. ஏன்... தினந்தோறும்.. பல்வேறு தருணங்களில்....

நான் அந்த 45ல் ஏதாவது ஒன்றில் பொருந்தி இருந்தேன் / இருக்கிறேன் என்பது அப்போது தான் இந்த மரமண்டையில் உதித்தது

இதைப் படித்து முடித்ததும்.... உங்களுக்கு என்ன தோன்றுகிறது??? தைரியம் இருந்தால்.. சொல்லுங்கள்

வாழ்க வளமுடன்
எல்லா நலமுடன்

@mohamedathau @rnsaai @BKannigaa @Sri_Sri_yd @GuhanRamya @Raja18812397 @sri88839783 @Subashcovai @naturaize @rprabhu @aarjeekaykannan @bullettuupandi

@raaga31280 @par_the_nomad @Radhiga_v @SivaRoobini555 @VasaviNarayanan @revenge1967 @senthilbe23 @krishnananban55 @vibhu_prabhu @vedag69 @Prabhug17198363 @anbezhil12 @GopalanVs2 @anavrittim @Pankutty1 @shaktivel2 @Bhairavinachiya @CVeeraraghavan & others