Thread by @Raamraaj3

இந்து மதத்தில் பெண்ணியம்!

By ஸ்டான்லி இராஜன் 

இந்துமதத்தின் அடிநாதமும் ஆணிவேரும் பெண் பாதுகாப்பும் சுதந்திரமுமே!

மேற்காசிய மதங்களெல்லாம் , ஐரோப்பிய மதங்களெல்லாம் கடவுள் ஒரு ஆண் என்றபொழுது கடவுளில் பாதி பெண், பெண் இல்லாமல் கடவுளே இல்லை என சொன்னமதம் இந்துமதம்.

மேற்காசியாவின் ஆபிரகாம் மனைவிக்கு தெரியாமல் மகனை பலியிட, அதாவது மனைவியினை ஒரு பொருட்டாக மதியாதபொழுது சிறுதொண்டரின் மனைவி சிவனுக்காய் தன் மகனை கணவனோடு சேர்ந்து பலியிட்டாள் என சொன்ன மதம் இந்துமதம்.

ஆண்டாளும், நாயன்மார்களில் 3 வரும் பெண்கள் என்பது இம்மத சிறப்பு; மீதி 60 நாயன்மாரிலும் கணவனோடு பக்திக்கு காவலாய் இருந்த மங்கையர்கரசிகள் உண்டு. இந்துமதம் அந்த சிறப்பை கொடுத்திருந்தது.இங்கு பெண்ணடிமை தனம் ஒரு காலமும் இல்லை,.

சுயம்வரம் என அவள் கணவனை தேர்ந்தெடுக்கும் உரிமை அவளுக்கே இருந்தது.அது சீதா, பாஞ்சாலி, நளன் கதை என்றாலும் சரி, கிராமத்தில் மஞ்சள் தண்ணீர் ஊற்றி அடையாளம் காட்டும் காட்சியானாலும் சரி. இந்துமதம் பெண்களுக்கு பூரண சுதந்திரம் கொடுத்திருந்தது.கணவன் நீர் பாய்ச்சினால் பெண் களையெடுத்தாள்.

அவன் மாடுமேய்த்தால் அவள் பாலை காசாக்கினாள். அவன் நெசவு செய்தால் அவள் நூல் நூற்றாள்.

எல்லா காலமும் இங்கு பெண்கள் ஆணுக்கு சமமாக உழைத்து கொண்டேதான் இருந்தனர்.பாண்டிய மன்னனையே கேள்வி கேட்கும் உரிமை வழங்கி கண்ணகி எனும் பெண்ணை காவியமாக்கிய மண் இது.

குழந்தை திருமணம் என்பார்களே ஏன்?மானிடனுக்கு 13 அல்லது 14 வயதிலே பாலியல் உணர்வுகள் மேலோங்குகின்றன. அவனுக்கு அந்த காலத்திலே ஒரு வடிகால் கொடுத்து ஒரு வழியும் துணையும் கொடுத்தால் 20 வயதில் அவன் சாதனைகளை தொடங்குவான்.

மாறாக அவன் அந்த தீயில்வெந்து செத்து 30வயதில் திருமணம் செய்தால் அவன் ஆயுளில் பாதி கரைந்துவிடுகின்றது.

இந்துமதம் அன்றே சொன்னதைத்தான் ஹிட்லர் தன்நாட்டில் அறிமுகபடுத்தினான். அவனின் வெற்றிக்கெல்லாம் அதுதான் காரணம்.

இன்றும் ஐரோப்பியர் இளம் வயதிலே பல சாதனைகளை செய்ய தாலி இல்லாமல் அவர்கள் செய்யும் குழந்தை திருமணமே காரணம் .மறுக்க முடியுமா?

பெண்களை அடுப்படியிலே போட்டு வதைத்தார்கள் என்பதெல்லாம் எவ்வகை நியாயம்? ஜப்பான், கொரியா, சீனா, ஐரோப்பா என எந்த நாட்டில் ஆண் சமைத்துவிட்டு பெண்ணை வேலைக்கு அனுப்பினான்?

18ம் நூற்றாண்டு வரை பெண்கள் வேலைக்கு செல்லும் அவசியம் ஒரு நாட்டிலுமில்லை ஆனால் மாடு, கன்று, வயல், வரப்பு, விறகு என வீட்டிலே வேலை இருந்தது.எந்த நாட்டு பெண் சுகமாக இருந்தாள் ?

எல்லா நாட்டு பெண்ணும் உழைத்தாள்.இங்கு அதிகாரச்சி என அரசவையில் ஆதிக்கம் செலுத்திய பெண்ணே, மருத்துவச்சி என மருத்துவமும் செய்தாள்.

ஒவ்வொரு ஆணுக்கும் அடிப்படை கல்வியினை பெண்ணே சொல்லி கொடுத்தாள்.பெண்கள் போருக்கு செல்லும் காட்சி கைகேயி முதல் கண்ணனுடன் போருக்கு சென்ற ருக்மணி வரை வரலாற்றில் உண்டு.அதன் தொடர்ச்சிதான் அப்பக்கா, நாயகிதேவி, மங்கம்மாள், வேலுநாச்சியார் வரலாறுகள்.

சமையல் முழுக்க பெண்களுக்கு என இந்துமதம் என்று சொல்லிற்று? பீமனும் நளனும் சமையலில் கரைகண்டவர்கள் என்கின்றது இந்து இலக்கியம்.கோவில்களிலும் அரசவைகளிலும் விருந்து கூடங்களிலும் ஆண்களே சமைத்தனர். அது இன்றும் தொடர்கின்றது.

வீட்டில் 4 பேருக்கு சமைக்கும் எளிதான பணியே பெண்ணுக்கு கொடுக்கபட்டது.அதுவும் அன்றைய சமையல் அறுசுவை அல்ல. கூழும் கஞ்சியும் கொண்ட மிக எளிய சமையல்.தெய்வத்திலே பெண்ணை வைத்து வணங்கியது இந்துமதம்.

பெண்களை அரண்மனை ராணியாக்கி மகிழ்ந்தது இந்துமதம்.காந்தாரி முதல் மங்கம்மாள் வரை ராணிகள் சொல்லே இங்கு ஆட்சியாய் இருந்தது பைபிளில் ஒரு ராணியினை காட்ட முடியாது, ராணியாக ஆசைபட்டு கொல்லபட்டாள் கிளியோபாட்ரா.

விக்டோரியா ராணியின் காலம் மிக சமீபமே.ஆனால் அன்றே ருத்ரம்மாளும் மங்கம்மாளும் ஆண்ட பூமி இது.

அவ்வையார் முதல் எத்தனையோ பெண் கவிஞர்கள் மன்னனுக்கு மேல் கொண்டாடபட்ட பூமி இது.இன்றும் இந்து தர்மம் பெண்களை “தாயே” என்றுதான் அழைக்கின்றது,.

சிறுமி முதல் முதிர்பெண்கள் வரை “அம்மா தாயே” என அழைக்கும் தர்மம் நம்முடையது.ஆனால் ஐரோப்பாவில் தாய் என பொருள்படும் மதர் என சொல்லிபாருங்கள்,.அப்பெண்கள் ஆத்திரத்தில் கத்துவார்கள்.ஏனென்றால் அதுதான் கிறிஸ்தவ ஐரோப்பிய தர்மம்.தாயே என்றால் வயதானவள் என கருத்தாம்.ஏற்கமாட்டார்களாம்.

ஆனால், இந்துமதம் அந்த பெரும் மரியாதையினை இந்துமதம் கொடுத்திருந்தது.இந்துமதத்தில் பெண்களுக்கு சொத்தில்லை என சொன்னவன் எவன்? சொத்துக்கு ஈடாக நகையும் பணமும் கொடுத்து அவள் வாழும் வரை அவளுக்கு சீர் கொடுக்க தகப்பன் சொத்தில் உடன்பிறந்த ஆண்களுக்கு கட்டளையிட்ட மதம் இந்துமதம்.

பெண்கள் எப்பொழுது இங்கு அடக்கபட்டதாக சொன்னார்கள்?பாரத கண்டத்து உள்நாட்டு போரில் மன்னர்கள் வென்றால் அடுத்த பெண்டிரை தொடுவதில்லை, பெண்களும் குழந்தைகளு, அந்தணரும், பசுவும் கொள்ளையில் இருந்து விலக்கி வைக்கபட்டார்கள்.

ஆம்! பெண்களை அவ்வளவு பெரும் பாதுகாப்பு பொருளாக வைத்திருந்த சமூகம் இது.

ஆனால், ஆப்கானியரும் வெள்ளையரும் வென்றால் பெண்களை நாசபடுத்துவதிலே கண்ணாயிருந்தனர். அவர்களிடம் இருந்து காக்க பெண்களுக்கு இடபட்ட வேலிதான் பின் சில சிக்கல்களை கொடுத்தது.

அது ஆப்கானிய, கிறிஸ்தவ ஆட்சியின் விளைவே அன்றி இந்துக்களின் இயல்பு அல்ல‌.இத்தேசம் பூரண இந்துதேசமாகும் பொழுது ஒவ்வொரு இந்துவும் தன் மரபறிந்து, குலம் அறிந்து, தன் பாரம்பரியம் அறிந்து பெண்களை வணங்கும் தர்மம் நம்முடையது என உணரும் பட்சத்தில் அந்த பாதுகாப்பும் தேவையிராது.

ஆம், இந்துக்களின் நாட்டில் மட்டுமே பெண்கள் சுதந்திரமாக வாழமுடியும், இந்து தர்மமே அதை செய்யவும் முடியும்.இதைத்தான் காந்தி சொல்ல நினைத்தார் .

ஆனால், அவரின் போலிமதபற்றும், வெள்ளையனுக்கு அவர் காட்டிய விசுவாசமும் ஜின்னாவின் மேலான ரகசிய காதலும், “என்று ஒரு பெண் கழுத்து நிறைய நகை போட்டு..” என மேலோட்டமாக வசனம் பேச வைத்தன.

‌

ஒரு இந்து எக்காலமும் பெண்களை காத்து நிற்கின்றான். தன் தாரத்தை தவிர எல்லா பெண்களையும் சகோதரியாக தெய்வமாக வணங்கும் பாடத்தை இந்துமதம் போதிக்கின்றது.

பெண்களை தொட்டவன் எப்படியெல்லாம் அழிவான் என்பதற்கே அது ராமாயணத்தையும் மகாபாரததையும் வாலி கதை, சந்திரன் கதை, இந்திரன் கதை என சொல்லிவைத்தது.

பெண்ணை மதித்தவன் எப்படிஎல்லாம் வாழ்வான் என்பதற்கும் அது ஏகபட்ட வரலாறுகளை சொல்லி வைத்தது.ஆம், இந்துமதத்தின் அடிநாதமும் ஆணிவேரும் பெண் பாதுகாப்பும் சுதந்திரமுமே.

அதை நல்ல இந்து அறிவான்.அறியாத பதர்கள் சில எப்படி கத்தினாலும் அவர்களுக்கு உரிய பதில் கொடுக்க இந்துமதம் எனும் மாபெரும் கோபுரத்தின் ஒவ்வொரு கல்லும் தயாராக இருக்கின்றது