Thread by @RoymukhtarRoy

" تزکیہ نفس "
تزکیہ نفس کیا ہے ؟
کیوں ضروری ہے ؟
اللہ نے نفس کا تزکیہ کرنے والوں کو کیوں کامیاب قرار دیا ہے ؟
سورہ شمس میں اللہ فرماتا ہے:
"اور ہم نے نفس کو تخلیق کیا، پھر اس میں بدکاری اور پرہیز گاری ڈال دی، بیشک مراد کو وہی پہنچا جس نے نفس کو پاک کیا"
سورہ ملک میں اللہ 🔻

فرماتا ہے:
"اللہ نے زندگی اور موت کو اس لئے تخلیق کیا کہ تمہارے اعمال کی جانچ کر سکے"
اب ان دونوں آیات کی روشنی میں آپ سمجھ چکے ہیں کہ روح جو ازل سے ہے
وہ ایک شفاف شیشے کی مانند ہے
اللہ نے تمام روحیں ایک ہی وقت میں تخلیق فرمائیں اور پھر ان سے"الست بربکم" کا عہد لیا
اس کے بعد ان🔻

روحوں کو کائنات میں پھیلے مختلف جہانوں میں بھیجنے کا سلسلہ شروع کیا
اس زمین پہ سب سے پہلے آدم کو تخلیق کر کے بھیجا گیا
اور آدم سے آگے نسل انسانی کی افزائش کا یونیورسل طریقہ رائج کر دیا
یہاں یہ یاد رہے کہ آدم علیہ السلام کی روح بھی پہلے سے موجود تھی
آدم علیہ السلام کو زمین پر 🔻

بھیجنے سے پہلے زمین کی ضروریات کے مطابق تیار کیا گیا
انہیں نفس یعنی جسم و جان عطا کی گئی، انہیں زمین کے متعلقہ تمام ضروری علوم سکھائے گئے
اور مکمل تیاری و تربیت کے بعد زمین پر بھیجا گیا
اس کی مثال آج کے دور میں سمجھنا بہت آسان ہے
کہ جب زمین سے کسی کو خلا میں بھیجا جاتا ہے تو🔻

اسے مخصوص تربیت دی جاتی ہے
خلا کے تقاضوں کے مطابق لباس پہنایا جاتا ہے اور خلا میں تیرتے ہوئے کھانے پینے اور دیگر ضروریات کو انجام دینا سکھایا جاتا ہے
یہی تربیت آدم علیہ السلام کو بھی زمین پہ آنے سے پہلے دی گئی
زمین پہ نوع انسانی کا دور شروع ہوا
ساتھ ہی نبوت اور ولایت کا نظام 🔻

بھی رائج کر دیا گیا
مختلف انبیا اپنے ادوار میں اس دور کی ضروریات کے مطابق اللہ تعالیٰ کی طرف سے زمین دنیا پر زندگی گزارنے کی ہدایات اس وقت کے لوگوں تک پہنچاتے رہے
اب یہ بات بھی سمجھنے سے تعلق رکھتی ہے کہ اللہ نے اپنی مخلوق سے براہ راست رابطہ کیوں نہ کیا ؟
مخلوق خدا کی ہدایت 🔻

کیلئے انبیا و اولیا اور آسمانی کتابوں سے کام کیوں لیا ؟
یہ نکتہ آپ کو اس تھریڈ کے آخر میں خود ہی سمجھ آ جائے گا
قرآن کی روشنی میں آپ زندگی کی تخلیق کا مقصد جان چکے ہیں
اور یہ بھی جان چکے ہیں کہ اللہ نے شر اور خیر کو آپ کے وجود میں رکھا ہے
یعنی built-in ہے
اب اپنے نفس سے برائی🔻

یعنی شر کا نکالنا یہ تزکیہ نفس کہلاتا ہے
اس کیلئے انبیا کرام کی طرف سے شریعت اور اولیا کرام کی طرف سے طریقت ہے
شریعت آپ کے ظاہر کو صاف ستھرا کرتی ہے
اور طریقت آپ کو باطنی پاکیزگی عطا کرتی ہے
اللہ فرماتا ہے کہ وہ تمہارے لباس اور حلیے نہیں دیکھتا
وہ تمہارے دل دیکھتا ہے
اور دل کی🔻

پاکیزگی طریقت کے رستے پر چل کر ہی حاصل ہوتی ہے
یہ ذہن نشین کر لیں کہ شریعت و طریقت دونوں منجانب اللہ ہیں
اور طریقت کلی طور پر شریعت کے تابع ہیں، اولیا کرام مختلف انبیا کی سنت پر کام کرتے ہیں
اور مخلوق خدا کی روحانی رہنمائی کرتے ہیں
یہ روحانی رہنمائی کا مطلب روح سے کثافت یعنی 🔻

شر کی گندگی صاف کرنا ہوتا ہے
اور یہ قطعی طور پر آسان نہیں ہے
انسان کو اس دنیا میں کھیل تماشے کیلیے نہیں بھیجا گیا ہے
اس کی تخلیق کا اصل مقصد اپنی شناخت ہے
اور شناخت تب حاصل ہو گی جب وہ اپنی روح کو اپنے نفس کو پاک کر لے گا
جب نفس پاک ہو گا تو سب حجابات ہٹ جائیں گے
اور زمین و🔻

آسمان کے سب اسرار سمجھ آ جائیں گے
پھر اللہ کی تجلیات کا مشاہدہ ہو گا
اور ابدی زندگی حاصل ہو جائے گی
جیسا کہ حضرت سلطان باہو نے فرمایا :
مرن تو اگے مر گئے باہو جنہاں کیتی نیک کمائی ہو
بلھے شاہ نے فرمایا:
وے بلیہا اساں مرناں ناہیں گور پیا کوئی ہور
یہ تزکیہ نفس ہی ہے جو آپ کو 🔻

اللہ کی نیابت عطا کرتا ہے
جو کائنات کو آپ کیلئے مسخر کر دیتا ہے، آپ کو اللہ کے مقبول بندوں میں شامل کر دیتا ہے
اللہ پھر آپ کی زبان سے بولتا ہے
آپ کی زبان کن کی طاقت حاصل کر لیتی ہے
اللہ آپ کے ہاتھ پاؤں بن جاتا ہے
اور آپ کا اس سے براہ راست رابطہ ہو جاتا ہے
اب آپ یقیناً سمجھ گئے🔻

کہ اللہ پاک ہے
اور پاک روحوں سے رابطہ رکھتا ہے
جن روحوں پہ کثافت یعنی شر کی غلاظت ہوتی ہے
وہ اس قابل نہیں ہوتیں کہ اللہ کی تجلیات کا مشاہدہ کر سکیں
یہی وجہ تھی کہ اللہ نے انبیا و اولیا کو اپنے کام کیلئے چنا
کیونکہ یہ سب پاک روحوں والے تھے
انبیا کو اللہ نے اپنی عطا سے 🔻

معصوم پیدا کیا جب کہ اولیا کرام نے یہ منزل کڑی مشقت ،مجاہدے ،عبادت و ریاضت سے حاصل کی
نبوت کا سلسلہ ختم ہونے کے بعد ولایت کیلئے سلاسل کا نظام مولا علی علیہ السلام نے ترتیب دیا
اور پھر اولیا کرام اپنی خانقاہوں میں لوگوں کی روحانی تربیت کرتے
ان کے اندر اوصاف حمیدہ پیدا کرتے روح 🔻

کو آئینے کی مانند شفاف کرتے
حسد،بغض،کینہ ،تکبر سب نکال باہر پھینکتے
اور پھر اسے خلافت کی دستار پہنا کر کسی علاقے میں روانہ کرتے جہاں وہ لوگوں کو دین بھی سکھاتا اور تزکیہ نفس کی تربیت بھی دیتا
یہ مقدس نظام اب بھی ویسے ہی جاری ہے جیسا کہ ازل سے تھا
بیشک بہت سے دنیا دار رانگ 🔻

نمبرز اس طرف آ چکے
مگر اصل مشن کا محافظ اللہ ہے جو کامیابی سے جاری ہے
تزکیہ نفس کا یہ ہر گز مطلب نہیں ہے کہ آپ ولی اللہ ہی بن جائیں گے
اولیا کی تو ایک مخصوص تعداد ہے جو نہ گھٹتی ہے اور نہ بڑھتی ہے
ان میں سے جب کوئی پردہ کرتا ہے
تو اس کی جگہ لینے والے کی تربیت مکمل ہو چکی ہوتی 🔻

ہے وہ اس کی جگہ سنبھال لیتا ہے
اور یہ اللہ کے حکم سے قیامت تک چلتا رہے گا
تزکیہ نفس انسان کی اپنی کامیابی کیلئے ضروری ہے
اگر اس جہان میں آپ نہیں کریں گے تو اگلے جہان میں جا کر کرنا پڑے گا
جب تک روح اس معیار تک نہیں پہنچے گی کہ جو اللہ چاہتا ہے
مشقت جاری رہے گی
اور سب سے آسان🔻

اس دنیا میں ہے
ترکیہ نفس کے بغیر نہ تو اپنا آپ سمجھ آتا ہے ، نہ ولایت سمجھ آتی ہے
نہ مولا علی علیہ السلام کی شان کا پتہ چلتا ہے اور نہ ہی نبی کریم ﷺ کا مقام سمجھ آتا ہے
اللہ تو پھر محمد ﷺ و مولا علی علیہ السلام کے بغیر آپ پر مہربان ہوتا ہی نہیں
اور یہ دوڑ اپنی اپنی ہے
آپ 🔻

نےمختلف تواریخ پڑھی ہیں
ہمارے ہاں یہ قدیمی طریقہ ہے کہ لوگ کسی نیک بزرگ کے بیعت ہوتے ہیں
اور وہ انہیں نفس کو پاک کرنے طریقے سکھاتا ہے
ہر روح پہ کثافت مختلف ہوتی ہے
ایک مرشد کامل کو سب حال معلوم ہوتا ہے ، اس لئے وہ ہر مرید کی تربیت الگ انداز سے کرتا ہے
صوفی ازم کیا ہے
یہی تو ہے 🔻

کہ آپ شریعت محمدی کے تقاضوں کے مطابق طریقت کے ذریعے تزکیہ نفس حاصل کریں اور وہ سب کچھ پا لیں جس کیلئے اللہ نے آپ کو تخلیق کیا ہے
اور اپنے نائب ہونے کا حق بھی ادا کر دیں
بقول علامہ اقبال
اپنے من میں ڈوب کر پا جا سراغ زندگی
تو اگر میرا نہیں بنتا نہ بن اپنا تو بن
اس کائنات میں 🔻

اللہ نے صرف پانچ نفوسِ قدسیہ یعنی پنجتن پاک کو ایسی روحیں عطا فرمائیں جو ہر قسم کے شر و نجاست سے پاک ہیں
یہی وجہ ہے کہ ان پہ ہر وقت درود و سلام پڑھا جاتا ہے
انبیا کرام کو معصوم پیدا کیا
یعنی ان کی سرشت میں گناہ نہیں لکھا
یہ اللہ کی عطا و تقسیم ہے
جو اس کی اپنی حکمت و دانائی کے🔻

مطابق ہے
اللہ سے دعا ہے کہ ہم سب کو نفس کی پاکیزگی حاصل کرنے کی توفیق عطا فرمائے
نفس کی پاکیزگی کی جانب ہم بڑھیں گے تو حلال حرام اور گناہ ثواب کا فسلفہ بھی سمجھ لیں گے
بلکہ کائنات ہی سمجھ لیں گے
#میرا

@threadreaderapp unroll