Thread by @humiraj1

*💥کھوٹا سکہ اور گندہ سکہ۔💥*

یہ ستمبر 1948 کی بات ہے. جب ہندوستان نے ریاست جونا گڑھ پر
یہ کہہ کر قبضہ کرلیا کہ ریاست کا حکمران (نواب مہابت خان) لاکھ مسلمان سہی مگر ریاستی عوام کی اکثریت تو ہندو ہے جب کہ اس استعماری ریاست نے جموں و کشمیر پر قبضہ کرتے ہوئے۔۔۔👇🏻

خیر قصہ مختصر یہ کہ جونا گڑھ پر بھارتی قبضہ کے بعد
نواب مہابت خان بروقت تمام اپنی اور اپنے اہلِ خانہ کی جان بچا کر اور مختصر ضروری سامان لے کر کسی نہ کسی طرح پاکستان پہنچنے میں کامیاب ہوگئے یہاں انہوں نے اُس
وقت کے دارالحکومت کراچی کے مشہور علاقے کھارادر میں قیام کیا.👇🏻

یہ وہی علاقہ ہے جہاں کی ایک سڑک پر وزیر مینشن نام کی وہ سہ منزلہ عمارت واقع ہے جسے قائد اعظم کی جائے پیدائش ہونے کا اعزاز حاصل ہے

نواب صاحب اپنے سرکاری خزانے میں 48 من سونا چھوڑ آئے تھے اور وہ ایسی جگہ پر محفوظ تھا جس کا علم نواب صاحب کے سوا کسی کو نہیں تھا.👇🏻

اگر ہندوستانی افواج پورا محل بھی کھود کر پھینک دیتیں تو انہیں سونا نہ ملتا. نواب صاحب کی خواہش یہ تھی کہ وہ سونا کِسی طرح پاکستان لایا جاسکے تو وہ اُس کا نصف حصہ سرکار پاکستان کے خزانہ میں جمع کرا دیں گے
اِس امر سے تو ہر ذی علم واقف ہے کہ👇🏻

اُن دِنوں پاکستان انتہائی بحران کا شکار تھا اگر چند محب وطن لوگ اس نوزائیدہ ملک کی مدد نہ کرتے تو خاکم بدہن چند ماہ کے اندر ہی اس کا وجود ختم ہوسکتا تھا. نواب صاحب خلوص دل کے ساتھ پاکستان کی خدمت کرنا چاہتے تھے. اگر وہ 24 من سونا پاکستان کے خزانے میں جمع کرا دیتے👇🏻

تو ملکی معیشت خاصی بہتر ہوسکتی تھی مگر سوال یہ تھا کہ اُسے لایا کس طرح جائے اور کون لے کر آئے؟

ہندوستان جیسا ملک شرافت کے ساتھ تو ریاست کی
امانت اُس کے حکمران کے حوالے نہ کرتا اب تو ایک ہی صورت باقی بچی تھی غیر قانونی ذریعہ مگر حقیقتا سونے کو خفیہ طریقے سے پاکستان منتقل👇🏻

کرنا ہندوستان کی نظر میں تو غیر قانونی ہوسکتا تھا مگر پاکستان یا نواب مہابت خان کے لئے نہیں کیونکہ یہ زر کثیر نواب صاحب کی ملکیت تھا

اب کردار شروع ہوتا ہے کھوٹے سکے کا. وہ تھے اُس دور کا مشہور سمگلر حاجی عبد اللّٰه بھٹی جو سمندر پار بستی صالح آباد میں رہائیش پذیر تھے.👇🏻

یہ بستی کراچی کی بندرگاہ کیماڑی سے تقریباً دس میل کے فاصلے پر واقع ہے
عبد اللہ بھٹی اُس وقت اَسی برس کے تھے اور اپنا پیشہ ترک کرکے یاد الہی میں مصروف تھے

نواب مہابت خان کو جب اِس بارے میں علم ہوا تو انہوں نے پاکستان کی ایک نہایت قابل احترام اور اعلی ترین شخصیت سے درخواست👇🏻

کی کہ وہ اپنے اثر و رسوخ سےعبد اللّٰه بھٹی کو اِس بات پر راضی کرلیں کہ وہ کسی بھی صورت اُن کا سونا جونا گڑھ کے خزانے سے نکال لائے
اُس محترم ہستی نے عبد اللّٰه بھٹی کو اپنے روبرو طلب کرکے ملک و قوم کی خاطر یہ کام کرنے پر آمادہ کر لیا
جونا گڑھ سمندر کے راستے کراچی سے تین سو👇🏻

میل دور ہے
عظیم شخصیت کے حکم پر بوڑھے مگر پر عزم عبد اللّٰه بھٹی اپنے بیٹوں قاسم بھٹی اور عبد الرحمن بھٹی کو ساتھ لیکر تیز رفتار لانچوں کے ذریعے جونا گڑھ روانہ ہوگئے
پاکستانی فوج کے چند کمانڈوز بھی اُن کے ساتھ تھے
اِن لوگوں نے ایک بجے دوپہر کو بحری سفر شروع کیا👇🏻

اور خفیہ راستوں سے ہوتے ہوئے جونا گڑھ کےساحل پر پہنچ گئے اُس وقت شب کے10بجے تھے شاہی محل ساحل سمندر سے کچھ زیادہ دور نہ تھا پاکستانی کمانڈوز نے محل پر متعین بھارتی فوج کے افسران اور سپاہیوں کا خاتمہ کیا اب دیکھئے سمگلر کا حسن کردار جب اُنہوں نے انتہائی اعلی شخصیت کی موجودگی میں👇🏻

48 من سونا نواب مہابت خان کو پیش کیا تو جہاں نواب صاحب نے حسب وعدہ 24 من سونا حکومت پاکستان کی نذر کیا وہیں اپنے حصے میں آنے والے 24 من سونے میں‌ سے 4 من سونا حاجی عبد اللّٰه بھٹی کو بطور اِنعام پیش کیا
حاجی عبد اللّٰه بھٹی نے یہ سونا لینے سے انکار کردیا اور زار و قطار روتے👇🏻

ہوئے بولے
"بابا"
میں نے ساری زندگی سمگلنگ کی مگر وہ انگریز کا زمانہ تھا
اب میں نے سمگلنگ نہیں کی بلکہ پاکستان کا حق حاصل کیا ہے میں سمگلر ضرور ہوں مگر مادر وطن کی دولت نہیں لوٹوں گا پھر دوبارہ رونے لگ گئے. کچھ دیر بعد خاموش ہوئے اور سلسلہ کلام جاری رکھتے ہوئے کہنے لگے👇🏻

میں یہ چار من سونا بھی حکومت پاکستان کے خزانے کے لیے پیش کرتا ہوں. اِس کے علاوہ میرے پاس ذاتی 3 من سونا ہے جو اِس مقدس دیس کی نذر ہے پھر اُس عظیم ہستی اور نواب مہابت خان کے آنسو بھی نہ رک سکے لیکن یہ خوشی کے آنسو تھے
فخر و انبساط کے آنسو.اور ایک ہمارے اِس دور👇🏻

کے کھوٹے نہیں بلکہ گندے سکے ہیں جو پاکستان کی دولت کو لوٹ کر دوسرے ملکوں میں لے گئے مگر نہ شرم ہیں نہ حیا تو ان
اُن کو کیا نام دیا جائے ؟

منقول. اردو ڈائجسٹ. ایڈیٹر.مجیب الرحمن.. شامی.
مضمون نگار. پروفسر محمد ظریف خان