Thread by @skpkaruna

ஆர்.எஸ்.எஸ் vs ஜெயலலிதா : போன திரெட்லே சிலர் ஜெ ஆட்சியில் இருந்தபோது ஆர்.எஸ்.எஸ் முகாம்களை நடத்த விடலையே! அவர்தானே இரும்புப் பெண்மணி என்றெல்லாம் சிலாகித்திருந்தார்கள். அதைக் கண்டு நீங்களும் வியந்திருப்பீர்கள்!
அதைப் பற்றி விரிவா பார்ப்போம். ஆர்.எஸ்.எஸ் தனது அரசியல் அமைப்பாக 1980

ஆம் ஆண்டில் பாஜகவை தொடங்கிய போது அதற்காக வைத்த சில முக்கிய செயல்திட்டங்களில் முதல் மூன்று செயல்திட்டங்கள்
1. பாபர் மசூதி இடத்தில் ராமர் கோவில்
2. காஷ்மீர் மாநிலத்தின் தனிச் சலுகையான 370 பிரிவு நீக்கம்
3. இந்தியாவில் பொது சிவில் சட்டம்.
34 ஆண்டுகள் கழித்து 4ஆம் முறையாக (முதல்முறை

13 நாள் ஆட்சி) ஆட்சிக்கு வந்த போதுதான் முதல் இரண்டை செய்து முடித்தது. தேர்தல் கமிஷன் முதல் உச்சநீதி மன்றம் வரை ஊடுறுவி, ராஜ்ய சபா மெஜாரிட்டி இல்லையெனினும் புறவாசல் வழியே சட்டங்களை இயற்றும் வழிகளைக் கண்டறிந்த பிறகே இதை செய்ய முடிந்தது. பொது சிவில் சட்டம் அடுத்த பொதுத் தேர்தலுக்கான

மெனுவாக இருக்கும். இதில் நம் 'இரும்புப் பெண்மணி' என்ன செய்தார் என பார்ப்போம்!
1. இந்தியாவில் ராமனுக்கு கோவில் கட்டாமல் வேறெங்கே கட்ட முடியும் என பகிரங்கமாக கரசேவையை ஆதரித்தார்.
2. இந்தியர்கள் அனைவருக்குமான பொது சிவில் சட்டம் தேவை என நேரடியாக அறிவித்தார்.
3. காஷ்மீருக்கான 370

பிரிவை ரத்து செய்த மசோதாவின் போது அதிமுக இரு அவைகளிலும் அதை ஆதரித்து வாக்களித்தது.
இவை முழுமையான ஆதாரங்கள் கொண்ட சரித்திரப் பதிவுகள். சரியா?
பொது சிவில் சட்டம் கொண்டு வரப்படும் போதும் அதிமுக ஆதரவளிக்கும் என்பதில் ஐயமில்லை.
சரி! ஆர்.எஸ்.எஸ்க்கும் அதிமுகவுக்கும் என்ன வேறுபாடு?

ஏதுமில்லை. Absolutely Nothing. இருந்தால் யாரும் மறுக்கலாம்! திராவிட மண்ணில் அரசியல் நடத்துவதால் சமூகநீதி கோட்பாட்டில் மட்டும் அதிமுக நிலையாக நின்றது. அதிலும் EWS மசோதாவின் போது ஜெ இருந்திருந்தால் உச்சி முகர்ந்து பாராட்டி இருப்பார். எனவேதான் அதிமுகவும் அதை ஆதரித்து வாக்களித்தது.

தமிழ்நாட்டுக்கு வருவோம். இங்கே ஆர்.எஸ்.எஸ் முகாம் நடத்த ஜெ எதிர்த்தாரா?
ஆம்! கடுமையாக எதிர்த்தார்.
அதன் காரணம் குறித்து பேசுவோம். தமிழ்நாட்டின் மற்ற கட்சிகளுக்கு பாஜக அரசியல் எதிரி. ஆனால், ஜெயலலிதாவுக்கோ அது தொழில் போட்டி.
எப்படி? பாஜக பெறும் வாக்குகள் அனைத்தும் அந்தக் கட்சி

இல்லையெனில் அதிமுகவுக்குதான் செல்லும் என்பதை அரசியல் அறிந்தோர் எவருக்கும் புரியும்.
ஜெ அடிப்படையிலேயே ஓரு வலதுசாரி. அவர் பிறந்து வளர்ந்த சூழல் அப்படி. சர்ச் பார்க் கான்வெண்ட் காலம் மட்டுமே அவருக்குக் கிட்டிய வெளியுலக ஜன்னல். அது இல்லாதிருந்தால் திராவிட அரசியலுக்கே அவர் வந்து

இருந்திருக்க வாய்ப்பு குறைவு. சோ அவரது வழிகாட்டி என்பதால் அவரது சிந்தனையின் வெளிப்பாடு அதே பிரதிபலிப்பு. எப்போதெல்லாம் அவரிடம் அரசியல் அதிகாரம் கிடைத்ததோ அப்போதெல்லாம் மதமாற்று தடைச் சட்டம், ஆடு,கோழி பலி தடைச் சட்டம், கரசேவை ஆதரவு என துக்ளக் தர்பார் தூள் பறந்தது. தோல்விகளின் போதோ

திராவிடக் கொள்கைகள், எம்ஜிஆர் பாசம் மேலோங்கும். ஸ்ரீரங்கம் தேர்தலில்தான் ஆர்.எஸ்.எஸ் இயக்கப் பணிகள் நேரடியாக தன்னை பாதிப்பதை உணர்ந்தார். தனது வாக்கு வங்கியில் அவர்களது ஊடுறுவலை அவரால் சகிக்க முடியாமல், சட்டத்தை மீறி அவர்கள் இயங்க பல பிரச்சனைகளைத் தந்தார். இந்த மோதல்கள், வழக்குகள்

அனைத்தும் வெளிப்படை ஆதாரங்களாக உள்ளன. அத்வானி பல முறை பேசியும் ஜெ மனம் இறங்காததால் கோர்ட் உத்தரவின் மூலம் பிடிவாதமாக ஆர்.எஸ்.எஸ் பேரணி கூட நடைபெற்றது. சோ தனது துக்ளக் விழாவில் பேசியபோது, I have tried my best to convince her. But I couldn't do it. May be she is right. என்றார்.

இந்த வலதுசாரி ஓட்டு வங்கிக்கான உரிமைப் பிரச்சனைதான் ஆர்.எஸ்.எஸ் இயக்கத்துக்குப் பிரச்சனை ஆனது தவிர அது கொள்கை எதிர்ப்பு அல்ல. அல்ல. அல்ல.
எதையெல்லாம் ஆர்.எஸ்.எஸ் தனது வாழ்நாள் லட்சியமாகக் கருதியதோ அவைகள் அனைத்தையும் ஜெ அப்பட்டமாக ஆதரித்து பேசியதும்,, வாக்களித்ததும் வரலாறு. பிறகு

வேறென்ன வித்தியாசம்?
மனசாட்சி உள்ள தமிழர்கள் சொல்லுங்கள்.
அயோத்தியில் ராமர் கோவில், பொது சிவில் சட்டம், 370 பிரிவு ரத்து ஆகிய இந்திய மக்கள் மனங்களை நிரந்தரமாக பிரிக்கும் செயல்திட்டங்களுக்கு வெளிப்படையாக ஆதரவளித்த ஜெயலலிதாவை இரும்புப் பெண்மணி என்பதும்,
ஐந்து ஆண்டுகள் பாஜக அரசில்

இருந்தாலும் மேற் சொன்னவைகளில் ஒரே ஒரு அம்சத்தைக் கூட நிறைவேற்ற அனுமதிக்காத, நாடாளுமன்றத்தில் எதிர்த்து வாக்களித்த, இடையில் முளைத்த புது பூதமான CAA / NRC சட்டத்தை எதிர்த்து வீதிகளில் போராடிய, வலதுசாரி செயல் திட்டங்களுக்கு எதிராக உறுதியாக நிற்கும் திமுகவை ஆர்.எஸ்.எஸ் அடிமை என்பதும்

வெறுமனே அரசியல் அபத்தம் மட்டுமல்ல. இது திட்டமிட்ட Narrative Setting. இதனை சோஷியல் மீடியாவில் முனைந்து பரப்பும் திடீர் போராளிகள், Pseudo Communists, Pseudo Periyarists களை அடையாளம் கண்டு கொள்ளுங்கள்.
"ஆர்எஸ்எஸ் ஐ எதிர்ப்பது என்பது அதன் கொள்கைகளை எதிர்ப்பது. அதன் செயல் திட்டங்களை

எதிர்த்து உறுதியாக நிற்பது" அதை தமிழ்நாட்டில் செய்தது திமுக & கூட்டணி மட்டுமே! ஒரு உள்ளரங்குக் கூட்டத்தை மாபெரும் கொள்கைப் பிறழ்வாக சித்தரிப்பதையும், நேரடியான வலதுசாரி ஆதரவாளரை மாபெரும் ஆளுமை என போலிப் பிம்பம் உருவாக்கலின் உள்நோக்கத்தை அறிவுள்ளோர் அடையாளம் கண்டு கொள்வார்கள்.

இந்தப் போலிகளிடம் விவாதிக்க நேரிட்டால் நீங்கள் கேட்க வேண்டியது, திமுக ஆட்சியில் இல்லாத 10 ஆண்டுகளில் நடைபெற்ற ஆர்எஸ்எஸ். உள்ளரங்கு பயிற்சிகள், ஷாக்கா, பேரணியை எதிர்த்து நீங்கள் போராடிய போராட்டங்கள் என்ன? அதற்கான தரவுகள் எங்கே? என்பதுதான்.
நீங்கள் குட்டிக்கரணமே அடித்தாலும் பதில்

ஏதும் வராது. இவர்கள் திமுகவை எதிர்க்கவே உருவாக்கப்பட்டவர்கள். அது மட்டுமே அவர்களின் ஒரே செயல்திட்டம்.
"தமிழ்நாடு என்று பெயர் இருக்கும் வரையில் இந்த மாநிலத்தை இந்த அண்ணாதுரைதான் ஆள்கிறான்" என்று என பேரறிஞர் அண்ணா சொன்னதைப் போல, சமூக நீதிப் பாதையில் உறுதியாக நின்று ஆளும்வரை இந்த

திராவிட மண்ணை நமது தளபதி ஸ்டாலின் தான் ஆள்வார். நாம் அனைவரும் இங்கே இணைந்து இயங்கும்வரை அதை மாற்ற யாராலும் முடியாது. இங்கே நாம் தான் கேடயம். நாம்தான் கவசம். நாம்தான் எதிர்காலம்.

பி.கு : அண்மையில் திமுக நண்பர்களிடையே கேள்வி பதிலாக ஆற்றிய உரையின் சாரம்.

Read 👇
timesofindia.indiatimes.com/jaya-supports-…