Thread by @humiraj1

لاہور، ملتان، حیدرآباد کے مخصوص بازاروں کا پس منظر رکھنے والی اداکارائیں جب اپنی ولدیت کے خانے میں کسی سید یا راجپوت کا نام لکھتی ہیں تو اتنی حیرت نہیں ہوتی جتنی کرپشن زدہ سیاستدانوں کو قائد اعظم یا فاطمہ جناح سے تعلق جوڑتے دیکھ کر ہوتی ہے۔ کہاں یہ آفشور👇🏻

اور بے نامی جائیدادوں والے لٹیرے اور کہاں وہ دیانت و امانت کے پیکر۔

"وکٹوریہ روڈ کے دوسرے نکڑ پر ایک بہت عمدہ ریسٹورینٹ "کیفے گرینڈ" تھا جہاں اتوار کو بڑی رونق ہوتی تھی۔ بہترین کیک پیسٹری اور وہ بھی اتنے مناسب داموں میں کہ گھریلو بجٹ میں ڈینٹ نہ پڑے۔ اس کے مینیجر نے👇🏻

ہمیں بتایا کہ گورنر ہاؤس کو کنفیکشنری کیفے گرینڈ ہی سے سپلائی ہوتی تھی۔ 1947 کے بعد گورنرجنرل ہاؤس کو بھی ڈبل روٹی وغیرہ کیفے گرینڈ ہی سپلائی کرتا تھا۔ ایک دن مادر ملت محترمہ فاطمہ جناح کا فون آیا کہ جو فٹ بھر لمبی ڈبل روٹی آپ روزانہ بھیجتے ہیں، وہ ضائع ہو جاتی ہے،👇🏻

اس لیے کہ ناشتے پر صرف ہم دو ہوتے ہیں۔ آپ چھوٹی ڈبل روٹی بھیجا کریں جو بس ہم دونوں کے لیے کافی ہو۔
مینیجر نے جواب دیا، میڈم ہمارے ہاں توبرس ہا برس سے اسی سٹینڈرڈ سائز کی ڈبل روٹی بیک کرنے کا ایک ہی سانچا استعمال ہوتا ہے۔
"تو آج ہی چھوٹا سانچا بنوا لو۔ You see my point?"👇🏻

مینیجر نے وہ چھوٹا سانچا ہمیں دکھایا جس میں صرف ایک منی سی ڈبل روٹی بنتی تھی۔
قائد اعظم کی رحلت کے بعد روزانہ ایک وین میں اٹا اٹ بھری کنفیکشنری حسب دستور قدیم بھیجی جانے لگی۔
میں ادب اور پوری سنجیدگی سے یہ تجویز پیش کرنا چاہوں گا کہ حکومت اس تاریخی اور متبرک👇🏻

سانچے کو حاصل کر کے میوزیم میں تبرکاً و تیمناً سجائے تاکہ لوگوں کو معلوم ہو کہ یہ تھا ہمارا قائد اور ایسی تھی اس کی زیرک اور سلیقہ شعار بہن۔"
(مشتاق احمد یوسفی ۔۔۔۔۔ شام شعر یاراں صفحہ 29)