Thread by @sejoalzir

SEMIYOTIKA, ANG UTAK NG PINOY, AT MGA ROSAS

Hindi lang semiotics ang gagamitin ko sa pag-aanalisa sa bagong TV ad ni Robredo. Makakatulong din ang structuralism na maghihimay sa mga binary opposite para maiintindihan kung bakit patok at epektibo ang ad.

Halatang propesyunal ang mga gumawa ng ad. Siguro may manunulat pang sumali. Puwede ring may bihasa sa social psychology. Mahahalata ang husay at galing sa makikita. 'Yong pinag-isipan, pinag-usapan, at pinagdebatehan pa siguro. Walang "puwede na 'yan". Hindi rin nag-Hail Mary.

Ang istruktura ng naratibo ay nasa porma ng tambalang magkasalungat o binary opposite. Abo/itim-kalimbahin/puti. Tinik-bulaklak. Sugat-hilom. Ngayon-bukas. Desperasyon-pag-asa. Marami pa ang dapat idagdag. Basta angkop ang istrukturang 'yan sa structuralist mind ng mga Pilipino.

Sanay naman kasi ang mga Pilipino sa ganyang pag-iisip--tambalang magkasalungat. May maganda at merong pangit. And paggamit ng "medyo maganda" o medyo pangit" ay pangungutya. Hanggang diyan lang ang utak ng mga pinoy. Walang x factor o kakaibang ganda na isang dayuhang konsepto.

Kahit sa politika, Dilawan at DDS lang noon at Kakampink at BBM naman ngayon. Kahit may mga nasa gitna, binabalewala sila o tinatabunan. Kahit ang salungatan ng Tallano gold at ill-gotten wealth ay binary opposite din—sariling sikap versus pagnanakaw. Walang nagsikap at nagnakaw.

Sa pag-aaral ko ng mga binary opposite, sa mga pagkain lang yata nalalagpasan ng utak-Pinoy ang binary opposite. Sa mga prutas, may mura, hilaw, manibalang, magulang, hinog, at lata. Kaya siguro merong ayuda, relief, community pantry, bigay, donasyon, etc. Walang binary opposite.

Magagamit din ang structuralism sa pagsagot kung bakit hindi pinahahahalagahan ng mga Pilipino ang kasaysaya. Kahapon kasi 'yan. Ang kasalungat ng ngayon para sa kanila ay bukas. Kaya sa ad, ang mga problema ngayon ang nilalahad at ang pag-asang kulay-rosas bukas kung si Robredo.

Hindi binanggit ang mga nagawa ni PNoy na siyang nagdulot ng pagka-tiger economy ng Pilipinas. Bukod sa malilito ang utak ng Pilipino, magiging kahapon ang naratibo at masasapawan ang bukas ni Robredo. See, dahil sa binary opposite kaya naging simple at maayos ang mensahe ng ad.

Kahit sa mga imahe, binary opposite pa rin ang saysay. Ang face mask sa basurahan at ang karatulang "covid-19 full capacity" ay pagwaldas sa Pharmally at pagtipid ng DOH. Si Robredo sa Marawi: strenght niya at weakness na atake sa kanya. Mahahagap ng mga manonood ang mga 'yan.

Hindi ako sigurado kung intensiyonal o tsamba ang lingusitic signaling na ito: bukas (tomorrow). Ang mga naunang imahe kasi ay mga saradong negosyo. Posible ang cognitive shifting sa makakarinig. Ang bukas na tomorrow ay magiging bukas na open--as in bukas ang mga negosyo bukas.

Ang mga pink roses ay mahusay na naisali sa TV ad. Maiintindihan ng classes ABC ang mga idiom na may kinalaman sa pink at roses. "Pink of health" na excellent condition. "Bed of roses" na comfortable situation. 'Yan ang hope ni Robredo na mauunawaan ng upper and middle classes.

May nag-message sa akin kung bakit bata ang huling imahe sa TV ad kung hindi naman daw makaboto. Simbolo kasi ang bata ng bukas o kinabukasan. Ang pagyakap ni Robredo sa kanya ay paniniguradong ang pag-asang dala niya ay para sa kasalukuyan at para sa kinabukasan din. Kumpleto.

Ang isa pang ginawa sa TV ad ni Robredo ay ang sibliminal deification sa kanya. Mahal na Ina at ina. Sino ba ang our lady of roses? Birheng Maria. Sino ba ang inaalayan ng rosas sa pamilya? Ina. Hindi halata pero papasok 'yan sa mga utak ng mga manonood lalo na ang mga Katoliko.

Ang isa pa palang konseptong Pilipino na walang kasalungat ay ang pakikipagkapwa. Malalim naman kasi ang "kapwa" sa ating kamalayan kaya hindi basta-bastang lapatan ng kasalungat. Hindi puwede ang pag-iisa na ang kasalungat ay pagsali. Basta iba ang pakikipagkapwa. Malalim siya.

Naipakita ni Robredo ang pakikipagkapwa niya sa pamamagitan ng masimpatiya niyang pagkilos. Galaw pa lang malasakit na. Paghawak ng mga kamay. Pag-akbay sa matanda. Pagkanlong sa mga bata. Pagyakap sa babae at sa bata. Walang mga kasalungat ang mga 'yan sa ating pakikipagkapwa.

Tapos.

Nakalimutan:

Sa Sagala o Flores de Mayo, Mahal na Ina ang inaalayan ng mga bulaklak.

Mother's Day man o Valentine's Day, binibigyan ng mga rosas ang ina.