Tweet

@threadreaderapp

More from @girish8483

Girish ™

@girish8483

Feb 6

*तुच ऊठवले प्रभात समयी*
*गाऊन भूपाळी छान*
*तुच निजवलेरात्री आम्हा*
*अंगाई ग तुझाच मान*
*बालगिते ती तुझीच एकून*
*स्वप्नात रमलो विसरून भान*
*यौवनात केले पदार्पण*
*तुझीच गाणी ऐकत ऐकत*
*प्रेम कराया शिकलो मी*
*विरहात तु, मिलनात तु*
*लग्नात तु मधुचंद्राच्या वेळी*
(१)

*मनात तु कानात तु*
*अंकुरल्या प्रेमाच्या साक्षीत*
*तुझेच गीत ओठावरती*
*डोहाळ्याला तु बारशाच्या सोहळ्याला तु*
*संसाराच्या साऱ्या क्षणाला तु*
*मरणाऱ्याच्या प्रार्थनेत तु*
*देवाच्या आळवणीत तु*
*ए मालिक तेरे बंदे हम*
*सांगणारी तुच,*
*जन पळभर म्हणणारी तुच*
(२)

*सारं जीवन व्यापणाऱ्या तुला कोटी कोटी प्रणाम..*
*तुझ्या त्या मधात भिजलेल्या स्वरतंतूना सलाम*
*तु इतकं दिलंयस आम्ही काय देणार *तुला*
*एक मात्र नक्की जगाच्या अंताला सारे ध्वनी संपतील,*
*पण एक स्वर गुंजत राहिल*
*ओम् नमोजी आद्या- -*
*आणि देव म्हणतील ही तर लता जी चिरंजीवी आहे*
(३)

Read 5 tweets

Girish ™

@girish8483

Jan 9

*फुंकर*.. किती सुंदर अर्थवाही शब्द.. नुसता शब्द वाचला तरी डोळ्यापुढे तरळतो तो ओठांचा चंबू, ते अर्धोन्मीलित प्रेमव्याकूळ नेत्र, ती माया, ती ममता, तो स्नेह, ती सहवेदना, ती संवेदनशीलता आणि अस्फुट ऐकूही येतो, फू ऽऽऽ, तो अलगद सोडलेला हवेचा विसर्ग, एक लाघवी उच्छ्वास.*
(१)

*फुंकर.. एक सहजसुंदर, स्वाभाविक, हळूवार भावनाविष्कार.*

*फुंकर*

धनी निघाले शेतावरती
बांधून देण्या भाजी भाकर
चुलीत सारून चार लाकडे
*निखार्‍यावर घाली फुंकर।*

माय जाणते दमले खेळून
बाळ भुकेले स्नानानंतर
बशी धरूनी दोन्ही हातानी
*दुधावरती हळूच फुंकर।*
(२)

कुसुम कोमल तान्हे बालक
चळवळ भारी करी निरंतर
ओठ मुडपुनी हसे, घालता
*चेहर्‍यावरती हळूच फुंकर।*

खेळ खेळता सहज अंगणी
डोळ्यात उडे धूळ कंकर
नाजूक हाते उघडून डोळा
*सखी घालते हळूच फुंकर।*
(३)

Read 7 tweets

Girish ™

@girish8483

Jan 8

जगायास तेव्हा खरा अर्थ होता, निरर्थास ही अर्थ भेटायचे..

मनासारखा अर्थ लागायचा अन मनासारखे शब्दही यायचे..
(१)

नदी-सागराचे किनारे कितीही मुक्याने किती वेळ बोलायचे..

निघोनी घरी शेवटी जात असता वळूनी कितीदा तरी पाहायचे..
(२)

उदासी जराशी गुलाबीच होती, गुलाबात ही दु:ख दाटायचे..

जरा एक तारा कुठेही निखळता, नभाला किती खिन्न वाटायचे..
(३)

Read 7 tweets

Girish ™

@girish8483

Nov 27, 2021

"जीवन असंच जगायचं असतं"
जे घडेल ते सहन करायचं असतं,
बदलत्या जगाबरोबर रहायचं असतं,
"जीवन असंच जगायचं असतं"
कुठून सुरू झालं हे माहीत नसलं,
तरी कुठे थांबायचं हे ठरवायचं असतं,
"जीवन असंच जगायचं असतं"
कुणासाठी काहीतरी निस्वार्थपणे करायचं असतं,
(१)

स्वतःच्या सुखापेक्षा इतरांना सुखवायचं असतं,
"जीवन असंच जगायचं असतं"
दुःख आणि अश्रूंना मनात कोंडून ठेवायचं, असतं,
हसता आलं नाही तरी हसावयचं असतं,
"जीवन असंच जगायचं असतं"
पंखा मध्ये बळ आल्यावर घरटं सोडायचं असतं, आकाशात झेपावुनही धरतीला विसरायचं नसतं,
(२)

"जीवन असंच जगायचं असतं"
मरणाने समोर येऊन जीव मागितला तरी,
मागुन मागुन काय मागितलंस असं म्हणायचं असतं,
"जीवन असंच जगायचं असतं"
इच्छा असो वा नसो जन्मभर सुखी राहुन,
जग सोडताना मात्र समाधानाने जायचं असतं,
"जीवन असंच जगायचं असतं"
(३)
शुभ रात्री..
🙏🙏

Read 4 tweets

Girish ™

@girish8483

Nov 21, 2021

माझा आवडता "प्राजक्त"..
(१)

काल एक सुंदर चारोळी वाचली....

'सकाळी अंगणातला पारिजात,
फुलांचा सडा टाकून मोकळा होतो
रिते होण्यातले समृद्धपण,
तो किती सहजपणाने दाखवतो'
(२)

कुणाची आहे माहित नाही पण भावली मनाला..

'प्राजक्त सडा टाकून मोकळा झाला'.

त्याचा भार हलका झाला. अर्थात....फुलंच ती....इलुशी...नाजुक....त्यांचा भार तो कितीसा असणार ! आणि काहीही झालं तरी 'सृजनाचा' कुठे कधी भार होत असतो का ? 'हलका झाला'... पण म्हणून पोकळी नाही निर्माण झाली.
(३)

Read 9 tweets

Girish ™

@girish8483

Nov 19, 2021

गणपती बाप्पा आपल्या सगळ्यांचीच प्रिय देवता आहे.. श्री गणेशास अथर्वशीर्षाचे आवर्तन करून अभिषेक करण्यात येतो. येत्या मंगळवारी चतुर्थी आहे. मंगळवारी येणाऱ्या चतुर्थीला "अंगारकी चतुर्थी" असे म्हटले जाते. त्यानिमित्त अथर्वशीर्षाचे महत्त्व सांगणारा हा एक लेख प्रपंच..

*अथर्वशीर्ष म्हणजे कांय...?*

*अथर्वशीर्ष*

थर्व म्हणजे हलणारे आणि
अथर्व म्हणजे ' न हलणारे
शीर्षम् ' !!

सुलभ भाषेत सांगायचं म्हणजे
अथर्वशीर्ष म्हणजे स्थिर बुद्धी
असलेलं मस्तक...!!

अथर्वशीर्षाचं पठण केलं, की
बुद्धी आणि मन स्थिर होतं, अशी
गणेश उपासकांची श्रद्धा असते.

स्थिर आणि निश्चयी बुद्धीने केलेलं
कांम हे नेहमी यशस्वी होतं.
आत्मविश्वास वाढू लागतो, माणूस
नम्र होतो. असा माणूस मग
अडचणींमध्येही संधी शोधू
लागतो, अशी गणेश उपासकांची
श्रद्धा असते.
(२)

Read 28 tweets

Share this page!

Girish ™

Try unrolling a thread yourself!

More from @girish8483

Girish ™

Girish ™

Girish ™

Girish ™

Girish ™

Girish ™

Did Thread Reader help you today?

Don't want to be a Premium member but still want to support us?

Like this author's thread?