Thread by @Aabi_Kausar

*" جبلِ ثور سے کرناٹک تک* "

کل 15 سالہ فاطمہ صغری یاد آگئی۔ تاج برطانیہ کے خلاف مزاحمت کرنے والی دلیر لڑکی ۔۔۔۔
یہی مہینہ تھا ۔۔14فروری اور 1947 کا سال ۔۔۔
پنجاب سیکریٹریٹ کے سامنے احتجاج پر پولیس لاٹھی چارج کر رہی تھی ، ایک دبلی پتلی لڑکی کالے رنگ کا دوپٹہ اوڑھے ہجوم سے

نکلتی ہےاور پنجاب سول سیکرٹریٹ کی عمارت سے یونین جیک کو اتار کر اس کی جگہ سبز دوپٹہ ’مسلم لیگ کے پرچم‘ کے طور پر لہرا دیتی ہے اور تاریخ میں امر ہوجاتی ہے۔ اسے بھی نہ جان کی پرواہ تھی نہ ہجوم کا خوف ۔۔۔
یہ جبر کے خلاف نہتی لڑکی کی مزاحمت تھی ۔۔۔

*مسکان خان کے پاس بھی دو راستے تھے یا تو شدت پسندوں کی مرضی کے سامنے جھک جاتی اور جان* *کا رسک نہ لے کر مڑ جاتی کہ کچھ لوگوں کا خیال ہے جان عزیز ہونی* چاہیے غیرت ، حمیت ، حقوق اور عقیدہ یہ سب ثانوی حیثیت رکھتی ہیں ۔
بات لباس یا حجاب کی نہیں بات یہ ہے کہ آپ حق پر ہوتے ہوئے باطل

اور جبر و استعداد کے سامنے نعرہ حق کس طرح بلند کرتے ہیں ۔ *تاریخ کی کتابوں کے حاشیے بھی بہادر لوگوں کی داستاں سے پُر ہیں ۔ پون* *صدی کے بعد ایک اور بہادر لڑکی تاریخ کا حصہ بننے جارہی ہے ۔ اس کی چال ، اٹھتے قدم ، اعتماد ،* جرات نے دنیا کو حیرت زدہ کردیا ہے ۔ کچھ دانشوروں کی عقل تو

اب بھی محو تماشائے لب بام ہے۔
*ایک بات یاد رکھیے ! وہ طرابلس کے میدان کی فاطمہ بنت عبداللہ ہو ، غار ثور میں کھانا پہنچانے والی* *اسما بنت ابوبکرؓ ، یونین جیک اتارنے والی فاطمہ صغری یا باطل کے سامنے اللہ اکبر کا نعرہ لگانے والی کرناٹک کی مسکان* *خان ، ان کی تو گھٹی میں

حق گوئی و بےباکی شامل ہوتی ہے ۔ یہ موت سے ڈر کر ہٹ جانے پر* ڈٹ جانے کو ترجیح دیتے ہیں ۔ بزدل اور بے حمیت تو ہم ہیں جو "یُوں ہوتا اور تُوں ہوتا" کے چکر میں پڑے رہتے ہیں ۔ تاریخ تو ہمیشہ سر پھرے ہی رقم کرتے ہیں۔

سوشل میڈیا کی طاقت دیکھیے وہ باحجاب لڑکی اس وقت بہادری اور

دلیری کی مثال بن چکی ہے۔ اللہ اکبر کا نعرہ لگانے والی وہ دلیر لڑکی

*وہ سحر جس سے لرزتا ہے شبستانِ وجود*
*ہوتی ہے بندۂ مومن کی اذاں سے پیدا*
(منقول)
#قلمکار
#شاہ_عدن
#ظفریات