Thread by @Raamraaj3

*அருள்மிகு மங்களநாதர் திருக்கோவில்*

ஒரே நாளில் மூன்று வேளையும் சென்று தரிசித்து பலனை அடையத்தக்க வகையிலான கோவில் ஒன்று உள்ளது என்றால் அது அருள்மிகு  மங்களேஸ்வரி சமேத மங்களநாதர் திருக்கோவில் மட்டுமே.

🙏🇮🇳1

*சுவாமி :* மங்களநாதர்

*அம்பாள் :* மங்களேஸ்வரி

*தலவிருட்சம் :* இலந்தை மரம்

*ஊர் :* உத்தரகோசமங்கை

*மாவட்டம்* : ராமநாதபுரம்

🙏🇮🇳2

*தல வரலாறு :*

மண்டோதரி (இராவணனின் மனைவி) என்ற பெண் முன்னொரு காலத்தில் உலகில் தலைசிறந்த சிவனின் பக்தரை தான் திருமணம் செய்து கொள்ள வேண்டும் என ஈசனை தியானித்தாள்.

🙏🇮🇳3

சிவபெருமான் முனிவர்களை அழைத்து, தான் பாதுகாத்து வந்த வேத ஆகம நூல் ஒன்றை கொடுத்துவிட்டு தான் மண்டோதரிக்கு காட்சி தர செல்வதாகவும், தான் வரும் வரை இதை பாதுகாப்பாக வைத்திருக்குமாறும் கூறிவிட்டு சென்றார்.

🙏🇮🇳4

சிவபெருமான் மண்டோதரி முன்பு காட்சி அளித்து வரத்தினை அருளினார்.

🙏🇮🇳5

பின் இராவணன் இருக்கும் இடத்திற்கு சென்று அந்த இடத்தில் ஒரு குழந்தைபோல் அவதாரம் எடுத்தார்.

ஆனால் இராவணனும் ஒரு சிவபக்தன், அதனால் தன் எதிரில் தவழ்ந்து வரும் குழந்தை ஈசன் என்பதை உணர்ந்து குழந்தையை தூக்கினான். 🙏🇮🇳6

ஈசன் இராவணனை சோதிக்க நினைத்து தன்னையும் தன்னை சுமப்பவனையும் சேர்த்து எரிக்க ஆரம்பித்தார்.

அந்த தீ மூவுலகையும் தகிக்க வைத்தது. அந்த வேளையில் சிவன் முனிவர்களிடம் விட்டு சென்ற வேத ஆகம நூலுக்கு ஆபத்து வந்தது.

🙏🇮🇳7

முனிவர்கள் அதைக்காப்பாற்ற வழியின்றி, சிவன் வந்தால் என்ன பதில் சொல்வது என்ற பயத்தில், தீர்த்தத்தில் குதித்து இறந்தனர். அது அன்று முதல் 'அக்னி தீர்த்தம்" என பெயர் பெற்றது.

🙏🇮🇳8

சிவன், முனிவர்களிடம் விட்டு சென்ற வேத ஆகம நூலுக்கு ஆபத்து வந்த போது அதை பாதுகாப்பதற்காக மாணிக்கவாசகர் ஒருவர் மட்டும் தைரியமாக இருந்து அந்த நூலை சிவபெருமான் வரும் வரை காப்பாற்றினார்.

பிறகு இராவணனுக்கும் மண்டோதரிக்கும் திருமணம் நடக்க சிவன் அருள்பாலித்தார்.

🙏🇮🇳9

வேத ஆகம நூலை காப்பாற்றியதற்காக சிவபெருமான் மாணிக்கவாசகருக்கு தன்னைப் போலவே லிங்கவடிவம் தந்து கவுரவித்தார்.

இப்போதும் இத்தலத்தில் மாணிக்கவாசகர் லிங்கவடிவில் காட்சி தருகிறார்.

🙏🇮🇳10

*தலச்சிறப்பு :*

இத்தலத்தில் சாப விமோச்சனம் பெற்றார். இங்கு இருக்கும் இலந்தை மரத்தடியில் சுயம்புவாக இறைவன் தோன்றினார். அந்த மரம் இன்னும் இங்கு உள்ளது.

இங்கு இருக்கும் நடராஜர் சிலை மரகதத்தால் ஆனது. இந்த நடராஜருக்கு வருடம் முழுவதும் சந்தன காப்பு சாத்தப்பட்டிருக்கும்.

🙏🇮🇳11

ஆருத்ரா தரிசனத்தன்று ஒரு நாள் மட்டும், மக்களின் தரிசனத்திற்காக சந்தனக்காப்பு கலைக்கப்படும். அந்த நேரத்தில் ஆயிரக்கணக்கான மக்கள் தரிசனத்திற்காக கூடுவர்.

ஈசன் வேதத்தின் இரகசியங்களை உமையம்மைக்கு அருளிய புண்ணிய திருத்தலம்.

🙏🇮🇳12

இக்கோவில் சிதம்பரம் கோவிலுக்கு முன்பே தோன்றியதால் உத்திர கோசமங்கைக்கு ஆதி சிதம்பரம் என்ற ஒரு பெயரும் உண்டு.

🙏🇮🇳13

*பிரார்த்தனை :*

அம்பாள் மங்களேஸ்வரியை வணங்கினால் தடைபட்ட திருமணங்கள் நடக்கும்.

காலையில் சுவாமியையும், அம்பாளையும் வணங்கினால் முன்வினை பாவங்கள் நீங்கும்.

🙏🇮🇳14

மதியம் வணங்கினால் இப்பிறவி பாவங்கள் தீரும்.

மாலையில் தரிசித்தால் ஆயுள் அதிகரிப்பதுடன், தொழில் மேன்மையும், பொருள் பெருக்கமும் ஏற்படும்.

🙏🇮🇳15

*நடைதிறப்பு :*

காலை 06.00 மணி முதல் 11.00 மணி வரை, மாலை 04.00 மணி முதல் இரவு 8.00 மணி வரை நடைத்திறந்திருக்கும்.

#வாழ்க_பாரதம் 🙏🇮🇳
#வளர்க_பாரதம் 🙏🇮🇳🙏