Thread by @riazhussain1080

#غداری_کا_گول_چکر
ہم بہتر سالوں سےایک گول چکر میں محو سفر ہیں
میرجعفر کا پڑپوتا اسکندر مرزا لیاقت
علیخان کا ہمراز تھا
قائد ملت نےحسین شہید سہروردی کو کتا اور بھارتی ایجنٹ کہہ کر اسےپاکستان کے پہلے غداری ایوارڈ سے نوازا
دو سال بعد لیاقت علیخان کو قائد ملت سے شہید ملت
👇1/15

بنادیا گیا
ایسا ضرب کاری کہ قاتل کا نشان تک مٹا دیا گیا
ایوب خان اسی اسکندر مرزا کا دست بازو تھا
دونوں نےملکر ہر سویلین وزیراعظم کو غدار اور کرپٹ ثابت کیا
آخر کار ہمہ یاراں دوزخ نے آئین اور جمہوریت کی لکیر ہی ختم کی
بیس دن بعد اسی لاڈلے ایوب خان نےاپنے محسن اسکندر مرزا کا
👇2/15

تختہ الٹا،اسکندر مرزا اور ناہید مرزا کو انتہائی ذلالت کےساتھ ملک بدر کیا
سلطنت برطانیہ اسوقت بھی معتوب لوگوں کی آخری پناہ گاہ تھی
اسکندر مرزا لندن میں انتہائی کسمپرسی کی حالت میں مر گیا'یحییٰ خان نے اسکی لاش پاکستان لانے کی اجازت نہ دی ، ناہید مرزا کے ذاتی تعلقات کام آئے
👇3/15

اور تہران میں قبر کیلئے دو گز زمین ملی
یاد رہےاسکندر مرزا کے مارشل لاء کےنفاذ میں یحییٰ خان پیش پیش تھے
جسوقت فیروز خان نون اور دیگر جمہوری رہنما ایوبی آمریت میں سیاست سےتاحیات نااہل قرار دیئےجارہےتھے اسوقت نوجوان ذولفقاربھٹو ایوب خان کے کابینہ میں وزرات کا حلف اٹھا رہےتھے
👇4/15

جسوقت مجیب الرحمٰن زیرعتاب تھا
اسوقت ذوالفقاربھٹو ایک لاڈلا تھا
اس نےسقوطِ ڈھاکہ کےبعد اقتدار سنبھالا تو سب سےپہلے جنگی قیدیوں کو واپس لانے کا اہتمام کیا
جب نیپ والے اور دیگر سیاستدان غداری کے گہری کھائی میں دھکیلےجارہےتھےاسوقت بھٹو کی حب الوطنی کا سورج نصف النہار پر تھا
👇5/15

1973کےآئین منظور ہونےکےبعد بلوچستان اور صوبہ سرحد کے پی میں نیشنل عوامی پارٹی کی حکومتیں بن گئیں۔ محب وطن ذولفقار علی بھٹو نے بلوچستان میں غدار عطا اللہ مینگل کی حکومت ختم کی ، اور وہاں گورنر راج نافذ کرکے محب وطن اگبر بگٹی کو گورنر لگوایا
اس وقت بزنجو ، سردار خیر بخش مری
👇6/15

مینگل،اچکزئی،ولی خان اور مولانا مفتی محمود سمیت سب غدار اور بھارت کے ایجنڈے پر کام کررہے تھے
لیکن پھر اسی گول چکر میں بھٹو کے غدار بننے کی باری تھی کیونکہ اب نئے محب وطن پیدا کئے جاچکےتھےایوب دور کے وزارت خارجہ سے لیکر آپنے دور کے وزرات عظمیٰ تک کچھ بھی بھٹو کو تخت دار پر
👇7/15

لٹکانےسے نہ بچا سکا
اسوقت وہ نہ صرف غدار اور قاتل ٹھہرے بلکہ اسکا ایمان بھی مشکوک ہوگیا
اسلئے مرنےکے بعد اسکےختنےچیک کرنےپڑے
وقت کا دھارا بدلا
آگے غدار جیالے پیچھے پیچھے مسلم لیگی محب وطنوں کے بینڈ باجے
آئی جی آئی بنی، نوازشریف نیا محب وطن ہیرو سامنے آیا
مجیب الرحمن شامی
👇8/15

کی" زندگی" ہو یا صلاح الدین کا
"تکبیر" ہروقت قومی سلامتی اور حب الوطنی کا درس دینےلگے
بھٹو چونکہ سندھ کا بیٹا تھا اسلئے اسکے گھر کے اندر بھی موسیٰ پیدا کرنا لازم تھا۔ اس مقدس کام کےلیے الطاف حسین کو چنا گیا، اندرون سندھ سےسائیں جی ایم سید دوبارہ محب وطن قرار پایا،
جب
👇9/15

نوازشریف کےبھی پر نکل آئےاور اس نےبھٹو کے بیٹی کیساتھ " میثاق جمہوریت" کیا
تو سامری جادوگروں نے عمران نیازی نامی ایک نئے بچھڑے کو تخلیق کیا
آج غداری کے گول چکر میں نواز شریف اور اس کی پارٹی آگے آگے اور عمران نیازی اور اسے کے حواری ڈھول باجے اٹھائے پیچھے پیچھےجارہےہیں
👇10/15

الطاف حسین پر جب زندگی تنگ کردی گئی تو بگٹی نے اسے پناہ دی ، لیکن وہی بگٹی اسی الطاف حسین کے اتحادی حکومت میں مارا گیا،
جس بھٹو اور بگتی کے دور میں بلوچستان میں فوج کشی کی گئی ، وہ دونوں اسی فوج کے ہاتھوں مارے گئے،
"عجیب اتفاق ہے کہ ان کے جنازوں کا منظربھی ایک جیسا تھا
👇11/15

الطاف حسین اور اس کی جماعت مشرف کے دربار سے حب الوطنی کا نیا سرٹفکیٹ لیکر غداری کے فتوے تقسیم کرنے لگے، الطاف بھائی بات بات پر پاک فوج کے حق میں ریلیاں نکلواتے ایک اشارے پر پورے شہر کو بند کرواتے،
لیکن آخر کار تین دہائیوں تک مقرب فرشتوں کے لئے خدمات سر انجام دینے والے
👇12/15

الطاف حسین کی ریٹائرمنٹ کا وقت بھی آپہنچا ،آج سلطنت برطانیہ میں گوشہ نشینی کی زندگی گزار رہا ہے
اسکے قریبی ساتھی بھی اسکا نام لینےسے کتراتےہیں
احمد فراز کےخلاف ضیاءالحق نےغداری کا فتویٰ جاری کیا تھا
اسوقت نوازشریف،خواجہ صفدر اور انکے دیگر ساتھی اس بیانیےکےترجمان تھے
👇13/15

آج اسی فراز کا بیٹا مقدس فرشتوں کا ترجمان بن کر اسی نواز شریف اور انکے ساتھیوں پر غداری کےفتوے لگا رہا ہے
ففتھ جنریشن وار والےلشکری یاد رکھیں
یہاں غداری کی باری اپنی باری پر آتی ہے
یہاں تاحیات حب الوطنی کا ٹائٹل صرف مقرب فرشتوں کے پاس ہے یا شیخ رشید جیسےگیٹ نمبر چار کے
👇14/15

مجاور کے بغل میں ،
ان پیشہ ور لوگوں کے علاوہ یہاں سب کا انجام ایک ہی ہے ،
لہٰذا غداری کا ڈھولک بجاتے وقت ذرا پیچھے بھی مڑ کر دیکھا کریں ،
کہیں لائن میں کوئی نیا محب وطن ہیرو تو نہیں کھڑا
End
مقربیون فرشتیون خاکیون
فوجیون فقط
باقی کل غداراا
End
فالو اور شیئر کر یں 🙏