Thread by @Arshe530

یقینِ کامل

حوالاجات کی سلاخوں کےپیچھے سے میں اسےنماز پڑھتا دیکھ رہا تھا وہ 25 ,26سال کاخوبصورت نوجوان قتل کے مقدمے میں دو دن پہلے ہی یہاں لایا گیا تھاچند عدالتی کاروائی کےبعد اسےجیل منتقل کیاجانا تھا اس کےخلاف کیس کافی مضبوط تھا اس لیےگمان غالب تھا کہ ایک دو پیشیوں کے بعد ہی
⬇️

اسے سزائے موت سنا دی جائے گی
میں ایک پولیس والا ہوں اور پہلے دن سے ہی میرا رویہ اور لہجہ اس کے ساتھ کافی سخت رہا تھا لیکن اس کے لبوں پر ہمیشہ ایک دل موہ لینے والی مسکراہٹ ہوتی تھی اور ہمیشہ وہ مجھے بڑا سمجھتےہوئے ادب سے اور نرم لہجےمیں بات کرتا تھا مجھ جیسا سخت انسان بھی دو دن
⬇️

میں ہی اس کے اچھے اخلاق کے سامنے ہار گیا تھا
اب وہ سلام پھیرنے کے بعد دعا مانگ رہا تھا میں اسے دیکھتا ہی رہ گیا وہ اس طرح خشوع و خضوع سے دعا مانگ رہا تھا کہ یوں لگتا تھا جیسے وہ جس سے مانگ رہا ہے وہ اس کے بالکل سامنے بیٹھا ہو
دعا کے بعد اسکی نظر مجھ پر پڑی تو اس کے لبوں پر پھر
⬇️

وہی مسکراہٹ نمودار ہوئی وہ اٹھ کر میرے پاس آیا اور ہمیشہ کیطرح میرا حال احوال پوچھا
آج خلاف معمول میرا لہجہ کافی نرم تھا باتوں کے دوران میں نے اس سے پوچھا کہ کیا واقعی اس نے قتل جیساجرم کیا ہےکیونکہ مجھے اس کی معصومیت سےنہیں لگ رہا تھا کہ وہ قتل جیسا جرم کر سکتا ہے
”ایک انسان
⬇️

کا قتل پوری انسانیت کا قتل ہے تو پھر میں ایسا گھناونا جرم کیسے کرسکتا ہوں؟“
اس نے مسکراتے ہوئے جواب دیا
تو پھر؟ میں نے سوالیہ نظروں سے اس کی طرف دیکھا۔
”جب اللہ اس دنیا میں کسی کو اختیارات دیتا ہے نا تو اکثر لوگ بھول جاتے ہیں کہ یہ اختیارات اللہ کی طرف سے امانت ہیں وہ ان سب کو
⬇️

اپنا کمال اور حق سمجھ بیٹھتے ہیں
میرے ساتھ بھی ایسا ہی ہوا، ہمارے علاقے کے ایک بااثر انسان نے قتل کر دیا اور اتفاق سے میں وہاں سے چند قدم ہی دور تھا اس نے الزام مجھ پر لگا دیا جھوٹے گواہ بھی تیار کرلیے گئے اور میں یہاں آگیا“
مجھے دکھ سا ہوا،
تمہارے گھر والوں نھ کچھ نہیں کیا ؟
⬇️

گھر والوں نے اپنی سی کوشش کی لیکن وہی بات اس معاشرے میں لوگ بھی ڈر کے مارے اسی کا ساتھ دیتے ہیں جو طاقتور ہو
وہ پھر سے مسکرایا تھا
مجھے اس کے سکون کو دیکھ کر حیرت ہوئی
تمہیں ڈر نہیں لگتا کہ ہو سکتا ہے کچھ دنوں تک تمہیں موت کی سزا سنا دی جائے؟
ان شاء اللہ مجھے کچھ نہیں ہوگا میں
⬇️

نے اس کے آگے اپنی عرضی رکھ دی ہے جس کے سامنے بڑے سے بڑے بادشاہ کی بھی کوئی حیثیت نہیں۔
اس نے پر یقین لہجے میں جواب دیا
میں نے پھر سوالیہ نظروں سے اسے دیکھا
میں اپنے اللہ کی بات کررہا ہوں، اسے میری بےگناہی کا علم ہے اور وہ مجھے کچھ نہیں ہونے دیگا
اس کےہر لفظ سے محبت ٹپک رہی تھی
⬇️

تمہیں یقین ہے کہ دعا سے کام ہوجائے گا ؟ اگر نہ ہوا تو ؟
میں نے پوچھا۔
جب اس سے مانگا جاتا ہے نا تو پھر شک میں نہیں پڑتے کہ وہ قبول نہیں کرے گا بس سب کچھ اس پر چھوڑ کر انتظار کرتے ہیں۔
اس کے لہجے میں یقین ہی یقین تھا، میں بس اس کے چہرے کو تکتا رہ گیا کہ اس سے پہلے اللہ پر اتنا
⬇️

کامل یقین شاید ہی کسی میں دیکھا ہو۔۔۔
تین دن مزید گزر گئے اس دوران اس کے گھر والے بھی اس سے ملنے آئے تھے وہ اپنے والدین کا اکلوتا بیٹا تھا ماں کا رو رو کر برا حال تھا لیکن اس کے سکون میں کوئی کمی نہیں آئی تھی وہ مسلسل سمجھاتا رہا کہ میں نے اللہ کے سامنے عرضی رلھ دی ہے اسے پتا
⬇️

ہے میں بے گناہ ہوں دیکھ لیجئے گا وہ مجھے کچھ نہیں ہونے دے گا۔
میں نے اللہ پر اتنا یقین اس سے پہلے صرف پڑھا ہی تھا لیکن کبھی نہیں دیکھا تھامیرے دل میں اب اس کیلئے عقیدت کے جذبات پیدا ہونا شروع ہوگئے تھے شاید اللہ کی محبت ہوتی ہی ایسی ہے جو پتھر دل کو بھی پگھلا دیتی ہےپھر جب اسے
⬇️

عدالت میں پیش کیا جانا تھا اس سے ایک دن پہلے ہی عجیب واقعہ ہوا۔
جس شخص نے خود قتل کرکے الزام اس پر لگایا تھا وہ اپنی بیوی اور اکلوتے بچے کے ساتھ گاڑی میں کہیں جا رہا تھا کہ اسے حادثہ پیش آیا جس کے نتیجے میں اس کی بیوی بچہ تو موقع پر ہی جاں بحق ہوگئے جبکہ اسے شدید زخمی حالت میں
⬇️

ہسپتال منتقل کیا گیا، کافی گھنٹوں بعد ہوش میں آنے پر اسے بیوی بچے کے مرنے کی خبر ملی تو اسکی حالت بگڑ گئی اسی جان کنی کے عالم میں اسےکچھ یاد آیا،اس نے چیخ کر قریب موجود ڈاکٹر کو اس کی ویڈیو بنانے کا کہا، بار بار اصرار پر ڈاکٹر نے نرس کو ویڈیو بنانے کا اشارہ کیا تو اس نے ویڈیو
⬇️

میں بڑی مشکل سے اپنے جرم کا اعتراف کیا اور اس نوجوان کو بیگناہ قرار دیکر ہاتھ جوڑ کر معافی مانگی اس نے ڈاکٹر سے وعدہ لیا کہ وہ یہ ویڈیو ضرور پولیس سٹیشن لیکر جائے گا، شاید بیوی بچے کے مرنے کے بعد اور اپنی حالت کا علم ہوجانے کے بعد وہ اس گناہ کو ساتھ لے کر مرنا نہیں چاہتا تھا۔
⬇️

ادھر ویڈیو پولیس سٹیشن پہنچی ادھر وہ آدمی مر گیا، آج عدالت میں اس کی پیشی تھی، عدالت کے سامنے اس کی بیگناہی کا ناقابل تردید ثبوت ویڈیو کی شکل میں موجود تھا لہذا اسے باعزت بری کر دیا گیا
میں کمرہ عدالت میں کھڑا گم سم سا سوچ رہا تھا کہ اللہ ان بندوں کی جو صحیح معنوں میں اس پر
⬇️

ایمان لاتے ہیں ان کی ایسے بھی مدد کرسکتا ہے اسکی ہتھکڑیاں کھول دی گئی تھیں ماں روتے ہوئے اس سے لپٹ گئی تھی باپ کی آنکھوں میں بھی آنسو تھے،آج اس کی آنکھوں میں بھی آنسو تھے شاید اس وجہ سے کہ اللہ نےاسے ان حالات میں تنہا نہیں چھوڑا تھا اور اسطرح سے اس کی مدد کی تھی جس کا کسی کو
⬇️

وہم و گمان تک نہ تگا اور مجھےیاد ہے مجھ سے ملنے کے بعد جب وہ جانے لگا تھا تو میں نے اسے کہا تھا کہ وہ کوئی ایسی بات بتا کر جائے جسے میں ہمیشہ یاد رکھوں
تو اس کے الفاظ تھے
”اللہ سے بڑھ کر کوئی ہمدرد اور دوست نہیں, جب بھی کوئی مشکل پیش آئے اسی سے مانگیں اور پھر یقین بھی رکھیں کہ
⬇️

وہ ضرور قبول کرے گا، وہ محض کسی سوچ یا تصور کا نام تو ہے نہیں بلکہ وہ تو ایک زندہ حقیقت ہے، وہ اس وقت بھی ہمارے ساتھ ہے شہ رگ سےبھی قریب، وہ ہمیں دیکھتا رہتا ہے کہ مشکل میں ہمارا رد عمل کیا ہوگا اور جو اس سے مانگ کر شک میں نہیں پڑتے، اللہ بھی انھیں کبھی تنہا نہیں چھوڑتا، ایسے
⬇️

طریقوں سے اس کی مدد کرتا ہے کہ عقل حیران رہ جاتی ہے“
وہ اب واپس جارہا تھا اور مجھے یوں محسوس ہورہا تھا جیسے میں آج ہی مسلمان ہوا ہوں یا جیسے میں نے آج اپنے اللہ کو پالیا ہے۔

ریٹویٹ ضرور کریں
مجھے فالو کرکے فالو بیک لیں
@Arshe530

@threadreaderapp
Unroll