#மகாபெரியவா மகாராஷ்டிராவில் உள்ள சதாரா என்ற இடத்தில் பக்தர்களுக்கு அருள் புரிந்த மஹா பெரியவா, பண்டரிபுரம் நோக்கி கிளம்பினார். சதாராவில் இருந்து பண்டரிபுரம் 150 கி.மீ. எங்கும் நடந்தே செல்லும் அவருக்கு அப்போது என்பது வயது தாண்டியிருந்தது. அதனால், பெரியவா உடல்நலம் குறித்து அன்பர்கள் 
கவலைப் பட்டனர். அவரோ அதைச் சற்றும் பொருட்படுத்தாமல் நடந்தார். வழியெங்கும் மக்கள் கூட்டம் அவர் தரிசனத்தை பெற்று மகிழ்ந்தது. வழியில் ஒரு மலை தென்பட்டது. அதன் மீது ஒரு கோயில் இருந்தது. அடிவாரத்தில் நின்றார் பெரியவா. மலைக் கோயிலை தரிசிக்க விரும்புகிறாரோ என்று நினைத்தனர் பக்தர்கள். 80
வயதில் நெடுந்தூரம் நடப்பதே பெரிது, இதில் மலையேறுவது சாத்தியமா என அனைவரும் கருதினர். அப்போது உச்சியில் இருந்து தாவி வந்தது ஒரு கருங்குரங்கு. மனிதர் போல வளர்ந்து இருந்து, உயரமாக, வலிமையாக இருந்தது அக்குரங்க. அன்பர்கள் அதை விரட்ட முயற்சி செய்தனர். ஆனால், அது பெரியவாளை வைத்த கண்
வாங்காமல் பார்த்தது. "பசிக்கிறதோ என்னவோ? ஏதாவது பழம் கொடுங்கள்!" என உத்தரவிட்டார் பெரியவா. கைவசமிருந்த வாழைப் பழங்களை நீட்ட, அதை வாங்கிய குரங்கு, தோலை உரித்து சாப்பிட்டது. பின் பெரியவாளைப் பார்த்த படி ஒரு கல்லில் அமர்ந்தது. பெரியவாளும் அதை பரிவுடன் பார்த்த படியே கீழே அமர்ந்தார்.
இந்த நயன பாஷை சிறிது நேரம் நீடித்தது. பின்னர் குரங்கு திருப்தி அடைந்தது போல் மலையேறத் தொடங்கியது. "மலை உச்சியில் இருப்பது என்ன கோயில் தெரியுமா?" என்று கேட்டார் பெரியவா. யாருக்கும் தெரியவில்லை. "மலையில் இருப்பது ஆஞ்சநேயர் கோயில். வயதான காலத்தில் நான் சிரமப்பட்டு மேலே வேண்டாம் என
எண்ணி, அந்த மாருதியே மலை இறங்கி வந்தாரோ என்னவோ? " என்று சொல்லி கலகலவெனச் சிரித்து விட்டு பண்டரிபுரம் நோக்கி செல்லத் துவங்கினார் பெரியவா.
நடமாடும் தெய்வம் காஞ்சி மாமுனி! #தெய்வத்தின்குரல்
ஜெய ஜெய சங்கர!
ஹர ஹர சங்கர!
சர்வம் ஸ்ரீ கிருஷ்ணார்ப்பணம்🙏🏾
நடமாடும் தெய்வம் காஞ்சி மாமுனி! #தெய்வத்தின்குரல்
ஜெய ஜெய சங்கர!
ஹர ஹர சங்கர!
சர்வம் ஸ்ரீ கிருஷ்ணார்ப்பணம்🙏🏾
• • •
Missing some Tweet in this thread? You can try to
force a refresh
