Thread by @ChayuDamsinghe

අපේ රටේ ආර්ථිකය මෙච්චර වැටුණේ කොහොමද?

කලින් කතාවේ ඉතුරු ටික 👇

#SriLanka #SriLankaEconomicCrisis (#GoHomeGota2022 #අරගලයටජය for reach)

2016 වෙනකොට අපේ ආර්ථික ප්‍රශ්න නිසා තවත් අර්බුදයක් අපි මුහුණ දුන්නා. 2015 පාර්ලිමේන්තු ඡන්දය වෙනුවෙන් දුන්න සහන නිසා, ආණ්ඩුවේ වියදම් වැඩි වෙලා, අර්බුදය ඉක්මන් වුණා.

https://twitter.com/ChayuDamsinghe/status/1517556112538894336

(2/20)

අපේ ආර්ථික ගැටලු ප්‍රධාන වශයෙන් තුනයි.

1 - ආණ්ඩුවේ ආදායම්/වියදම් හිඟය
2 - රටේ ඩොලර් ආදායම්/වියදම් හිඟය
3 - රටේ වැඩි වෙන ණය බර

මේ තුන තමයි විසඳගන්න ඕන

(3/20)

ආදායම්/වියදම් හිඟය අඩු කරන්න එක්කෝ ආදායම් වැඩි කරන්න ඕන, නැත්නම් වියදම් අඩු කරන්න ඕන.

ආදායමට ප්‍රධාන විදිහ තමයි බදු. බදු වැඩි කරොත්, ආදායම වැඩි.

(4/20)

ලංකාවේ බදු, අපිට වඩා දුප්පත් මිනිස්සු ඉන්න ඉන්දියාවටත් වඩා අඩුයි. මහා ධනවාදී කියලා කියන අමෙරිකාවටත් වඩා අඩුයි. බදු ගන්නේ නෑ කියන්නේ එක්කෝ තව ණය නැත්තන් සල්ලි අච්චු ගහලා බඩු මිල වැඩියි තමයි. හැබැයි බදු වගේ නෙමෙයි, ඔය දෙකම පාළනය කරන්න අමාරුයි.

(5/20)

අනිත් වැඩේ තමයි වියදම. අපේ රටේ ආණ්ඩුවේ වියදම් ඇත්තට බැලුවොත් ආසියාවේ අනිත් රටවල් බහුතරයකට වඩා අඩුයි. හැබැයි සමහර තැන් වල විශාල අලාභ තියනවා, සල්ලිකාරයින්ට සහන දෙනව. මං හිතන්නෙ ඒක නං වැරදියි.

(6/20)

එතකොට ආණ්ඩුවේ ආදායම්/වියදම් හිඟයට උත්තරේ විදිහට මම පෞද්ගලිකව හිතන්නේ බදු වැඩි කරන එක, සල්ලිකාරයින්ට සහන නැති කරන එක, සහ දුප්පත් මිනිස්සුන්ට වෙන කෙටි කාලීන අමාරුව අඩු කරන්න ඍජු සල්ලි ආධාර දෙන එකයි.

(7/20)

දෙවෙනි ප්‍රශ්නය තමයි ඩොලර් ආදායම්/වියදම් හිඟය. ඒක විසඳන්න ඉතින්, එක්කෝ ආදායම වැඩි කරන්න, නැත්තන් වියදම අඩු කරන්න!

ඒත් ඕක ඔච්චර කියන තරම් ලේසි නෑ!

(8/20)

අපේ ප්‍රධාන ආදායම් 4 තමයි

1 - විකුණන බඩු සහ සේවා (අපනයන)
2 - සංචාරක ආදායම
3 - පිටරට ඉඳන් එවන සල්ලි (ප්‍රේෂණ)
4 - වෙනත් ආයෝජන

ඕවා එකපාරට වැඩි කරන්න බෑ නෙ?

(9/20)

දිගු කාලීනව වැඩි කරන්න ඕන, හැබැයි අපිට කරන්න පුළුවන් දේ බැරි දේ මොනාද කියලා තේරුම් අරන් කරන්න ඕන. දැනට පුළුවන් දේ කරලා ඒවා දියුණු කරන එකට අවධානය යොමු කරලා, අනිත් දේවල් කරන්න ඉගෙන ගන්න එක තමයි මම හිතන්නෙ කරන්න ඕන.

(10/20)

එතකොට වියදම් පැත්ත බලමු - මෙතන ප්‍රධාන වියදම තමයි අපි ඩොලර් දීලා ගන්න බඩු (ආනයන).

මීට අමතරව, පිටරට යනකොට වියදම් වෙන සල්ලි, රටෙන් එළියට ගෙනියන සල්ලි, ඕවත් තියනවා.

(11/20)

එතකොට ආනයන අඩු කරන්න නම් කොහොමද? වැඩේ තියෙන්නෙ ඕකත් ලේසි නෑ. කට්ටියක් කියනවා බඩු ගේන එක නවත්තන්න ඕන කියලා. එතකොට ඉතින් රටේ හදන්න බැරි දේවල් නැහැ - වාහන වගේ.

(12/20)

හදන්න පුළුවන් දේවල් වල ප්‍රමිතිය අඩුයි, ඒවා හදන්න දන්නැති නිසාත්, හොඳට හදන්න උවමනාවක් නැති නිසාත්. හැබැයි අපේ රටේ නිශ්පාදනය කරන්න නම්, අමුද්‍රව්‍ය, උපකරණ, කර්මාන්තශාලා හදන්න බඩු, විදුලිය, ඔක්කොම ඩොලර් දීලා ගෙන්න ඕන. ඩොලර් කොහොමත් වියදම් වෙනවා.

(13/20)

එහෙනම් මොකද්ද කරන්න පුළුවන්? අපේ ආනයන ප්‍රධාන වශයෙන් තියෙන්නෙ අමුද්‍රව්‍ය, අතරමැදි ද්‍රව්‍ය, සහ උපකරණ - යම් යම් නිශ්පාදන සඳහා. ආනයන වල ගනන් වැඩි කරන්න පුළුවන් ඕනනම්.

(14/20)

එහෙම කරොත්, ඇත්තටම අවශ්‍ය දේ විතරක් ගන්න මිනිස්සු හිතනවා. එක උදාහරණයක් තමයි, car එකේ නැතුව trishaw එකේ යනවා, trishaw එකේ නැතුව බස් එකේ යනවා. හැබැයි ඕක මිනිස්සුන්ට දරා ගන්න පුළුවන් විදිහට කරන්න ඕන.

(15/20)

තුන් වෙනි ආර්ථික ප්‍රශ්නෙ තමයි ණය. ණය අඩු කරගන්න එක ඔක්කොටම වඩා අමාරුයි. එක්කො ණය ගෙවන්න ඕන - ඕකට සංචිත ඕන. නැත්තන් ණය දුන්න කට්ටියට කතා කරලා ණය ටික අඩු කරන්න සාකච්ඡා කරන්න ඕන.

(16/20)

දැන් ඔය ප්‍රශ්න තුන තමයි 2016 දි තිබුනේ. 2011/12, 2009, 2001 හැම සැරේම ඕකම තමයි. 2016 දි, ඉක්මනට කරන්න පුළුවන් වැඩේ කරා - බදු වැඩි කරා. සංචිත වියදම් කරලා රුපියල බොරුවට තියන් ඉන්න එකත් නැවැත්තුවා.

(17/20)

2016 දි විතරක් නෙමෙයි, ඊට කලින් හැම පාරම ඔය වගේ තමයි. කරන්න පුළුවන් ටික කරා, වැඩේ පටන් ගත්තා. 2017/2018 අවුරුදු දෙකේම, ආදායම්/වියදම් හිඟය, ණය ගෙවීම් ඇරුනම, අතිරික්තයක් වුණා.

(18/20)

හැබැයි වැඩේ වැරදුනේ ඡන්දෙ එක්ක. මේ පාර විතරක් නෙමෙයි, හැම පාරම ඔය කරන වැඩ ඔක්කොම ආපහු හරවනව ඡන්ද දිනන්න හදන්න. ඕකයි වැරැද්ද.

2019 ඡන්දෙට, ආණ්ඩුවේ වියදම් වැඩි කරා - අතිරික්තය නැති වුණා. ඡන්දෙ දින්නෙ නෑ, ඒත් ආර්ථිකය ආපහු අමාරු තැනකට ආවා. ඊට පස්සේ තමයි වැඩේ තවත් වැරදුනේ.

(19/20)

2019 ඉඳන් කතාව පහලින් link කරන්නම්.

දැනට කියපු කතාව ගැන ඕන ප්‍රශ්නයක් අහන්න පුළුවන් උපරිමයෙන් උත්තර දෙන්න බලන්නම්.

(20/20)

https://twitter.com/ChayuDamsinghe/status/1517556443570122753