#SankaraJayanthi #சங்கரஜெயந்தி 6.5.22 சிவகுரு ஆர்யாம்பாள் தம்பதி செய்த பிரார்த்தனையின் பலனாக, ஆதி சங்கர பகவத் பாதாளாக தக்ஷிணாமூர்த்தி காலடி க்ஷேத்திரத்தில் அவர்களுக்குக் குழந்தையாக பிறக்கிறார். வைகாசி மாசம் சுக்ல பஞ்சமி திதியில் அவர் அவதாரம் நிகழ்கிறது. மஹா பெரியவா இது பொயுமு 509 
வது வருஷம், 2500 வருஷங்களுக்கு முன் அதிசங்கரரின் அவதாரம் என்று 150 பக்கம், சரித்திர சான்றுகளுடன் எழுதி இருக்கிறார். மஹா பெரியவா சொல்வது, ஆங்கிலேயன் ஜீசஸ் க்ரைஸ்டுக்குப் பிறகு தான் இந்து மதமே வந்தது என்று establish செய்வதற்காக வரலாற்றை திரித்து எழுதியிருக்கான். அவன் எல்லாத்தையும்
பின்னாடி தள்ளிட்டான், அது சரி இல்லை, 800 கிபி தான் ஆதி சங்கரர் அவதாரம் 1200 வருஷம் தான் ஆச்சு என்று அனைவரும் கொண்டாடுகிறார்கள், அரசும் அவ்வாறே செய்கிறது. ஆனால் மஹா பெரியவா சங்கரர் அவதாரம் 509 BC என்று சொல்லி உள்ளார். அதில் இருந்து 68 பீடாதிபதிகள் காஞ்சி மடத்தில் வந்துள்ளார்கள்.
“அந்த 800ADல வந்தவர் ஆதி சங்கரர் அளவுக்கு, க்யாதியோடவும், தபஸோடயும் ஒரு பெரியவரா இருந்து இருப்பார், அபிநவ சங்கரர் அப்படின்னு இருந்து இருப்பார்” என்று பெரியவா சொல்கிறார். இந்த சர்ச்சைகள் எல்லாம் நமக்கு வேண்டாம் என்றும் பெரியவா சொல்லிவிடுகிறார். ஆதி சங்கரர் 32 வருடங்களில் பண்ண
திக்விஜயத்தையும் அவர் பண்ண அனுக்கிரஹத்தையும் நினைப்போம் என்று சொல்கிறார். வசந்த ருதுவில் வைகாசி மாசத்தில் சுக்ல பஞ்சமியில் ஆதி சங்கரர் அவதரித்தார், இதை சொல்லம்போது “அந்த வைகாசி மாசத்துக்கே மாதவ மாசம் என்று பேரு, வெள்ளை வெளேர்னு சுத்த சத்வத்தை குறிக்கும் மல்லிகை எல்லாம் நிறைய
பூத்து இருக்கும், உலகமே சந்தோஷமா இருக்கும் வசந்த ருதுனால அப்படி” என்று பெரியவா சொல்கிறார். மஹா பெரியவாளின் அவதாரமும் வைகாசி அனுஷத்தில் தான், அதை அவர் உணராமலே அவர் ஆச்சார்ய பக்தியுடன் சொல்லி இருக்கிறார். ஆதி சங்கர பகவத் பாதாள் அவதாரம் பற்றி சொல்லும் போது அவர், சங்கர ஜெயந்தியை
விமர்சையாக கொண்டாட வேண்டும், என்று ரொம்ப கேட்டுக் கொண்டுள்ளார். அவர் இருக்கும் போது நிறைய கொண்டாட வைத்துள்ளார். ஆதி சங்கரருக்கு தேரோட்டம், உத்சவங்கள், ஜெயந்தியின் போது எந்தெந்த ஊர்ல பெரியவா இருந்தாலும் அந்தந்த ஊரில் சங்கர ஜெயந்தியை அவர் விமரிசையாக கொண்டாடி இருக்கார். காமாக்ஷி
கோவிலில் விசேஷமாக ஆதி சங்கரருக்கு பெரிய சன்னிதி உள்ளது. நல்ல ஆக்ருதியோட உயரமான ஒரு ஆதி சங்கரர் பிரதிஷ்டை செய்திருக்கிறார்கள். காமாக்ஷி கோவிலில் தான் ஆதி சங்கரருக்கு ஜெயந்தி உத்சவம் பத்து நாள் ஜன்மோத்சவம் என்று ஜெயந்தியில் இருந்து ஆரம்பித்து 10நாள் உத்சவம் கொண்டாடுகிறார்கள். இது
கோவில் முறையாகவே கொண்டாடப் படுகிறது. இந்த பத்து நாளும் சௌந்தர்யா லஹரி தினம் பத்து பாடல்களை ஆதி சங்கரர் காமாக்ஷிக்கு படித்து ஒப்பிப்பது மாதிரி, பத்தாம் நாள் நூறு பாடலும் பூர்த்தி ஆன உடன், அம்பாள் ஆதி சங்கரருக்கு பரிவட்டம் கட்டி மரியாதை செய்கிற மாதிரியும் உத்சவம் நடக்கிறது.
விசேஷமாக காமாக்ஷி கோவிலில் சங்கர ஜெயந்தியை கொண்டாடப் படுகிறது. பெரியவா, “எல்லாரும் சங்கர ஜெயந்தி கொண்டாடணும், ஆதி சங்கர பகவத் பாதாள் அவதாரம் பண்ணி, இவ்வளோ ஆச்சர்யமான ஷண்மதம் ஸ்தாபனம் பண்ணவிலை என்றால், நாம இந்த ராமநவமியும் க்ருக்ஷ்ணாஷ்டமியும் கொண்டாடி இருக்கவே மாட்டோம் , மத்த
மதங்கள் எல்லாம் நம்ம வேத மதத்தை அடிச்சிண்டு போய் இருக்கும். அப்படி நம்ம மதத்தை காப்பாத்தி கொடுத்து, இவ்வளோ லோக சங்கரமான கார்யங்கள் பண்ண ஆதி சங்கரருடைய ஜயந்தியை எல்லாருமா ஞாபகமா கொண்டாடணும், முடிஞ்ச அளவுக்கு விமர்சையா கொண்டாடணும். ஜய ஜய சங்கர ஹர ஹர சங்கரன்னு ஒரு அஞ்சு நிமிஷமாவது
சொல்லணும் கடைசி பக்ஷமா” என்று பெரியவா சங்கர ஜெயந்தியின் முக்கியத்துவத்தை சொல்லி இருக்கிறார்.
ஹர ஹர சங்கர
ஜெய ஜெய சங்கர
சர்வம் ஶ்ரீ கிருஷ்ணார்ப்பணம்🙏🏻
ஹர ஹர சங்கர
ஜெய ஜெய சங்கர
சர்வம் ஶ்ரீ கிருஷ்ணார்ப்பணம்🙏🏻
• • •
Missing some Tweet in this thread? You can try to
force a refresh
