கும்பகோணம் அருகில் உள்ள நாச்சியார்கோவிலுக்கு அருகில் உள்ள சின்னஞ்சிறிய கிராமம் #திருச்சேறை. சைவமும் வைணவமும் கோகோத்த புண்ணியத் திருத்தலம் இது. இங்கே, #சாரபரமேஸ்வரர் கோயிலும் #சாரநாதபெருமாள் கோயிலும் உள்ளன. மூலவர் திருநாமம் சாரநாத பெருமாள். தாயார் திருநாமம் சாரநாயகி தாயார், 
பஞ்சலக்ஷ்மித் தாயார். திருச்சாரம் என புராணத்தில் குறிப்பிடப்பட்டுள்ள திருச்சேறை சாரநாதப் பெருமாள் கோயில் திருமங்கை ஆழ்வாரால் மங்களாசாசனம் செய்த திருத்தலமாகத் திகழ்கிறது. இத்தலத்தில் ஐந்து தேவியருடன் சேவை சாதிக்கிறார் பெருமாள். ஸ்ரீதேவி, பூதேவி, ஸ்ரீமகாலட்சுமி, சாரநாயகி,
ஸ்ரீ நீலாதேவி இங்கு அருள்பாலிக்கின்றனர். நின்ற திருக்கோலத்தில், கிழக்குப் பார்த்தபடி காட்சி தரும் பெருமாளின் அழகைப் பார்த்துக் கொண்டே இருக்கலாம். ஒரு முறை #காவிரித்தாய் பெருமாளிடம், ஐயனே அனைவரும் கங்கையே உயர்ந்தவள். அங்கு சென்று நீராடினால் பாவங்கள் தொலையும் என பெருமை பேசுகின்றனர்
அத்தகைய பெருமை எனக்கும் வேண்டும், என கேட்டு இத்தல சார புஷ்கரணியில் மேற்குக் கரை அரச மரத்தடியில் தவம் இருந்தாள். இவளது தவத்திற்கு மகிழ்ந்த பெருமாள் குழந்தை வடிவில் காவிரித்தாயின் மடியில் தவழ்ந்தார். தனக்கு இந்த பெருமை மட்டும் போதாது என காவிரி கூறியவுடன், கருட வாகனத்தில் சங்கு
சக்கர தாரியாக ஐந்து லட்சுமிகளுடன் காட்சி கொடுத்து, வேண்டும் வரம் கேள் என்றார். அதற்கு காவிரி, தாங்கள் எப்போதும் இதே கோலத்தில் இங்கு காட்சி தர வேண்டும், கங்கையிலும் மேன்மை எனக்கு தந்தருள வேண்டும் என்றாள். பெருமாளும் அப்படியே செய்தார்.
மன்னார்குடியில் உள்ள #ராஜகோபாலசுவாமி கோவிலின்
மன்னார்குடியில் உள்ள #ராஜகோபாலசுவாமி கோவிலின்
திருப்பணிக்காக நாயக்க மன்னர் வண்டிகள் நிறைய பொருட்களை அனுப்பி வைத்தார். அந்த வண்டிகள் இந்தத் தலத்தின் வழியாக சென்றன. அவற்றை அழைத்துச் சென்ற #நரசபூபாலன் என்பவர் ஒவ்வொரு வண்டியில் இருந்தும் ஒரு கல்லை மன்னருக்குத் தெரியாமல் இந்தத் தலத்தின் திருப்பணிக்காக இறக்கிவைத்தார். மன்னருக்கு
விஷயம் தெரிந்தது. அதனால் நரசபூபாலன் நடுநடுங்கிப் போனான். பெருமாளை சரணடைந்தான். மணவாள நாயக்கர் மன்னன் இத்தலத்திற்கு வந்து கோயிலைக் கண்டார். அப்போது, மன்னனுக்கு மன்னார்குடி ராஜகோபாலனாக திருச்சேறையில் காட்சி கொடுத்தார் பெருமாள். இதில் நெக்குருகிப் போன மன்னன் இந்தக் கோவிலுக்கும்
திருப்பணிகள் மேற்கொண்டான் என்கிறது ஸ்தல வரலாறு. மூலவரின் வலப்பக்கமாக மார்க்கண்டேய முனிவர் இருக்கிறார். அவரது முக்தி ஸ்தலம் இது. உப்பிலியப்பன் மார்க்கண்டேயரின் மகளான பூதேவியை திருமணம் செய்து கொண்டார்.
உலகம் அழியும் பிரளய காலத்தில் பிரம்மா திருச்சேறை திருத்தலத்தில் இருந்த மண்ணை
உலகம் அழியும் பிரளய காலத்தில் பிரம்மா திருச்சேறை திருத்தலத்தில் இருந்த மண்ணை
எடுத்து அதனுள் வேதங்களை வைத்து காப்பாற்றினார் என்கிறது புராணம். இந்தத் தலத்தின் மண்ணானது, மிகுந்த சாரம் மிகுந்தது. ஆகவே பெருமாள் சாரநாத பெருமாள் என அழைக்கப்பட்டார். இதுவே பின்னாளில், திருச்சேறை என்றும் சாரநாத பெருமாள் என்றும் மருவியதாகச் சொல்கிறது ஸ்தல வரலாறு. இங்கே உள்ள
தீர்த்தத்திற்கு சார புஷ்கரணி என்று பெயர். இநதப் புஷ்கரணியின் மேற்குக் கரையில், காவிரித்தாய், ஸ்ரீபிரம்மா, அகத்தியமுனி ஆகியோருக்கு சந்நிதிகள் அமைந்துள்ளன. கோயிலின் உள் பிராகாரத்தில், பால சாரநாதன், நரசிம்மர், ருக்மிணி, சத்யபாமா, ஆண்டாள், ஸ்ரீராஜகோபாலன், ஸ்ரீஆஞ்சநேயர், ஸ்ரீராமன்,
கூரத்தாழ்வார், உடையவர், நம்மாழ்வார், சீனிவாசப் பெருமாள், ஆழ்வார்கள் முதலானோருக்கு சந்நிதிகள் அமைந்து உள்ளன. எந்த வைஷ்ணக் கோயிலிலும் இல்லாத ஒன்றாக, தைப்பூச திருவிழா இங்கே விமரிசையாகக் கொண்டாடப்படுகிறது. மேலும் அப்போது, காவிரித்தாய்க்கு பிரமாண்டமான விழாவும் பூஜைகளும் நடைபெறுகின்றன.
திருச்சேறை பெருமாளை ஒரு முறையேனும் வழிபட்டால், காவிரியில் 108 முறை நீராடிய பலன் கிடைக்கும் என்றும் நம் பாவங்களெல்லாம் தொலையும் என்றும் ஆச்சார்யர்கள் சொல்கிறார்கள்.
சர்வம் ஸ்ரீ கிருஷ்ணார்ப்பணம்🙏🏾
சர்வம் ஸ்ரீ கிருஷ்ணார்ப்பணம்🙏🏾
• • •
Missing some Tweet in this thread? You can try to
force a refresh
