இன்று #நரசிம்மஜெயந்தி #NarasimhaJayanti மகா விஷ்ணுவின் நான்காவது அவதாரமான நரசிம்ம ஜெயந்தி சதுர்த்தசி திதி மே 14 அன்று பிற்பகல் 3:22 முதல் மே 15 மதியம் 12:45 வரை உள்ளது. அதே போன்று, நரசிம்ம ஜெயந்தி பூஜை நேரமாக, மாலை 4:22 மணி முதல் 7:04 மணி வரை உள்ளது.
ஹிரண்யகசிபு என்ற அரக்கன்
ஹிரண்யகசிபு என்ற அரக்கன்
நீண்ட ஆயுளை பெற பிரம்மாவை நோக்கி கடும் தவம் புரிந்தான். இரவிலோ, பகலிலோ, தேவர்களாலோ, மனிதனாலோ, விலங்காலோ, பறவையாலோ, ஆயுதங்களாலோ, நீரிலோ, நிலத்திலோ, ஆகாயத்திலோ, வீட்டிற்கு உள்ளேயோ, வெளியேயோ தனக்கு மரணம் ஏற்படக்கூடாது, என் உடலில் இருந்து ஒரு சொட்டு ரத்தம் நிலத்தில் சிந்தினாலும்
தன்னை கொல்ல முயல்பவன் தலை சுக்குநூறாக வெடித்துவிட வேண்டும் என்ற வரத்தை பிரம்மாவிடம் பெற்றான். அதன் பிறகு அவனின் அட்டூழியங்கள் எல்லை மீறி போயின. ஶ்ரீமன் நாராயணனை வணங்கியதற்காக தன் சொந்த மகன் பிரஹலாதனையே கொல்லத் துணிந்தான். பலவாறாக மகனை சித்தரவதை செய்தும் பிரகலாதன் நாராயண நாமத்தை
விடவில்லை. எப்படி கொல்ல முயன்றாலும் பகவான் அவனை காப்பாற்றினார். ஒரு முறை கடுங் கோபத்தில், உன்னை காக்கும் பகவான் எங்கு இருக்கிறார் என்று கேட்க, பிரகலாதன் அவர் தூணிலும் இருப்பார் துரும்பிலும் உள்ளார் என்று பதிலுரைத்தான். இந்தத் தூணில் இருக்கிறாரா என்று ஒரு தூணைக் காட்டி அந்த தூணை
அடித்தபோது, நரசிம்மர் குழந்தையை காக்க அந்த ஸ்தம்பத்தில் இருந்து வெளிப்பட்டார். பிரம்மாவின் வரத்தை மீறாமல் ஹிரண்யகசிபுவை அழிக்க, பாதி மனிதனாக, பாதி மிருகமாக, பகலும் அல்லாமல் இரவும் அல்லாத அந்தி சாயும் வேளையில், உள்ளேயும் இல்லாமல் வெளியேயும் இல்லாமல் வாசல் படியிலும், நிலத்திலும்
அல்லாமல் ஆகாசத்திலும் அல்லாமல் தன் மடி மீது வைத்து, ஆயுதங்கள் அன்றி தன் கூரிய நகங்களையே கொண்டு நரசிம்ம அவதாரமாக அவனை வதம் செய்தார். இரண்யகசிபுவை வதம் செய்த போது எழுந்த நரசிம்மரின் சிம்ம கர்ஜனை 7 உலகங்களையும் கடந்து சென்றது. இரணியனைக் கொன்ற பின்பும் நரசிம்மரின் சீற்றம் தணியவில்லை.
சிவன் உட்பட பிற தெய்வங்களால் அவரைச் சாந்தமடையச் செய்ய முடியவில்லை. விஷ்ணுவின் தேவியான லட்சுமியை நாடினர். ஆனால் லட்சுமியாலும் அவரை அமைதிப்படுத்த முடியவில்ல. பின் பிரம்மாவின் ஆலோசனைப்படி பிரகலாதனை நரசிம்மரின் முன் நிறுத்தினர். அவனது அதீதமான பக்தியாலும் வேண்டுதலாலும் நரசிம்மரின்
சினம் அடங்கியது. அதன் பிறகு அவர் பிரகலாதனுக்கு மன்னனாக முடிச்சூட்டி அவனை வாழ்த்தினார். திருமால் அவதாரங்களில் மிகக் குறுகிய கால அவதாரம் நரசிம்ம அவதாரம் 24 நிமிடங்கள்! கடிகை நேரமே நிகழ்ந்த மிகவும் உக்கிரமான அவதாரம். அவர் அவதரித்த இந்த நாளை தான் நாம் #நரசிம்மர்ஜெயந்தியாக கொண்டாடி
எந்த நேரமும் இடைவிடாது நரசிம்மரை தொடர்ந்து மனம் ஒன்றி வழிபட்டு வந்தால் எதிரிகளை வெல்லும் பலம் கிடைக்கும். நரசிம்மரை உபாசனா தெய்வமாக ஏற்றுக் கொள்பவர்களுக்கு திக்கெட்டும் புகழ் கிடைக்கும். நரசிம்ம அவதாரம் இறைவன் எங்கும் நிறைந்திருக்கிறான் என்பதை உணர்த்துகிறது. நரசிம்மருக்கு
எத்தனையோ வடிவங்கள் இருந்தாலும் லட்சுமி நரசிம்மர் வடிவமே அதிகம் விரும்பப்படுகிறது. வட இந்தியாவை விட தென் இந்தியாவில்தான் அதிக நரசிம்மர் ஆலயங்கள் உள்ளன. ஆந்திராவில் உள்ள அகோபிலத்தில் தான் அவதரித்தார். நரசிம்ம அவதாரத்தின் முதல் குறிப்பு பரிபாடலில் காணப்படுகிறது. நரசிம்மருக்கு
நரசிங்கம், சிங்கபிரான், அரிமுகத்து அச்சுதன், சீயம், நரம் கலந்த சிங்கம், அரி, ஆனரி ஆகிய பெயர்களும் உண்டு. நரசிம்ம அவதாரம் பற்றி முதன் முதலில் முழுமையாக சொன்னவர் கம்பர்தான். சிவனை கடவுளாக ஏற்ற ஆதிசங்கரர், ஸ்ரீலட்சுமி நரசிம்மரைப் போற்றித் துதித்ததும் அவருக்கு உடனே நரசிம்மர் காட்சி
கொடுத்தார். திருத்தக்கதேவர் தனது சீவக சிந்தாமணியில், ''இரணியன்பட்ட தெம்மிறை எய்தினான்'' என்று நரசிம்ம அவதாரம் பற்றி குறிப்பிட்டுள்ளார். இரணியனின் ரத்தத்தை குடித்ததால் சீற்றம் பெற்ற நரசிம்மரின் ரத்தத்தை சிவன் சரபப்பறவையாக வந்து குடித்தார். இதன்பிறகே நரசிம்மரின் சீற்றம் தணிந்தது.
இந்த தகவல் அபிதான சிந்தாமணியில் கூறப்பட்டுள்ளது. எல்லா பொருட்கள் உள்ளேயும் நான் இருக்கிறேன் என்பதை உணர்த்தவே பகவான், நரசிம்ம அவதாரம் எடுத்தார். எனவே நரசிம்மரை எங்கும் வணங்கலாம். நரசிம்ம அவதாரத்தை எப்போது படித்தாலும் சரி, படித்து முடித்ததும் பானகம், பழவகைகள், இளநீரை நிவேதனமாக
படைத்து வணங்குதல் வேண்டும்.
நரசிம்மன் என்றால் ஒளிப்பிழம்பு என்று அர்த்தம். நரசிம்மரின் வலது கண்ணில் சூரியனும், இடது கண்ணில் சந்திரனும், இடையில் புருவ மத்தியில் அக்னியும் உள்ளனர். நரசிம்மனின் தேஜஸ் காயத்ரி மந்திரத்துக்குள்ளே உள்ளார்.
நரசிம்மரை வழிபடும் போது ''ஸ்ரீநரசிம்ஹாய நம''
நரசிம்மன் என்றால் ஒளிப்பிழம்பு என்று அர்த்தம். நரசிம்மரின் வலது கண்ணில் சூரியனும், இடது கண்ணில் சந்திரனும், இடையில் புருவ மத்தியில் அக்னியும் உள்ளனர். நரசிம்மனின் தேஜஸ் காயத்ரி மந்திரத்துக்குள்ளே உள்ளார்.
நரசிம்மரை வழிபடும் போது ''ஸ்ரீநரசிம்ஹாய நம''
என்று சொல்லி ஒரு பூ-வைப் போட்டு வழிபட்டாலே எல்லா வித்தையையும் கற்ற பலன் உண்டாகும். நரசிம்மரை ம்ருத்யுவேஸ் வாகா என்று கூறி வழி பட்டால் மரண பயம் நீங்கும்.
அந்தியம் போதில் அரி உருவாகி அரியை அழித்தவனை
பந்தனை தீரப் பல்லாண்டு பல்லாயிரத்தாண்டு என்று பாடுதுமே
– பெரியாழ்வார்
அந்தியம் போதில் அரி உருவாகி அரியை அழித்தவனை
பந்தனை தீரப் பல்லாண்டு பல்லாயிரத்தாண்டு என்று பாடுதுமே
– பெரியாழ்வார்
ஶ்ரீ லக்ஷ்மி ந்ருசம்மர் திருவடிகளே சரணம்
சர்வம் ஶ்ரீ கிருஷ்ணார்ப்பணம்🙏🏻
சர்வம் ஶ்ரீ கிருஷ்ணார்ப்பணம்🙏🏻
நரசிம்ம ஜெயந்திக்கு @veeba6 அவர்களின் அருமையான பாமாலை! பூமாலையினும் மணம் மிக்கது🙏🏻
• • •
Missing some Tweet in this thread? You can try to
force a refresh
