#அறிவும்_மகான்கள் #கணக்கம்பட்டி_சித்தர் #கணக்கம்பட்டி_மூட்டைசாமி பழனி முருகன் திருக்கோவிலில் இருந்து 8கிமீ தொலைவில் இருக்கும் கிராமம் கணக்கன்பட்டி. இங்கும் வாழ்ந்த மிக சக்தி வாய்ந்த மகான் கணக்கன்பட்டி மூட்டை சாமி என்கிற சத்குரு காளிமுத்து பழனிசாமி சித்தர். ஷீரடி பாபாவின் மறு 
அவதாரம் என்கின்றனர். இவர் பல அதிசயங்களை நிகழ்த்தியவர். ஒருநாள் வெளிநாட்டில் இருந்து ஒரு குடும்பம் பேச முடியத அவர்கள் குழந்தைக்கு பேச்சு வர பழனி முருகனை தரிசிக்க காரில் போய் கொண்டிருந்தனர். அந்த கார் கணக்கன்பட்டி வழியே போகும் போது, பச்சை வேஷ்டி சட்டை, தலைப்பாகை அணிந்த ஒரு பெரியவர்
வழிமறித்தார். அவர்கள் பயத்துடன் இறங்கினர். குழநதையின் தாயைப் பார்த்து, "எதிரில் இருக்கும் கடையில் இருந்து பிரியாணி வாங்கி வா" என்று கட்டளை இட்டார். அவர்கள் சுத்த சைவம், முழித்தனர். அருகில் இருந்தவர்கள், சாமி சொல்வதை செய்து விடுங்கள் சாமி சக்தி வாய்ந்தவர் என்றனர். அந்தப் பெண்ணும்
வாங்கி வந்தார். இந்த சாப்பாட்டை அந்த பையனுக்கு கொடு என்றார். தடுமாறினர், ஆயினும் பொட்டலத்தைப் பிரித்துப் பார்த்தார் தாயார். வாங்கி வந்த பிரியாணி சாம்பார் சாதம் ஆக மாறி இருந்தது. இதை கண்டு ஆச்சரியத்துடன் கை எடுத்து வணங்கிவிட்டு பழனி நோக்கி சென்றனர். அப்போது அவர்களின் காருக்கு
எதிரில் ஒரு வண்டி வந்தது. அதை கண்ட அந்த சிறுவன் அம்மா வண்டி என்று கத்தினான். அந்த சிறுவனிடம் இதை சற்றும் எதிர் பார்க்காத அக்குடும்பத்தினர் சாமியின் மகிமை கண்டு ஆனந்த கண்ணீர் வடித்தனர். அவர் இருக்கும் திசை நோக்கி வணங்கினர். இவ்வாறு பலரின் கர்ம வினைகளை தீர்த்து அவர்கள் வாழ்க்கையை
மாற்றியவர் கணக்கன்ப்பட்டி மூட்டை சாமி. இவரிடம் யார் சென்றாலும் போய் அந்த கல்லு எடுத்து அங்க போடு, இங்க கூடு கட்டு என்று சொல்லுவார். ஒருமுறை ஒருவர் நிலம் வாங்க இவரிடம் உத்தரவு கேட்கும் போது, கிழக்கு போய் வடக்கு போ என்று சூசகமாக கூறினார். உத்தரவு கேட்கவந்தவர் இரண்டு நிலம் பார்த்து
இருந்தார். அதில் ஒன்று வடக்கில் இருந்தது. அதன் வழி கிழக்கு பார்த்து இருந்துள்ளது. கிழக்கு போய் வடக்கு போ என்று சுவாமி இதை தான் சூசகமாக கூறி உள்ளார் என்று எண்ணி அவரும் அந்த நிலத்தை வாங்கி வளர்ச்சி அடைந்துள்ளார். இவரது இடது தோள்பட்டையில் ஒரு பெரிய மூட்டை தொங்கிக் கொண்டிருக்கும்.
ரொம்ப கனமான மூட்டை. அதற்குள் என்ன இருக்கிறது என்பது எவருக்கும் தெரியாது. புளிய மரத்தின் அடியில், தான் ஓய்வெடுக்கும்போது மரத்தின் ஒரு கிளையில் தன் கண்களில் படும்படி மூட்டையைத் தொங்க விட்டிருப்பார். ஆர்வக்கோளாறின் காரணமாக சில நேரங்களில் எவரேனும் மூட்டை அருகே நெருங்கினால் போதும்
கன்னாபின்னாவென்று கத்தி அவர்களை விரட்டி விடுவார். தான் செல்லும் இடங்களுக்கெல்லாம் அந்தக் கந்தல் மூட்டையை விடாமல் தூக்கிச் செல்வதால், அந்தப் பகுதிவாசிகளால் 'மூட்டை ஸ்வாமிகள்' என அழைக்கப்பட ஆரம்பித்தார். ஒரு மழைக் காலத்தில், அதிக வோல்டேஜ் மின்சாரம் பாய்ந்து கொண்டிருக்கும் மின் வயர்
ஒன்று அறுந்து, நடு ரோட்டில் விழுந்து கிடந்தது. இதைக் கண்டு அனைவரும் அஞ்சி நடுங்கி அந்தப் பக்கமே செல்லாமல் இருந்தனர். சுவாமிகள் ரொம்ப சாதாரணமாகச் சென்று அந்த வயரைத் தன் கையால் எடுத்து அப்புறப்படுத்திப் போட்டார். சுவாமிகள் தியானத்தில் ஒரு முறை பேச்சற்றுக் கிடந்தபோது, பதறி போன
சேலத்து பக்தர் ஒருவர், ஆஸ்பத்திரியில் சேர்த்து விட்டுப் போயிருக்கிறார். அங்கு சுவாமிகளைப் பரிசோதித்துப் பார்த்த மருத்துவர்கள், மூச்சே இல்லை. இறந்து விட்டார் என்று ரிப்போர்ட் எழுதி, இவரை மார்ச்சுவரியில் வைத்திருக்கிறார்கள். அடுத்த சில மணி நேரங்களில் சுவாமிகள், பழநியில் ஒரு மலையில்
தவத்தில் இருந்தாராம். மார்ச்சுவரியில் சுவாமிகள் இருந்த அறையைத் திறந்து பார்த்த ஆசாமிக்கு அதிர்ச்சி. அங்கே இவர் இல்லை. சிலரிடம் மண்வெட்டி கொடுத்து மண் தோண்ட சொல்வார் சிலரிடம் பள்ளமாக இருக்கும் குழிகளை மூடச் சொல்வார் சிலரிடம் கற்களை எல்லாம் பொறுக்கி வந்து ஓரிடத்தில் குவித்து போடச்
சொல்வார் சிலரிடம் சாக்கடைத் தண்ணீரை சரி செய்ய சொல்வார் பெரிய பாறாங்கல்லை கொஞ்ச தூரத்துக்கு புரட்டி போடச் சொல்வார். ஒரு குறிப்பிட்ட மரத்தை சுற்றி வா என்பார். சிலருக்கு அடி விழும். சிலரை பக்கத்திலேயே சேர்க்க மாட்டார் சற்று தொலைவில் வரும்போதே அயோக்கியபய வர்றான் அவனை திரும்பி போகச்
சொல்லு என்பார். இப்படி அவர் எந்த உத்தரவிட்டாலும் அவை மக்களின் கர்மவினைகளை விரட்டினர் காலப்போக்கில் தான் இந்த உண்மையை மக்கள் உணர்ந்தனர். அதன்பிறகு மூட்டைசாமிகளை நோக்கி தினம் தினம் நூற்றுக் கணக்கானவர்கள் படையெடுத்தனர். அதன் தொடர்ச்சியாக அவரைப் பற்றிய விவரங்கள் வெளி உலகுக்கு தெரிய
வந்தன. சிலரை அருகில் அழைத்து வைத்துக் கொண்டு அன்பாகப் பேசுவார் கருணையோடு பார்ப்பார் சிலரிடம் போய்டடீ வாங்கிட்டு வா என்பார். சிலரிடம் எனக்கு பசிக்குது சாப்பாடு வாங்கி தரியா என்று கேட்பார். வெகு சிலருக்கு தன்னை பழனிமுருகன் ஆகவே உருமாற்றி காண்பித்தது உண்டு. இப்படி நிறைய சம்பவங்களை
சொல்லலாம். முக்காலமும் உணர்ந்த ஞானியாக உலா வந்தார். பஞ்சபூதங்களையும் தன் கட்டுப்பாட்டில் வைத்தார். பறவைகள் விலங்குகள் பேசுவது அவருக்குப் புரியும் ஆனால் எதையுமே வெளியில் காட்டிக் கொள்ளவில்லை. இவர் மிக எளிய வாழ்க்கை வாழ்ந்தார் என்று சொல்லவும் தேவை இல்லை. சாய் பாபாவுக்கும் மூட்டை
சாமிகளுக்கும் பல விஷயங்களில் ஒற்றுமை உள்ளது. சாய்பாபா ஒரு கல்லில் அமர்ந்து தன் பக்தர்களுக்கு ஆசி வழங்கியது போல மூட்டை சாமிகளும் கல்லில் அமர்ந்து ஆசி வழங்கினார் பாபா அமர்ந்திருந்த கல் ஷீரடி துவாரகாமாயியில் கண்ணாடி கூண்டுக்குள் வைக்கப்பட்டிருப்பது போல கணக்கன்பட்டி மூட்டை சாமிகள்
அமர்ந்த கல்லும் கண்ணாடி கூண்டுக்குள் வைக்கப் பட்டுள்ளது. பாபாவுடன் எப்போதும் ஒரு நாய் காணப்படும். மூட்டை சாமிகளுடன் மணி என்ற நாயும் இருக்கும். அந்த நாய் மூட்டை சாமிகளின் ஜீவசமாதி அருகிலேயே படுத்திருக்கும். மூட்டை சாமியாரை சாய்பாபாவின் அவதாரமாகவே பார்க்கிறார்கள். இவரின் ஜீவ
சமாதிக்குச் சென்றால் நிச்சயம் மாற்றம் உண்டாகும். இவரின் ஜீவ சமாதியில் அதிர்வலைகளை இன்றும் நன்றாக உணராலம். பழனி பேருந்து நிறுத்தத்தில் இருந்து சுமார் 8கிமீ தொலைவில் உள்ளது. பஸ் வசதியும் உள்ளது. மகான் 11 3 2014 அன்று புனர்பூசம் நட்சத்திரத்தில் பரிபூரணமானவர். எனவே ஒவ்வொரு
புனர்பூசமும் சிறப்பு பூஜைகள் நடைபெறுகிறது. குருபூஜை அன்றும் நடக்கின்றன. தினமும் மூன்று வேளை அன்னதானம் இங்கே. அவர் வாழ்ந்த காலத்தில் அவரிடம் ஆசி பெற தவறியர்கள் இன்று இங்கு சென்று அதை பெறலாம்.
ஓம் சத்குரு கணக்கன்பட்டி மூட்டை சாமிகளே போற்றி!
சர்வம் ஸ்ரீ கிருஷ்ணார்ப்பணம்🙏🏾
ஓம் சத்குரு கணக்கன்பட்டி மூட்டை சாமிகளே போற்றி!
சர்வம் ஸ்ரீ கிருஷ்ணார்ப்பணம்🙏🏾
• • •
Missing some Tweet in this thread? You can try to
force a refresh
