Thread by @anbezhil12

#பாஜக கூட்டணி சார்பில் #ஜனாதிபதி வேட்பாளராக #திரௌபதி_முர்மு (வயது 64) அறிவிக்கப்பட்டு உள்ளார். இவர் பழங்குடியினர் வகுப்பை சேர்ந்தவர். ஒடிசா மாநிலம், மயூர்பஞ்ச் மாவட்டத்தில் உள்ள பாய்டாபோசி என்ற கிராமத்தில் 1958-ம் ஆண்டு, ஜூன் 20 பிறந்தார். இவர் தந்தை பெயர் பிராஞ்சி நாராயண் டுடு.

இவர் சந்தால் சமூகத்தைச் சேர்ந்தவர். ஜார்கண்டில் அதிக அளவில் இந்த சமூகத்தை சேர்ந்தவர்கள் உள்ளனர். ஒடிசா மாநிலம், புவனேஸ்வரில் உள்ள ரமா தேவி மகளிர் கல்லூரியில் படித்தார். இவருக்கு திருமணமாகி 2 மகன்கள், ஒரு மகள் பிறந்தனர். கணவரும், மகன்கள் இருவரும் அடுத்தடுத்து இறந்து விட்டது இவர்

தனிப்பட்ட வாழ்க்கையின் சோகம். மகளை ஆசிரியப்பணியின் சொற்ப வருமானத்தில் போராடி வளர்த்தார். அரசியல் ஆர்வம் காரணமாக பா.ஜ.க.வில் சேர்ந்த இவர், ராய்ரங்பூர் சட்டசபை தொகுதியில் போட்டியிட்டு எம்.எல்.ஏ. ஆனார். ஒடிசா மாநிலத்தின் சட்டப் பேரவையில் 2007 ஆம் ஆண்டின் சிறந்த சட்டமன்ற

உறுப்பினருக்கான #நிலகாந்தா விருதை பெற்றிருக்கிறார். ஒடிசா அரசு அமைச்சரவையில் போக்குவரத்து, வணிகத் துறை, மீன்வளத் துறை மற்றும் விலங்கியல் என பல்வேறு துறை அமைச்சராக பதவி வகித்து இருக்கிறார் 2015 மே 18 முதல் 2021 ஜூலை 12 வரை ஜார்க்கண்ட்டின் முதல் பெண் ஆளுநர் என்ற பெருமையுடன் பதவி

வகித்தார். ஐந்தாண்டு பதவிக்காலம் முடிந்த பிறகும் பதவியில் இருந்து நீக்கப்படாத ஜார்கண்ட் மாநிலத்தின் முதல் ஆளுநர் இவர். இவர் அங்கு பிரபலமான ஆளுநராக இருந்தார். ஆளும்கட்சி, எதிர்கட்சிகள் ஆகியோரிடம் அவருக்கு நற்பெயர் இருந்தது. இவர் வெற்றி பெற்றால் இந்தியாவின் முதல் பழங்குடியின பெண்

ஜனாதிபதி என்ற சிறப்பை பெறுவார். அவரது பதவிக் காலத்தின் போது, பாஜக கூட்டணியின் முந்தைய ரகுபர் தாஸ் அரசிடமும், ஜார்க்கண்ட் முக்தி மோர்ச்சா கூட்டணியின் தற்போதைய ஹேமந்த் சோரேன் அரசிடமும், அவர்களின் சில முடிவுகளை மறுபரிசீலனை செய்ய அறிவுறுத்தினார். அத்தகைய சில மசோதாக்களை அவர் தாமதமின்ற

திருப்பி அனுப்பினார். 2017 தொடக்கத்தில் ஜார்க்கண்டில் பாஜக தலைமையிலான ரகுபர் தாஸ் அரசு பழங்குடியினரின் நிலங்களைப் பாதுகாக்க ஆங்கிலேயர் ஆட்சிக் காலத்தில் உருவாக்கப்பட்ட சோட்டாநாக்பூர் குத்தகைச் சட்டம் (சிஎன்டி சட்டம்) & சந்தால் பர்கானா குத்தகைச் சட்டம் (எஸ்பிடி சட்டம்) ஆகியவற்றின்

சில விதிகளைத் திருத்த அந்த அரசு சட்டப்பேரவையில் நிறைவேற்ற இவர் ஆளுநராக உதவினார். குடியரசுத்தலைவராக திரௌபதி முர்மு போட்டியிடுவது குறித்து மோடி, "இவர் தன் வாழ்க்கையை சமுதாயத்திற்கு சேவை செய்வதற்கும், ஏழைகள், தாழ்த்தப்பட்டவர்கள் மற்றும் ஒடுக்கப்பட்டவர்களுக்கு அதிகாரம்

அளிப்பதற்காகவும் அர்ப்பணித்துள்ளார். அவரின் கொள்கை விஷயங்களைப் பற்றிய புரிதலும், இரக்க குணமும் நம் நாட்டிற்கு பெரிதும் பயனளிக்கும் என்று நம்புகிறேன்" என கூறியுள்ளார்.
போட்டியில் வெற்றி பெற்று நல்ல ஜனாதிபதியாக தொண்டாற்றுவார் என்று இறைவனை வேண்டுவோம்.
சர்வம் ஸ்ரீ கிருஷ்ணார்ப்பணம்🙏🏾