#ஸ்ரீகிருஷ்ணன்கதைகள் தோல்வி என்று ஒன்று வந்து விட்டால் நாம் நிலை குலைந்து போய் விடுகிறோம். அத்தனை முயற்சிகளும் உழைப்புகளும் வீண் என்று நமக்குள்ளேயே களைத்துப் போகிறோம். தோல்வியை வேறு கோணத்தில் பார்ப்போமா? ஒரு தோல்வியின் மூலம் பகவான் ஸ்ரீ கிருஷ்ணன் இதைவிட ஒரு சிறப்பான வாழ்க்கை அமைய 
நமக்கு வழிகாட்ட நினைத்திருக்கலாம். ஒரு நண்பர் பள்ளி இறுதித் தேர்வில் நல்ல மதிப்பெண்கள் எடுக்க முடியாததால் இன்ஜினியரிங்கில் சேர முடியவில்லை. எல்லோரும் அவரை தோல்வி அடைந்தவனாக பார்த்தார்கள். ஆனால் அவர் கணிதம் படித்து, கணினி தொடர்பான வகுப்புகளில் சேர்ந்து தேர்ச்சி பெற்று இன்று 100
பேருக்கு மேல் அவர் கம்பெனியில் வேலை பார்க்கின்றனர். ஒரு வேளை இன்ஜினியரிங் படித்திருந்தால் ஏதோ ஒரு கம்பெனியில் வேலை பார்த்துக் கொண்டிருப்பார். ஒரு நண்பர் ஆரம்ப கட்டத்தில் ஏதேதோ முயற்சி செய்தார். எல்லாம் தோல்வி அல்லது மனதுக்கு பிடிக்கவில்லை. யோகாவில் நுழைந்தார். எல்லோரும் திரும்பப்
பார்க்கும்படி தன்னை உயர்த்திக் கொண்டார். உலகம் முழுவதும் அவருக்கு வரவேற்பு. இலக்குகளை நிர்ணயம் செய்து தோல்வியடைந்தால் மனதை தளர விடக் கூடாது. இதைவிட சிறப்பான வாழ்க்கைக்கு பகவான் ஸ்ரீ கிருஷ்ணன் நம்மை பக்குவப் படுத்துகிறான் என்பதை உணர்வோம். நாம் எதிர்பார்த்ததை விட பெரிய திட்டத்தை
ஸ்ரீ கிருஷ்ணன் நமக்காக வைத்துள்ளார். அத்திட்டங்களை நிறைவேற்ற நம் பல திட்டங்களை தடம் புரட்டுகிறார். உலகம் தோல்வி என்று அழைப்பதை நாம் திருப்புமுனை என்று அழைப்போம். எல்லாவற்றையும் ஏற்றுக் கொள்ளும் மனப்பக்குவம் இருந்தால் வானம் தொட்டுவிடும் தூரம் தான்.
சர்வம் ஸ்ரீ கிருஷ்ணார்ப்பணம்🙏🏾
சர்வம் ஸ்ரீ கிருஷ்ணார்ப்பணம்🙏🏾
• • •
Missing some Tweet in this thread? You can try to
force a refresh
