#ஸ்ரீகிருஷ்ணன்கதைகள் கோதாவரி நதிக்கரையில் சின்னபாப் என்ற புனித ஸ்தலம் உள்ளது. அங்கு மிக கடினமாக தவம் செய்யும் சஞ்சதப்பா என்ற ரிஷி வாழ்ந்து வந்தார். சூரியன் சுட்டெரிக்கும் காலத்தில் நெருப்பின் இடையில் அமர்ந்து தவம் செய்வார். கடும் குளிரில் ஆற்றில் தவம் செய்வார். அவர் தன் புலன்கள் 
அனைத்தையும் தன கட்டுப்பாட்டுக்குள் வைத்திருந்தார். இதன் காரணத்தால் பகவான் கிருஷ்ணரின் பாத கமலங்களை முழுமையாக சரணடைந்திருந்தார். பிரம்மதேவர் தினமும் சஞ்சத்தப்பாவை சந்தித்து, பகவான் கிருஷ்ணருக்கு எவ்வாறு சேவை செய்வது என்று கேள்விகள் கேட்பார். சஞ்சத்தப்பாவும் விளக்கமளிப்பார். இதை
கவனித்துக் கொண்டிருந்த இந்திரனுக்கு, சஞ்சத்தப்பாவை பார்த்து பொறாமை ஏற்பட்டது. எங்கு சஞ்சதப்பா தன் தவ வலிமையால் இந்திரலோகத்தை கைப்பற்றிவிடுவாரோ என்ற பயமும் வந்தது. உடனே தேவலோகத்து அப்சரசுகள் இருவரை அழைத்து சஞ்சத்தப்பாவின் தவத்தை கலைக்க உத்தரவிட்டார். இந்திரனின் ஆணையை ஏற்று இருவரும
கோதாவரி நதிக்கரையிலுள்ள சஞ்சத்தப்பாவின் ஆசிரமத்தை அடைந்து, சஞ்சத்தப்பாவின் புலன்களையும் உணர்ச்சிகளையும் தூண்டும் விதத்தில் இருவரும் பாடிக்கொண்டே அவரை சுற்றி நடனமாடினர். உடனே சஞ்சதப்பா தன் கையில் நீரை எடுத்து, "நீங்கள் இருவரும் கங்கை நதிக்கரையில் வில்வ மரங்களாக மாறுவீர்கள்" என்று
சபித்தார். இந்த சாபத்தை சற்றும் எதிர்பாராத அவர்கள் அவர் பாதங்களில் விழுந்து மன்னிப்பு வேண்டினர். அய்யா, ஸ்ரீ கிருஷ்ண பக்த ரிஷியே, தயவு செய்து எங்களை மன்னித்து விடுங்கள். நாங்கள் இந்திரனின் சேவகர்கள் என்று மன்றாடினார்கள். அவர்களுடைய பணிவை கண்டு மனமுருகிய ரிஷி, மஹாராஜா பரதர் உங்களை
விடுவிப்பார் என்றும் ஆசி வழங்கினார். பரத மஹாராஜா உங்கள் தபோவனத்திற்கு வரும்பொழுது, உங்களின் மரத்தடியிலேயே ஓய்வெடுப்பார். அப்போது நீங்கள் ஸ்ரீமத் பகவத் கீதையின் நான்காம் அத்தியாயத்தை படியுங்கள். அதன்படி அவர்கள் செய்து, மரத்தின் வடிவிலிருந்து விடுதலை பெற்றனர். அதோடல்லாமல் பௌதிக
ஆசைகளும் அவர்களுக்கு முற்றிலுமாக விலகிவிட்டது. பின்பு அந்த இரண்டு பெண்களும் தினமும் ஸ்ரீமத் பகவத் கீதையின் நான்காம் அத்தியாயத்தை படித்து ஸ்ரீ கிருஷ்ணன் பாத கமலங்களின் சேவையை பெற்றனர்.
சர்வம் ஸ்ரீ கிருஷ்ணார்ப்பணம்🙏🏾
சர்வம் ஸ்ரீ கிருஷ்ணார்ப்பணம்🙏🏾
• • •
Missing some Tweet in this thread? You can try to
force a refresh
