Thread by @anbezhil12

#அக்னிவனம் #அக்னீஸ்வரன் #திருக்கொள்ளிக்காடு #கள்ளிக்காடு
#பொங்குசனீஸ்வரர்_கோவில்
காவிரியின் தென்கரையில் திருத்துறைப்பூண்டி அருகே அமைந்துள்ள திருக்கொள்ளிக்காடு சனி பகவானின் ஸ்தலம் ஆகும். பஞ்சினும் மெல்லடியாள் உடனுறை அக்னீஸ்வரர் அருள்பாலிக்கும் இந்த தலத்துக்கு அக்னி பகவான் சிவபூஜை

மேற்கொண்டதால் அக்னிபுரி என்ற பெயர் வந்தது. நவகிரகங்களும் மெதுவாக செல்வதால் மந்தன் என பெயர் பெற்றவரும், பாவம் செய்வோரை நற்கதி அடைய செய்பவருமாகிய சனி பகவான் ஈசனை வழிப்பட்டு ஈஸ்வர பட்டம் பெற்று சனீஸ்வரன் என பெயர் பெற்ற தலம் இது. “கோளது துயர் தீர்க்கும் கொள்ளிக்காடரே'' என புகழ்பெறும்

இத்தலத்து ஈசனையும், அம்மையையும், மகா லெட்சுமி ஸ்தானத்தில் கையில் கலப்பையும், காகமும் கொண்டு அபயம் அளித்து காக்கும் பொங்கு சனிஸ்வரராக அருள்பாலித்து வருகிறார். இக்கோயிலில் தனி சன்னதியில் சேவை சாதிக்கிறார் பொங்கு சனீஸ்வரர். சூரியனுக்கும் சாயாதேவிக்கும் பிறந்த சனி பகவானுக்கு, நவ

கோள்களில் முக்கியத்துவம் மிகுந்த இடத்தையும், கர்மவினைகளுக்கு ஏற்ப தண்டனை அளிக்கும் பணியையும் அருள்கிறார் ஈஸ்வரன். மனிதர்களின் பாவ புண்ணியத்திற்கு ஏற்ப விருப்பு வெறுப்புகளுக்கு அப்பாற்பட்டு தண்டனைகளையும் பலன்களையும் அளிப்பவர் சனி பகவான். மனிதர்களின் மனம் தண்டனைகளை ஏற்றுக்

கொண்டாலும் செய்த பாவங்களை மனதில் நினைத்து செய்தவற்றுக்காக வருந்துபவர்கள் அரிது. சனி பகவான் தன் பணியை செவ்வெனே செய்வதால், அவர் மீது நமக்கு பெரும் அச்சம் ஏற்படுகிறது. அவரது கடும் தண்டனையால் நவ கோள்களில் அஞ்சத் தகுந்தவராகவும், "சனி ஒரு தோஷம்" என்ற நினைக்கிறோம். சனிக்கு அதனால்

வருத்தம். என்ன இது, பூலோகத்தில் ஜனங்கள் தாங்களாக வரவழைத்துக் கொண்டு படும் துயரம், துன்பத்துக்கு எல்லாம் நானா காரணம்! ஏன் என் தலை உருள்கிறது என்று இந்த மனத்தாங்கலை சனீஸ்வரன் அக்னீஸ்வரரிடம் சொல்லி  வருந்தினார். அதற்கு அவர் “சனிஸ்வரா, நீ ஒரு க்ரஹம்.  யாருக்கும் வஞ்சனை இல்லாமல் உன்

கடமையைச் செய்பவன். இனிமேல்  இங்கேயே  நீ இரு. இந்த அக்னிபுரி இனி பொங்குசனி அருள்கின்ற க்ஷேத்ரம் ஆகட்டும். இங்கு வரும் பக்தர்களுக்கு உன்னால் நல்லதே நடக்கட்டும்” என்று அருள் பாலித்தார் அக்னீஸ்வரர். அதன் மூலம் அவரிடம் இருந்து தண்டனை அளிக்கும் ஆயுதங்கள் மறைந்து அன்பை பரப்பும் ஏர்

கலப்பை கிடைக்கிறது. அருகே மகா லட்சுமியும் அமர்கிறார் நேர் எதிரே அவரது குருவான பைரவரும் அமைந்துள்ளார். (குரு பார்க்க கோடி நன்மை எனும் விதியின் அடிப்படையில்). இதன்மூலம் பொங்கு சனீஸ்வரராக மாறி, சனி தசை, சனி புத்தி, அஷ்டம சனி, அர்த்தாஷ்டக சனி போன்ற காலங்களில் மனிதர்களின் கெடு பலன்களை

குறைத்து நற்பலன்களை பரப்புகிறார். இந்த ஸ்தலத்தில் பொங்கு சனீஸ்வரரை வழிபட்டு எள் தீபம் ஏற்றுவதும், எள் உருண்டைகளை தானமிடுவதும் மிக மிக சக்தி வாய்ந்த, மிக அவசியமான பரிகாரமாகும். திருஞானசம்மந்தர், திருவாவுக்கரசர், ஆகியோரால் பாடப்பெற்ற 1,200 ஆண்டுகள் பழமை வாய்ந்த இக்கோவிலின்
முகவரி:

அக்னீஸ்வரர் திருக்கோயில்
திருக்கொள்ளிக்காடு போஸ்ட் - 610 205
திருத்துறைப்பூண்டி வட்டம்
திருவாரூர் மாவட்டம்
04369 - 237454
04366 - 325801
சர்வம் ஶ்ரீ கிருஷ்ணார்ப்பணம்🙏🏻