#சங்குகுளம் பீகார் மாநிலம் பாங்கா மாவட்டத்தின், கடற்கரையை ஒட்டி மந்தர் மலைப்பகுதியில் பாகல்பூர் என்ற ஊரிலிருந்த 25 கி்மீ தொலைவில் சங்கு குளம் உள்ளது. இந்த குளத்தில் தான் பஞ்சகன்ய சங்கு தோன்றியது. இது பாற்கடலில் அமிர்தம் தோன்றுவதற்கு முன் தோன்றியது. இதைக் கொண்டுதான் சிவன் கொடிய 
ஆலகால விஷத்தை எடுத்து உண்டதாக ஐதீகம். ஒவ்வொரு ஆண்டும் மஹா சிவராத்திரி தினத்திற்கு முதல் நாள் இந்த சங்கு இந்த குளத்தில் தெளிவாகத் தெரிகிறது. அந்நாள் வரை நல்ல ஆழமான குளத்தில் 70, 80 அடி ஆழத்தில் அமைதியாக உறங்குகிறது. சிவராத்திரிக்கு முதல் நாள் அவ்வளவு நீரும் வற்றிப் போகிறது. சங்கு
பார்வைக்கு நன்கு தெரிகிறது. காணாமல் போன குளத்து நீர் மீண்டும் மறுநாள் குளத்தை நிரப்பி சங்கை தன் அடி மடியில் கிடத்திவிடுகிறது. நீரானது எப்படி அந்த சிவராத்திரி தினத்தில் எங்கு போகிறது? எப்படிப் போகிறது? மறுநாள் சரியாக எப்படி திரும்ப வருகிறது? புரியாத ரகசியம். புராணத்தின் படி இந்த
மந்தர் மலையை பாற்கடலை கடைந்து அமிர்தம் எடுக்க, தேவர்களும் அசுரர்களும் மத்தாக பயன்படுத்தினர் என கூறப்படுகிறது. பீகார், கடல் பகுதியில் உடைந்த மத்து போன்ற, மந்தார மலை கண்டுபிடிக்கப்பட்டு உள்ளது. இந்த மலைப்பகுதி பாகல்பூர் என்ற இடத்தில் இருந்து 25 கிலோமீட்டர் தூரத்தில் அமைந்துள்ளது.
இந்த மலைக்கு பிரதோஷம், அமாவாசை, பவுர்ணமி ஆகிய நாட்களில் திரளான பக்தர்கள் வருகை தருவார்கள். வனத்துறை கட்டுப்பாட்டில் உள்ள பகுதியில் இந்த மலைக்கு செல்ல பக்தர்கள் அனுமதி பெற வேண்டியது அவசியம். இங்கு மலை மேல் ராஜா சத்திரா சென் என்கிறஅரசன் கட்டிய கோவில் உள்ளது. வேறெங்கும் காணக்
கிடைக்காத குப்தர் காலத்து மகாவிஷ்ணுவின் நரசிம்ம அவதார சிற்பம் இங்குள்ளது. இதில் அவர் ஹிரண்யகசிபுவை கொல்லாத தோற்றத்தில் உள்ளார். 34 இன்ச் உயரத்தில் கருப்பு கல்லால் ஆன சிற்பம் இது. இங்கு கிடைத்த கல்வெட்டில் ஆதித்தியசேனா என்ற குப்த அரசர் தன் ராணி ஶ்ரீ கொண்ட தேவியுடன் மகாவிஷ்ணுவின்
அவதாரமான நரஹரியை பிரதிஷ்டை செய்தது குறிப்பிடப்பட்டுள்ளது. மேலும் ராணி ஒரு பிரசித்தமாக அங்குள்ள பாபஹாரிணி என்ற குளத்தை வெட்டியதாகவும் குறிப்பு உள்ளது. பாபஹாரிணி என்கிற குளத்தின் இன்னொரு பெயர் மனோஹர் குண்ட். விஷ்ணு பகவான் மது என்கிற அரக்கனை வதம் செய்து மதுசூதனன் என்ற திருநாமத்துடன்
வசிக்கும் இடமும் இதுவே என்றும் புராணங்கள் கூறுகின்றன. 12வது சமண தீர்த்தங்கரர் நினைவாகவும் இங்கு ஒரு சமண கோவில் உள்ளது.
சர்வம் ஶ்ரீ கிருஷ்ணார்ப்பணம்🙏🏻
சர்வம் ஶ்ரீ கிருஷ்ணார்ப்பணம்🙏🏻
• • •
Missing some Tweet in this thread? You can try to
force a refresh
