#பக்தி மங்களவேடா என்ற ஊர் பண்டரிபுரத்திலிருந்து சிறிது தூரத்தில் உள்ளது. அந்த ஊரில் பீடார் சுல்தானுக்கு வரி வசூல் அதிகாரியாக தாமாஜி வேலை பார்த்து வந்தார். தாமாஜி பண்டிதர் தீவிர விட்டல பக்தர். தினமும் விட்டலனை பூஜித்து யாரேனும் அதிதி வந்தால் அவருக்கு போஜனம் செய்வித்து பிறகுதான் 
சாப்பிடுவார். சுல்தானுக்கு அவரது நேர்மை நல்லொழுக்கம் ரொம்ப பிடித்து விட்டதால் அவனின் கஜானா மற்றும் பண்டக சாலைக்கு அவரை பொறுப்பாளியாக நியமித்தான். எதிர்பாராத விதமாக நாட்டில் பஞ்சம் வந்தது. ஆடு மாடு கோழி எல்லாம் தீவனமின்றி மெலிந்து போயின. பயிர் பச்சை எல்லாம் வாடி கருகின. மக்கள்
உணவு தட்டுப்பாட்டால் தவித்தனர். ஒருநாள் தாமாஜி வீட்டு வாசலில் ஒரு பிராமணர் பசியோடு வந்தார். தாமாஜி அவரை அழைத்து உபசரித்து உணவளித்தார். அந்த மனிதர் அழத் தொடங்கவே தாமாஜி விவரம் கேட்டார். "நான் இங்கே வயிறார உண்கிறேன். பண்டரி புரத்தில் என் வீட்டில் மனைவி குழந்தைகள் உணவின்றி
தவிக்கிறார்களே என்று நினைத்தேன். அழுகை வந்தது என்றார். ஒரு வண்டியில் சில அரிசி பருப்பு மூட்டைகளை ஏற்றி அந்த பிராமணர் தன் ஊருக்கு எடுத்துச் செல்ல ஏற்பாடு செய்தார். பண்டரிபுரம் எல்லை தாண்டுவதற்குள் நிறையப்பேர் அவர் வண்டியை மடக்கி மூட்டைகளை பிய்த்து ஆளுக்குக் கொஞ்சமாக எல்லாவற்றையும்
எடுத்து சென்று விட்டார்கள். எப்படி சாமா உனக்கு இதெல்லாம் கிடைத்தது என்று கேட்டபோது அவர் சுல்தானின் அதிகாரி தாமாஜி பற்றி சொன்னார். சிலர் உடனே கிளம்பி மங்களவேடா ஊருக்கு வந்து தாமாஜியை பார்த்து பண்டரிபுரத்தில் பஞ்சம் தலைவிரித்தாடுவது பற்றி சொன்னார்கள். தாமாஜி கொஞ்சம் கூட
யோசிக்கவில்லை. பண்டக சாலையிலுள்ள எல்லா உணவுப் பொருள்களையும் காலி செய்து பண்டரிபுரம் அனுப்பிவிட்டார். அனைவருக்கும் மட்டற்ற மகிழ்ச்சி. சுல்தானின் உள்ளூர் அதிகாரியாக பண்டரிபுரகுதில் இருந்த மஜும்தார் மிகவும் ஆத்திரம் அடைந்தான். நீண்ட கடிதம் ஒன்றை சுல்தானுக்கு எழுதினான். சுல்தானால்
நம்ப முடியவில்லை. தாமாஜியா இப்படி செய்தார்? விசாரணையில் இது உண்மையென்று தெரிந்ததும் ஆளை அனுப்பினான். பண்டக சாலையிலிருந்த பொருள்களையோ அவற்றுக்கான பணமோ உடனே தர வேண்டும், இல்லையேல் சிறைபிடித்து அழைத்து வாருங்கள் தாமாஜியை என்று ஆணையிட்டான். அவரிடம் பணமோ பொருளோ இல்லாததால் அவரை சிறை
பிடித்து கால் நடையாக அவரை பிடாருக்கு அழைத்துச் சென்றார்கள் வீரர்கள். போகும் வழியில் பண்டரி புரம் விட்டலன் கோவில் அருகே தாமாஜி வீரர்களிடம், ஒரு நிமிஷம் பாண்டுரங்கனை தரிசித்து வந்து விடுகிறேனே என்று கெஞ்ச அனுமதி கொடுத்தனர். ஓடினார் விட்டலனிடம். இது தான் நான் உன்னை கடைசியாக தரிசனம்
செய்வது. சுல்தான் எனக்கு நிச்சயம் மரண தண்டனை கொடுக்க போகிறான். முடிந்தால் அடுத்த ஜன்மத்தில் சந்திப்போம் என்று வேண்டினார். அந்த நேரத்தில் ஒரு வெட்டியான் அரண்மணை வாசலில் சுல்தானை காண வந்தான். அவனை சுல்தான் எதிரில் கொண்டு நிறுத்தினார்கள். அவன் தன்னை விட்டோ நாயக் எனாறிமுகப் படுத்தி
கொண்டான். விட்டோநாயக் சுல்தானிடம் ஒரு கடிதம் கொடுத்தான் அத்துடன் ஒரு பை நிறைய பொற்காசுகளும் கொடுத்தான். பையின் மேல் சுல்தானின் அதிகார முத்திரை இருந்தது. மங்கள வேடாவிலிருந்து வந்திருக்கிறது. "பண்டக சாலையிலிருந்த பொருள்களை அதிக விலைக்கு விற்ற லாபதொகை போக பண்டக சாலையில் வேண்டிய
சாமான்களும் இருக்கிறது. பெற்றுக் கொண்டு ரசீது அனுப்பவும்” என்று தாமாஜி கைப்பட எழுதிய கடிதத்தையும் பணத்தையும் கண்ட சுல்தான் தாமாஜியை பற்றி அவதூறாக கூறிய மஜூம்தாரை கைது செய்ய ஆணையிட்டான்.
விட்டோ நாயக்கிடம் ரசீதும் கொடுத்தான். பண்டரிபுரத்திலிருந்து
வீரர்கள் தாமாஜியை கட்டி
விட்டோ நாயக்கிடம் ரசீதும் கொடுத்தான். பண்டரிபுரத்திலிருந்து
வீரர்கள் தாமாஜியை கட்டி
இழுத்து வந்தனர். சுல்தான் முன்னால் நிறுத்தினர். சுல்தானுக்கு ரொம்ப கோபம் வந்துவிட்டது. அவர்களை திட்டி கட்டுகளை அவிழ்க்க சொன்னான். ஓடி வந்து தாமாஜியை அனைத்துக் கொண்டான். என்னை மன்னித்து விடுங்கள் தாமாஜி. மஜும்தார் பேச்சை கேட்டு உங்களை அவமதித்து விட்டேன். உங்கள் நேர்மை எனக்குத்
தெரிந்தும் இவ்வாறு செய்தது என் தவறு. உங்கள் சேவகன் விட்டோ நாயக்கிடம் பணத்துக்கு ரசீது தந்துவிட்டேன் என்றான் சுல்தான்.
தாமாஜிக்கு தலை சுற்றியது. சேவகனா? விட்டோநாயக்கா? பணமா? நவாப் நான் அரசாங்க பொருள்களை எடுத்து தானம் செய்தது உண்மை. என்னிடம் பணமே இல்லை. எனக்கு யாரும் சேவகன்
தாமாஜிக்கு தலை சுற்றியது. சேவகனா? விட்டோநாயக்கா? பணமா? நவாப் நான் அரசாங்க பொருள்களை எடுத்து தானம் செய்தது உண்மை. என்னிடம் பணமே இல்லை. எனக்கு யாரும் சேவகன்
இல்லை. விட்டோநாயக் என்று யாரையுமே எனக்கு தெரியாது என்றார். என்னய்யா உளறுகிறீர் இதோ பாரும் நீர் கைப்பட எழுதிய கடிதம். இதில் என்னுடைய அரசாங்க முத்திரை குத்தியிருக்கிரீர்களே என்றான் சுல்தான். விட்டலனின் விளையாட்டு தெரிந்தது. என் வாழ்நாளெல்லாம் தேடியும் கிடைக்காத பாக்கியம்
சுல்தானுக்கு எளிதில் கிட்டி இருக்கிறதே. விட்டலனே நேரில் வந்து காட்சியளித்திருக்கிறானே என்று கண்ணீர் பெருக்கெடுத்து பண்டரிபுரம் நோக்கி ஓடிய தாமாஜி பண்டரி புரத்தில் கடைசி மூச்சிருக்கும் வரை விட்டல நாம சந்கீர்த்தனத்திலேயே ஈடுபட்டார்
இராம கிருஷ்ண ஹரி பாண்டு ரங்க ஹரி
இராம கிருஷ்ண ஹரி பாண்டு ரங்க ஹரி
சர்வம் ஶ்ரீ கிருஷ்ணார்ப்பணம்🙏🏻
• • •
Missing some Tweet in this thread? You can try to
force a refresh
