#பூதநாராயணர் திருக்கோவில் #சுருளித்தீர்த்தம்.
தேனியிலிருந்து 48 கி.மீ. தூரத்தில் அமைந்துள்ளது சுருளி தீர்த்தம் என்னும் அழகிய ஊர். அங்கு மகாவிஷ்ணு, பூதநாராயண பெருமாள் எனும் திருநாமம் ஏற்று, கோயில் கொண்டிருக்கிறார். திரேதாயுகத்தில் ராவணனின் தொல்லை பொறுக்க முடியாத தேவர்கள், பின்னர்
தேனியிலிருந்து 48 கி.மீ. தூரத்தில் அமைந்துள்ளது சுருளி தீர்த்தம் என்னும் அழகிய ஊர். அங்கு மகாவிஷ்ணு, பூதநாராயண பெருமாள் எனும் திருநாமம் ஏற்று, கோயில் கொண்டிருக்கிறார். திரேதாயுகத்தில் ராவணனின் தொல்லை பொறுக்க முடியாத தேவர்கள், பின்னர்
சுருளிமலைப் பகுதியில் இருந்த #பண்டாரத்துறை என்னும் இடத்தில் மறைந்திருந்தனர். இதை நாரதரின் மூலமாகத் தெரிந்து கொண்ட ராவணன், நாரதர் சொன்னது உண்மைதானா என்பதை அறிந்து வரும்படி, தன்னிடம் அடிமைப்பட்டு இருந்த சனீஸ்வரரை அனுப்பி வைத்தான். அவரும் வேறு வழி இல்லாமல் சுருளிமலைப் பக்கம்
வருகிறார். உடனே பெருமாள் தன் சக்ராயுதத்தை ஏவி, சனீஸ்வரரை பாதி வழியிலேயே தடுத்து நிறுத்தி விடுகிறார். அப்படி சனீஸ்வரர் பாதி வழியில் தடுத்து நிறுத்தப்பட்ட ஊர்தான் #குச்சனூர். பெருமாளின் சக்ராயுதம் தடுத்துத் தாக்கியதால், குச்சனூர் சனீஸ்வரரின் இடது கரம் சேதம் அடைந்தது. அந்தக்
கோலத்திலேயே சனீஸ்வரர் இங்கே காட்சி தருகிறார். சனீஸ்வரர் தடுத்து நிறுத்தப்பட்ட செய்தி அறிந்த ராவணன், தேவர்களை அழிக்க அசுரப் படைகளை சுருளிமலைக்கு அனுப்பி வைத்தான். தான் அருள் புரியும் இடத்தில் அசுரர்கள் நுழைவதா என்று சினம் கொண்ட பெருமாள், பூத வடிவம் கொண்டு விசுவரூபம் எடுத்து,
அசுரர்களை வதம் செய்தார். மீண்டும் அசுரப் படைகள் தேவர்களை துன்புறுத்தா வண்ணம் காக்க அந்த இடத்திலேயே கோவில் கொணடார்.அன்று முதல் இந்தத் தலத்து இறைவன் #பூதநாராயண_பெருமாள் என்று திருப்பெயர் கொண்டார். பூத வடிவம் கொண்டு ஆக்ரோஷமாய் நின்ற பெருமாளை பிரம்ம தேவனும், சிவபெருமானும் சாந்தப்
படுத்தினர். அதனால் இக்கோவிலில் நம் பெருமான் சாந்த சொரூபமாக காட்சியளிக்கிறார். மனிதர்கள் அடைக்க வேண்டிய மூன்று கடன்களில் ஒன்று #பித்ரு கடன். அதை நிறைவேற்றுவதற்கு காசியை போலவே உகந்த தலமாக இத்தலம் கருதப்படுகிறது. இங்கு சுருளியாறு, அருவியாறு, வெண்ணியாறு என மூன்று ஆறுகள் சங்கமம்
ஆகின்றன. இந்தச் சங்கம தீர்த்தத்தில் நீராடி, பூதநாராயண பெருமாளை வழிபட்டு, அவருக்கு சர்க்கரைப் பொங்கல் நைவேத்தியம் செய்தால், பித்ருக்களின் சாபம் நீங்கி நலம் பெறலாம் என்பது இந்தப் பகுதி மக்களின் நம்பிக்கை. வடக்கே காசி, தெற்கே ராமேஸ்வரம் ஆகிய தலங்களைப் போலவே, மூன்று நதிகளும் ஒன்று
சேரும் இங்குள்ள திரிவேணி சங்கமத்தில் இறந்தவர்களின் அஸ்தியைக் கரைப்பது மிகவும் புண்ணியம் என்று சொல்லப் படுகிறது. மகாத்மா காந்தியின் அஸ்தியில் ஒரு சிறு பகுதி இங்கே கரைக்கப் பட்டதாகச் சொல்கிறார்கள். ஆடி அமாவாசை, புரட்டாசி மஹாளய அமாவாசை, தை அமாவாசை ஆகிய தினங்களில் முன்னோர்களுக்கு
இங்கு வந்து தர்ப்பணம் செய்துவிட்டு, இயன்ற அளவு தானம் செய்தால், இறந்த முன்னோர்களின் பரிபூரண ஆசிகள் கிடைக்கும் என்பது நம்பிக்கை. இங்கு வரும் பக்தர்கள், பெருமாளுக்கு மோட்ச அர்ச்சனை செய்து வழிபட்டால், மறைந்த முன்னோர்கள் மோட்சம் அடைவார்கள் என்ற ஐதீகம் உள்ளது. விரதம் இருந்து சபரி
மலைக்கும் பழநிக்கும் செல்லும் பக்தர்கள், இந்தக் கோயிலுக்கு வந்து மாலை போட்டுக் கொள்கிறார்கள். அப்படிச் செய்வதால் யாத்திரை சுபமாக நிறைவேறுகிறது. இந்தக் கோயிலில் கிழக்கு நோக்கி அருளும் பூதநாராயண பெருமாளுடன், அத்தி மரத்தால் ஆன உக்கிர நரசிம்மர், தட்சிணாமூர்த்தி மற்றும் நவக்கிரக
சந்நிதிகளும் உள்ளன. தினமும் காலை, மாலை என இரண்டு கால பூஜை நடைபெறுகிறது. புரட்டாசி மாதம் முழுவதும் பெருமாளுக்கு லட்சார்ச்சனை, சிறப்பு பூஜைகள் நடைபெறுகின்றன. பித்ரு கடன் தீர்க்கும் பூதநாராயண பெருமாளை வணங்கி, நாமும் சகல செளபாக்கியங்களும் பெறுவோம். தேனியில் இருந்து கம்பம் சென்று,
பின்னர் அங்கிருந்து டவுன் அல்லது ஷேர் ஆட்டோவிலோ சுருளி தீர்த்தத்தை அடையலாம். கோயில் காலை 8 மணி முதல் மாலை 6.00 மணி வரை தொடர்ந்து திறந்திருக்கும்.
#ஓம்_நமோ_நாராயணாநமஹ
சர்வம் ஶ்ரீ கிருஷ்ணார்ப்பணம்🙏🏻
#ஓம்_நமோ_நாராயணாநமஹ
சர்வம் ஶ்ரீ கிருஷ்ணார்ப்பணம்🙏🏻
• • •
Missing some Tweet in this thread? You can try to
force a refresh
