Thread by @anbezhil12

#மார்கழி_ஸ்பெஷல் 16.12.2022 மார்கழி மாத பிறப்பு. மாதங்களில் நான் மார்கழியாக இருக்கிறேன் என பகவான் கிருஷ்ணர் சிறப்பித்துக் கூறியிருக்கிறார். இந்த மாதம் தேவர்களுக்கான அதிகாலை நேரமானதால் மாதம் முழுவதும் இறை வழி பாட்டிற்காக ஒதுக்கப் பட்டுள்ளது. இம்மாதம் தனுர் மாதம் என்றும் அழைக்கப்

படுகிறது. அதிகாலையில் எழுந்து குளிர்ந்த நீரில் குளித்து விட்டு வாசலில் வண்ணக் கோலம் இட்டு இறைவனை வணங்குவது தொன்றுதொட்டு வரும் வழக்கம்.
ஓசோன் படலமானது பூமிக்கு மிக அருகில் இம்மாதத்தில் உள்ளது. எனவே சுத்தமான காற்றை சுவாசித்து உடல்நலனைப் பேணும் பொருட்டு அதிகாலை வழிபாடு இம்மாதத்தில்

மேற்கொள்ளப்படுகிறது. அதிகாலை வழிபாட்டைப் பற்றி மாணிக்கவாசகர் திருவெம்பாவையிலும், ஆண்டாள் நாச்சியார் திருப்பாவையிலும் போற்றியுள்ளனர். மார்கழியில் அதிகாலை வழிபாட்டில் கோவில்களில் வேதங்களுக்குப் பதிலாக திருப்பாவை, திருவெம்பாவை, திருப்பள்ளியெழுச்சி, ஆழ்வார் பாசுரங்கள் பாடப்படுகின்றன.

மார்கழி மிருகசீரிஷ நட்சத்திரத்தில் #மார்க்கண்டேயர் பிறந்தார். எனவே மரணத்தை வெல்லும் மாதம் மார்கழி என மார்க்கண்டேய புராணம் குறிப்பிடுகிறது. ம்ருத்யுஞ்ச ஹோமம் செய்ய இம்மாதம் சிறந்தாகக் கருதப்படுகிறது. இம்மாதத்தில் திருவாதிரை, வைகுண்ட ஏகாதசி, அனுமத் ஜெயந்தி, பாவை நோன்பு,

திருவெம்பாவை நோன்பு, விநாயகர் சஷ்டி விரதம் அனுஷ்டிக்கப் படுகிறது.
#திருவாதிரை திருவாதிரை பண்டிகை மார்கழியில் பௌர்ணமியை ஒட்டிய திருவாதிரை நட்சத்திரத்தில் ஆடலரசன் நடராஜப் பெருமானுக்காகக் கொண்டாடப் படுகிறது. திருவாதிரைக் கொண்டே சிவபெருமானுக்கு ஆதிரையன் என்ற பெயர் வழக்கத்தில் உள்ளது

1500 ஆண்டுகள் பழமையான இவ்விழா பற்றி திருஞானசம்பந்தர், திருநாவுக்கரசர், மாணிக்கவாசகர் தங்களது பாடல்களில் குறிப்பிட்டு உள்ளனர். #ஆருத்ரா_தரிசனம் தமிழ்நாடு, கேரளா, கர்நாடகத்தின் ஒரு சில பகுதிகள், இலங்கையில் உள்ள தமிழ் மக்கள் ஆகியோரால் மிக விமர்சையாகக் கொண்டாடப் படுகிறது.

தமிழ்நாட்டில் திருச்சிற்றம்பலம் என்னும் தில்லை சிதம்பரத்திலும், உத்திரகோச மங்கையிலும் சிறப்பாக வழிபாடு நடக்கிறது. திருவாதிரைக் களியும், ஏழுகறிக் கூட்டும் இறைவனுக்கு படைக்கப் படுகின்றன. திருவாதிரைக்கு ஒருவாய் களி என்பது இவ்விழா பற்றிய பழமொழியாகும்
#வைகுண்ட_ஏகாதசி
வைகுண்ட ஏகாதசி

மார்கழியில் வளர்பிறையில் வரும் நன்னாள். திருமாலை வழிபடும் விரதமுறைகளில் இது மிகச் சிறந்ததாகக் கருதப்படுகிறது.
காயத்ரிக்கு மிஞ்சிய மந்திரம் இல்லை, ஏகாதசிக்கு மிஞ்சிய விரதமும் இல்லை என்பது இவ்விரதம் பற்றிய பழமொழியாகும். எல்லா பெருமாள் கோவில்களிலும் சொர்க்க வாசல் திறப்பு என்பது

முக்கிய நிகழ்சியாகும். அன்று பக்தர்கள் அனைவரும் சொர்க்க வாசல் வழியாக இறைவனை சென்று தரிசிப்பது வழக்கம். வைகுண்ட ஏகாதசி அன்று துளசி நீரினை மட்டும் உட்கொண்டு பகல் மற்றும் இரவு விழித்திருந்து திருமால் பற்றிய பாடல்கள் பாடி விரதமுறை வைகுந்த பதவி என்னும் மோட்சத்தை நல்கும் என்பது ஐதீகம்.

#பாவைநோன்பு
ஆயர்பாடியில் கோபியர்கள் மார்கழி மாதத்தில் அதிகாலையில் ஆற்றிற்கு சென்று நீராடி மண்ணால் செய்த காத்யாயினி தேவியை வழிபட்டு நல்ல கணவன் கிடைக்க வேண்டினர். பெண்கள் கடைப்பிடித்த விரதம் என்பதால் பாவை நோன்பு என்ற பெயர் வந்தது. ஆண்டாள் பாவை நோன்பை மேற்கொண்டே அரங்கனை கணவனாக

அடைந்தாள். பாவை நோன்பின் போது நெய், பால் முதலியவற்றை உண்ணாமலும், கண்ணுக்கு மையிடாமல், தலையில் மலர் சூடாமல் புற அழகில் நாட்டம் செலுத்தாமல் இறைவன் மேல் மட்டும் மனத்தினைச் செலுத்தி பாவை நோன்பினை மேற்கொண்டாள். எனவே கன்னிப் பெண்கள் நல்ல கணவன் கிடைக்க மார்கழி மாதத்தில் அதிகாலையில்

எழுந்து நீராடி கோவிலுக்குச் சென்று ஆண்டாள் எழுதிய திருப்பாவையைப் பாடி வழிபாடு நடத்துகின்றனர். திருமணமான பெண்கள் மகிழ்ச்சியான மணவாழ்வு நீடிக்கவும், குடும்ப நலன் வேண்டியும் இவ்விரத்தினை மேற்கொள்கின்றனர். பாவை நோன்பு 2000 ஆண்டுகள் பழமை வாய்ந்தது.

#திருவெம்பாவைநோன்பு
திருவெம்பாவை

நோன்பு என்பது மார்கழியில் வரும் திருவாதிரைக்கு ஒன்பது நாட்களுக்கு முன்பு கடைப் பிடிக்கப்படுகிறது. அதாவது திருவாதிரையோடு சேர்த்து விரத நாட்கள் மொத்தம் பத்து நாட்கள் ஆகும். இந்நோன்பில் அதிகாலையில் எழுந்து நீராடி சிவகாமியுடன் கூடிய நடராஜரை வழிபடுவர். இவ்விரதத்தின் போது ஒரு வேளை

அவித்த உணவினை மட்டுமே உண்பர். இவ்விரத்தினை பெரும்பாலும் கன்னிப் பெண்கள் கடைப்பிடிப்பர். இவ்விரதத்தின் போது திருவெம்பாவை பாடல்கள் பாடப் படுகின்றன. இவ்வழிபாட்டில் பிட்டு படைக்கப்படுகிறது. இதனால் இவ்வழிபாடு பிட்டு வழிபாடு என அழைக்கப்படுகிறது.

#விநாயகர்_சஷ்டிவிரதம்
இவ்விரதம்

கார்த்திகை மாதம் வளர்பிறை பிரதமை முதல் தொடங்கி மார்கழி வளர் பிறை சஷ்டி வரை மொத்தம் 21 நாட்கள் கடைப்பிடிக்கப்படுகிறது. இவ்விரத முறையில் ஆண்கள் வலக்கையிலும், பெண்கள் இடக்கையிலும் 21 இழைகளாலான காப்பினைக் கட்டிக் கொள்கின்றனர். முதல் 20 நாட்களும் ஒரு வேளை மட்டும் உணவினை உட்கொண்டு,

கடைசி நாள் முழுஉபவாசம் மேற்கொள்கின்றனர். விரதத்தின் நிறைவு நாள்அன்று பலவிதமான உணவுப் பொருட்களை தானமாகக் கொடுப்பர். இவ்விரதத்தின் பலனாக நல்ல வாழ்க்கைத் துணை, நற்புத்திரப் பேறு ஆகியன கிடைக்கும்.

#அனுமத்_ஜெயந்தி
மார்கழி மாதத்தின் மூல நட்சத்திரத்தோடு கூடிய அமாவாசை அன்று அனுமன்

ஜெயந்தி தமிழ்நாட்டில் கொண்டாடப் படுகிறது. அன்று விரதம் மேற்கொண்டு மன உறுதி, ஆற்றல், தைரியம் ஆகியவற்றை அருளுமாறு பிரார்த்தனைசெய்யப் படுகிறது. அனுமனிற்கு சிறப்பு வழிபாடுகள், ஆராதனைகள் அனுமன் சன்னிதி உள்ள கோவில்களிலும் தனி அனுமன் கோவில்களிலும் சிறப்பாக கொண்டாடப் படுகிறது.

மார்கழியை கொண்டாடுவோம். சைவ வைணவ ஒற்றுமைக்கான மாதம் மார்கழி.
சர்வம் ஶ்ரீ கிருஷ்ணார்ப்பணம்🙏🏻