Thread by @anbezhil12

இன்று #ஸ்ரீசேஷாத்ரி_ஸ்வாமிகள் ஆராதனை தினம். ஶ்ரீ சேஷாத்ரி சுவாமிகள் ஒரு பெரிய சித்த புருஷர். அவர் காஞ்சீபுரத்தில் பிறந்தவர். அவருக்கு சிவபெருமானே ஸ்ரீ பாலாஜி ஸ்வாமிகள் என்ற பேரில் நாலு சிஷ்யர்களோடு வந்து தக்ஷிணாமூர்த்தியாக தரிசனம் தந்து சன்யாசம் தந்தார். அவரின் அப்பா அம்மா அவர்

சின்ன வயதில் இருக்கும் போதே காலமாகி விடுகிறார்கள். “அவர் மூக பஞ்சசதியை சொல்லிக் கொண்டு இரவு முழுவதும் காமாக்ஷி கோயிலை ப்ரதக்ஷிணம் செய்வார்”, என்று ஸ்ரீ #மஹாபெரியவா கோவிந்த தாமோதர சுவாமிகளிடம் சொல்லி இருக்கிறார். அப்பேற்பட்ட மகான். அவருக்கு ஞானமும் ஏற்பட்டு விடுகிறது. அவரை அவரின்

சித்தி சித்தப்பா தான் வளர்க்கிறார்கள். ஶ்ரீ பாலாஜி சுவாமிகளிடம் இருந்து சன்யாசம் பெற்ற பிறகு, நான் ஒரு சன்யாசி வீட்டுக்குள் வரமாட்டேன் என்கிறார். அவரோட சித்தி சித்தப்பாவிற்கு, இப்படி இவர் சொல்கிறாரே! நாம் சரியாக கவனிக்காமல் விட்டோமோ என்று கவலை வந்து விடுகிறது. அப்போது ஒரு நாள்,

சேஷாத்ரி சுவாமிகளுடைய அப்பா ஸ்ராத்தம் வருகிறது. அவரோ, எனக்கு ஸ்ராத்தம் எல்லாம் இல்லை. நான் ஒரு சன்யாசி, எனக்கு கர்மாக்கள் எல்லாம் இல்லை என்கிறார். அவரோட சித்தி சித்தப்பாவும் என்னடா இப்படி சொல்கிறாரே என்று அவரை பிடித்து, ஸ்ராத்தம் முடியும் வரை நீ இங்கு தான் இருக்கணும் என்று கூறி

அவரை ஓர் அறையில் அடைத்து வைத்து விடுகிறார்கள். ஸ்ராத்தம் முடிந்து அந்த அறையை திறந்து பார்த்தால் அவரைக் காணவில்லை. அவர் மறைந்து விடுகிறார். அவர் அதோடு திருவண்ணாமலைக்கு போய் விடுகிறார். அப்படி ஒரு மகான்! சித்த புருஷர். அவருடைய லீலைகள் அற்புதம். அவரின் பெருமையை சொல்ல வேண்டும்

என்றால் ஒரே நிகழ்ச்சியில் சொல்லி விடலாம். மஹாபெரியவா காஞ்சிபுரத்தில் அவர் பிறந்த வீட்டை தேடி கண்டு பிடித்து ஒரு பூஜா ஸ்தலமா வைத்திருக்க எற்பாடு செய்திருக்கிறார். அந்தப் பணியை பரணீதரன் என்ற ஒரு எழுத்தாளரிடம் கொடுத்தார். பரணீதரன் அந்த வீட்டை கண்டு பிடித்தவுடன், அந்த வீட்டில் வைக்க

ஸ்ரீ சேஷாத்ரி ஸ்வாமிகள் உட்கார்ந்திருக்கிற மாதிரி ஒரு சித்திரம் வரைய மஹாபெரியவா எற்பாடு செய்ய சொன்னார். அப்போது, ஸ்ரீ சேஷாத்ரி ஸ்வாமிகள் எப்படி யோகாசனத்தில், குக்குடாசனத்தில் உட்கார்ந்திருப்பார் என்று மஹாபெரியவா உட்கார்ந்து காட்டினாராம். அப்போது, “இப்படித்தான் அவர் உட்காந்து

இருப்பார். இதை பார்த்துக்கோ!
அப்புறம் அவருடைய பழைய சித்திரம் எல்லாம் பார்த்துக்கோ! இதை வச்சு அவருடைய படம் வரை” என்று சொன்னார். அப்போ மஹாபெரியவா, “சேஷாத்ரி ஸ்வாமிகள் போல ஆசனத்தில் வேண்ணா நான் உக்காரலாம். ஆனா, அவரைப் போல ஒரு நிலை வர எனக்கு எத்தனை ஜன்மா ஆகுமோ?” என்றாராம். அதைப்

போல #ஸ்ரீரமணரும், ஒரு சோபா போட்டு உட்கார்ந்துக் கொள்ளுங்கள் என்றவுடன், “ஆமா! நான் இருக்கேன். சோபா இருக்கு. உட்கார்ந்துக்க போறேன். தெரியறதே! நான் என்ன சேஷாத்ரி ஸ்வாமிகளா?” என்றாராம். அப்படி எல்லோரும் பிராத்தனை பண்ணக் கூடிய உயர்ந்த ஞான நிலையிலே ஸ்ரீ சேஷாத்ரி ஸ்வாமிகள் இருந்தார்.

மகான்கள் பிறந்த புண்ணிய பூமி நம் பூமி. அவர்களை நித்தமும் வணங்குவோம்.
சர்வம் ஶ்ரீ கிருஷ்ணார்ப்பணம்🙏🏻
Ref: valmikiramarayanam.in