#திருமங்கையாழ்வார் அவரின் திருவவதார நன்னாள் கார்த்திகை மாதம் கார்த்திகை நட்சத்திரம். அன்று ஒரு பௌர்ணமி நன்னாள். அந்த நன்னாளில் ஆழ்வார் அரங்கன் சந்நிதியில் நின்று கொண்டு இருக்கிறார். #ஸ்ரீவைஷ்ணவ பக்தகோடிகள் எழுந்தருள அப்போதுதான் பெருமாளுக்கும் தாயாருக்கும் திருமஞ்சனம் நடந்து 
அவர்கள் குளிர்ந்திருந்த நேரம். தன் திருநட்சத்திரமான அந்நன்னாளில் நம்பெருமாளுக்கு ஏதேனும் பெரிய அளவில் கைங்கர்யம் செய்ய வேண்டும் என்ற உந்துதல் வந்தது ஆழ்வாருக்கு. நாராயணன் அருள் பரிபூர்ணமாகக் கிடைத்தவர் அன்றோ அவர். அதன் மூலம் அயர்வற மதிநலம் படைத்தவர்! கண்கள் மூடி பகவானையே மனதில்
நினைத்து அவர் சந்நிதியில் நின்று கொண்டிருக்கையில் எம்பெருமானைப் புகழ்ந்து அவரிடம் இருந்து பாசுர வரிகள் மடை திறந்த வெள்ளமென கொட்டின. அன்று அந்த பகவத் சந்நிதியில் ஒரு புது பிரபந்தம் உருவாயிற்று. அந்த பாசுர வரிகள் தான் பின்னர் #திருநெடுந்தாண்டகம் என்ற பெயரில் நாலாயிரத்தில் ஒரு
பகுதியானது. எம்பெருமானுக்கு, அந்த நம்பெருமாளுக்கு இசையுடன் அந்த பாசுரங்களை பாடிக் காட்டினார் திருமங்கையாழ்வார். அத்துடன் தமக்கு முந்தைய காலத்தவரான நம்மாழ்வார் அருளிச் செய்திருந்த #திருவாய்மொழி பிரபந்தத்திலிருந்தும் சில பாசுரங்களை இசையோடு பாடிக் காட்டினார் ஆழ்வார். மேலும்
பரவசமடைந்தனர் அங்கு எழுந்தருளியிருந்த திவ்ய தம்பதிகள்.
அதனால் மனம் குளிர்ந்து, உகந்து ஆழ்வாரிடம் ஏதேனும் விருப்பம் இருந்தால் கேட்கச் சொன்னார் நம்பெருமாள். இதற்காகவே காத்திருந்தது போன்று ஆழ்வாரும் நம்பெருமானிடம் இரண்டு விண்ணப்பங்களை வைத்தார்.
1. தன் காலத்திற்கு முன்னே
அதனால் மனம் குளிர்ந்து, உகந்து ஆழ்வாரிடம் ஏதேனும் விருப்பம் இருந்தால் கேட்கச் சொன்னார் நம்பெருமாள். இதற்காகவே காத்திருந்தது போன்று ஆழ்வாரும் நம்பெருமானிடம் இரண்டு விண்ணப்பங்களை வைத்தார்.
1. தன் காலத்திற்கு முன்னே
அவதரித்திருந்த நம்மாழ்வாரின் பெருமைகளையும் அவரது சிறப்புக்களையும் அன்னாரது அருளிச்செயல்களான பிரபந்தங்களையம் கேள்விப் பட்டிருந்த திருமங்கையாழ்வார், #வைகுண்ட_ஏகாதசி, அதாவது, மார்கழி மாதம் சுக்ல பக்ஷம் அன்று எம்பெருமான் அத்யயன உத்ஸவம் கொண்டருளும் போது அதுவரை தனக்கு சேவிக்கப்பட்ட
வேத பாராயணத்துடன், நம்மாழ்வாரின் அருளிச்செயல்களில் முக்கியமானதான திருவாய்மொழியை முழுதுமாக கேட்டு அநுபவிக்க வேண்டும்.
2. அதோடு திருவாய்மொழியை உலகோர் உணரும் வகையில் ஸம்ஸ்க்ருத வேதத்திற்கு இணையான ஒன்று என்று அறிவிக்க வேண்டும் என்பவையாகும்.
எம்பெருமானும் திருவுளம் உகந்து இரண்டு
2. அதோடு திருவாய்மொழியை உலகோர் உணரும் வகையில் ஸம்ஸ்க்ருத வேதத்திற்கு இணையான ஒன்று என்று அறிவிக்க வேண்டும் என்பவையாகும்.
எம்பெருமானும் திருவுளம் உகந்து இரண்டு
விருப்பங்களையும் நிறைவேற்றினார். திருமங்கையாழ்வார் தொடர்ந்து பாடியதால் அவருடைய குரல்வள சிரமத்தைக் கண்ட எம்பெருமான், திருக்கார்த்திகை தீபமன்று தன் திருமேனியில் சார்த்தியது போக உள்ள எண்ணெயை அவருக்கு கொடுக்க வேண்டும் என்று உடனடியாக உத்தரவு பிறப்பித்தார் என்பது அப்போது நடந்த இன்னொரு
உன்னத விசேஷமாகும்.
ஆழ்வார்கள் பக்தியுடன் தமிழையும் வளர்த்தனர் என்பது மறுக்க முடியாத உண்மை. ஆழ்வார்கள் அருளிச்செயல்கள் அனைத்தும் தெவிட்டாத தேனமுதம். இவர்களை தமிழகம் பெற என்ன தவம் செய்ததோ!
ஆழ்வார்கள் திருவடிகளுக்குப் பல்லாண்டு பாடி அமைவோம்.
சர்வம் ஶ்ரீ கிருஷ்ணார்ப்பணம்🙏🏻
ஆழ்வார்கள் பக்தியுடன் தமிழையும் வளர்த்தனர் என்பது மறுக்க முடியாத உண்மை. ஆழ்வார்கள் அருளிச்செயல்கள் அனைத்தும் தெவிட்டாத தேனமுதம். இவர்களை தமிழகம் பெற என்ன தவம் செய்ததோ!
ஆழ்வார்கள் திருவடிகளுக்குப் பல்லாண்டு பாடி அமைவோம்.
சர்வம் ஶ்ரீ கிருஷ்ணார்ப்பணம்🙏🏻
• • •
Missing some Tweet in this thread? You can try to
force a refresh
