Thread by @Gaju3112

#थ्रेड

A Collegium Blunder !

17 जानेवारी रोजी CJI जस्टीस चंद्रचूड यांच्या अध्यक्षतेतील कॉलेजिअम ने मद्रास उच्च न्यायालयात न्यायधीश पदासाठी पाच नावांची शिफारस केली. यातले एक नाव म्हणजे ऍड. LC व्हिक्टोरिया गोवरी.

हे नाव न्यायधीश पदासाठी पुढे केल्यायापासून याबद्दल उलटसुलट चर्चा सुरू होत्या. पत्रकार सौरव दास यांनी article14 साठी लिहिलेल्या रिपोर्ट नंतर गोवरी यांच्या नावाला होत असणारा विरोध तीव्र झाला. ऍड.गोवरी यांच्याबद्दल दोन गंभीर आक्षेप आहेत.

पहिला म्हणजे त्या जाहिरपणे भाजप पक्षाशी संबंधित आहेत. त्यांच्या ट्विटर बायो मधे नॅशनल सेक्रेटरी महिला मोर्चा भाजप या पदावर त्या असल्याचे नमूद केले होते.
दुसरा गंभीर आक्षेप म्हणजे त्या ख्रिश्चन व मुस्लिम समाजाबद्दल पूर्वग्रहदूषित मते बाळगून आहेत.

एका मुलाखतीत त्यांना राष्ट्रीय सुरक्षेस मोठा धोका काय, जिहाद कि ख्रिश्चन मिशनरी असा प्रश्न विचारला असता त्यांनी दिलेले उत्तर हे धक्कादायक म्हणावे असे आहे. (खाली फोटो मधे त्यांनी मुलाखतीत केलेली वक्तव्ये आहेत. )

एक फेब्रुवारी रोजी मद्रास हायकोर्टतील वकिलांच्या एका शिष्टमंडळाने राष्ट्रपती व सरन्यायाधीश तसेच कॉलेजिअम सदस्यांना पत्र लिहून व्हिक्टोरिया गोवरी यांची नियुक्ती केली जाऊ नये अशी विनंती केली.

"न्यापालिकेवर शासनाकडून कठोर टिका होत असताना अश्या प्रकारची नियुक्ती होणे यामुळे न्यायपालिकेचे स्वातंत्र्य धोक्यात येऊ शकते. अश्या परिस्थितीत स्वतःच्याच प्रशासकीय निर्णयामुळे न्यायपालिका कमकुवत होण्यापासून वाचवणे गरजेचे आहे " आहे असे या पत्रात म्हंटले आहे.

आज सकाळी ज्येष्ठ वकील राजू रामचंद्रन यांनी व्हिकटोरिया गोवरी यांच्या नावाची शिफारस करण्याच्या निर्णयाला आव्हान देणारी याचिका चीफ जस्टीस यांच्या समोर मेंशन केली. त्यावर चीफ जस्टसी यांनी यावर शुक्रवारी सुनावणी घेऊ असे सांगितले.

दरम्यान साडेबाराच्या सुमारास कायदेमंत्री किरण रिजिजु यांनी ऍड.व्हिक्टोरिया गोवरी यांच्या नावास केंद्र सरकारने मंजुरी दिली असल्याचे ट्विट केले.
यानंतर दुपारी दोन वाजता रामचंद्रन यांनी पुन्हा हे प्रकरण चीफ जस्टीस यांच्या समोर मांडले.

केंद्र सरकारने नोटिफिकेशन काढले असले तरीही अद्यापही न्यायालय यात हस्तक्षेप करू शकते असे त्यांनी सांगितले.
कॉलेजिअम ने शिफारस केल्यानन्तर ज्या काही घडामोडी घडल्या त्याची कॉलेजिअम जे दखल घेतली असून उद्या या प्रकरणाची सुनावणी करण्यासाठी बेंच गठीत केला जाईल अशी माहिती..

चीफ जस्टीस चंद्रचूड यांनी दिली आहे.

या सगळ्या प्रकरणात कॉलेजिअम ऍड.व्हिक्टोरिया गोवरी यांच्या पार्श्वभूमी बद्दल अनभिज्ञ होते की गाफील राहिले की त्यांच्यापर्यंत याबाबत पूर्ण माहिती पोहोचली नाही की माहिती असून देखील शिफारस केली गेली असे विविध प्रश्न उपस्थित होतात.

या शिफारसी पूर्वी उच्च न्यायालयांसाठी जी शिफारस करण्यात आली होती तो कॉलेजिअम प्रस्ताव हा उमेदवारांबद्दल सविस्तर भाष्य करणारा होता. ऍड.गोवरी यांच्या शिफारस प्रस्तावात मात्र केवळ नावांचा उल्लेख आहे. कॉलेजअम कडून पारदर्शकतेची अपेक्षा असताना असा प्रस्ताव हि घोडचूक आहे.

या प्रकरणात कायदेमंत्री व केंद्र सरकारचा उघड दुटप्पीपणा दिसून आला आहे. कॉलेजिअम कडून चुकीचे नाव प्रस्तावित झाले किंवा एखाद्या नावाबद्दल काही आक्षेप समोर आले तर ते नाव सरळ स्वीकारण्याऐवजी कॉलेजिअम समोर ती माहिती सादर करणे सरकारकडून अपेक्षित असते.

इथे सरकारने गोवरी यांच्या नावाबद्दल गंभीर आक्षेप असताना मौन धारण केले आणि त्यांच्या शिफारसीला न्यायालयात आव्हान देण्याची व कॉलेजिअम कडून पुनर्विचार होण्याची शक्यता बघता तत्काळ नावाला मंजुरी देण्यात आली.

सरकारचा दुटप्पीपणा एवढा कि सत्यन कुमार यांच्या नावाची शिफारस केली तेव्हा सरकारने त्यांनी PM मोदींवर टीका करणारे आर्टिकल शेअर केले म्हणून आक्षेप घेतला होता. इथे उघडपणे भाजपशी संबंधित व्यक्तीची शिफारस केली आहे त्याला मात्र मंजुरी देऊन टाकली आहे.

सरकारच्या न्यायपालिकेच्या सुधारणेच्या गप्पा या केवळ गप्पाच आहेत व सरकारला न्यायपालिकेत भाजपशी संबंधित लोकं घेण्याबाबत कसलीही अडचण नसून केवळ सरकारच्या नितींप्रति विपरीत मत असणाऱ्या नावांबद्दल आक्षेप आहे हे देखील यातून दिसून आले आहे.

ऍड.गोवरी यांची शिफारस कॉलेजिअम ने केली आहे. सरकारने नियुक्तीस मंजुरी देणारे नोटिफिकेशन काढून एकप्रकारे कॉलेजीअमला कॉर्नर केले आहे. हे प्रकरण Fait accompli होते( एखादी गोष्ट घडून गेल्यानंतर दुरुस्ती न करता येणे) कि कोर्ट याबाबत काही वेगळी भूमिका घेते हे उद्या समजेल.

एरवी केंद्र सरकार कॉलेजिअम ने शिफारस केलेल्या नावांवर कित्येक महिने बसून राहिल्याचे अनेक उदाहरणे आहेत.
इथे मात्र आज सकाळी शिफारसीला आव्हान देणारी याचिका दाखल व्हावी आणि दुपारी शिफारस मंजूर केल्याची कायदेमंत्री यांनी माहिती द्यावी हा म्हणजे नैसर्गिक योगायोगच म्हणावा !!

पत्रकार सौरव दास यांचा ऍड. व्हिक्टोरिया गोवरी यांच्या बद्दलचा लेख.

article-14.com/post/-problem-…

@rohanreplies @prathameshpurud @mauliwrites @MarathiDeadpool @Liberal_India1 @Bhagyesh__M @makmd

@ashish_jadhao @WriterDeepak @Marathi_Rash

@Garjana206 @DrVidyaDeshmukh @Mrutyyunjay @marathifeel @SilentEyes0106 @The_realist000 @gopaljikijay @Bold_typee