Thread by @DrNagajothi11

#கீழடி
#thread
மதுரையிலிருந்து சுமார் 13 கிமீ தொலைவில் உள்ள வைகை ஆற்றங்கரையில் உள்ள கீழடி எனும் குக்கிராமத்தில் இந்திய தொல்லியல் துறையின் முதல் இரண்டு கட்ட அகழ்வாராய்ச்சியின் தொல்பொருள் கண்டுபிடிப்புகளின் அடிப்படையில் சங்க காலம் கிமு 800க்கு பின்னோக்கி தள்ளப்பட்டுள்ளது.

(1)

கீழடியைக் கண்டுபிடித்து, 2014 முதல் 2016 வரையிலான முதல் இரண்டு கட்ட அகழ்வாராய்ச்சிகளுக்குத் தலைமை தாங்கிய K. அமர்நாத் ராமகிருஷ்ணா அவர்கள் சமீபத்தில் ஏஎஸ்ஐ இயக்குநர் ஜெனரல் வி. வித்யாவதியிடம் தனது 982 பக்க அறிக்கையைச் சமர்ப்பித்துள்ளார்.

இந்த அறிக்கை 12 அத்தியாயங்களில்

(2)

வரலாற்று பின்னணி மற்றும் அகழ்வாராய்ச்சியின் நோக்கங்களை விளக்குகிறது. முதல் இரண்டு கட்டங்களில் கண்டெடுக்கப்பட்ட பண்பாட்டு எச்சங்களின் அடிப்படையில், சங்க கால தொல்பொருள் தளத்தின் காலம் கிமு 8 ஆம் நூற்றாண்டு முதல் கிபி 3 ஆம் நூற்றாண்டு வரை இருக்கும் என குறிப்பிடப்பட்டுள்ளது.

(3)

சங்க காலம் கிமு 300 முதல் கிபி 300 வரை என நம்பப்படுகிறது. புதிய அறிக்கையின் ஆதாரங்களின் அடிப்படையில் 800 BCE மற்றும் 300 CE இடையே சங்க காலம் குறிப்பிடப்படுகிறது. வரலாற்றின் இந்த காலம் மூன்று காலகட்டங்களாக வகைப்படுத்தப்பட்டுள்ளது.

(4)

கிமு 800 முதல் கிமு 500 வரையிலான ஆரம்பகால வரலாற்றுக் காலம், கிமு 500 முதல் கிமு 1 ஆம் நூற்றாண்டின் இறுதி வரை முதிர்ந்த ஆரம்ப வரலாறு மற்றும் கிமு 1 ஆம் நூற்றாண்டு முதல் கிபி 300 வரையிலான ஆரம்பகால வரலாறு என்று ஆதாரங்கள் தெரிவிக்கின்றன.

(5)

இந்த அறிக்கையின்படி, அப்பகுதியின் வளமான தன்மை மற்றும் கால்நடை வளர்ப்பு அதன் பரிணாம வளர்ச்சியில் ஒரு முக்கிய பங்கைக் கொண்டிருந்தது என புரிந்துகொள்ள முடிகிறது. இது அதிகப்படியான நெல் உற்பத்தி மற்றும் மக்களின் கடல் வணிகத்திற்கு வழி வகுத்தது.

(6)

யு.எஸ்., புளோரிடாவில் உள்ள பீட்டா அனலிட்டிகல் லேப்பில் ஆக்சிலரேட்டர் மாஸ் ஸ்பெக்ட்ரோமெட்ரி (AMS) டேட்டிங் செய்யப்பட்ட 23 மாதிரிகள் பற்றிய ஒரு தனி அத்தியாயம் உள்ளது. இது மற்ற பல்கலைக்கழகங்களின் கண்டுபிடிப்புகள் மற்றும் ஆராய்ச்சிதளத்தில் இருந்து வரும்

(7)

மலர் மற்றும் விலங்கினங்களின் எச்சங்களின் ஆய்வுகள் ஆகியவற்றை உள்ளடக்கியுள்ளது.

முதல் இரண்டு கட்ட அகழ்வாராய்ச்சியின் போது கீழடியில் சுமார் 5,800 தொல்பொருட்கள் கண்டெடுக்கப்பட்டன. பின்னர் திரு. ராமகிருஷ்ணா அவர்கள் இடமாற்றம் செய்யப்பட்டார்.

(8)

பின்னர் மூன்றாவது கட்டத்தில் குறிப்பிடத்தக்க கண்டுபிடிப்புகள் எதுவும் இல்லை என்று கூறி ASI கீழடியில் அகழ்வாராய்ச்சியை நிறுத்தியது. பின் 2017 ஆம் ஆண்டு தமிழ்நாடு மாநில தொல்லியல் துறை மீண்டும் கீழடியில் அகழ்வாராய்ச்சியை துவங்கியது,

(9)

அதில் பண்டைய தமிழர்களின் வளமான நகர்ப்புற வாழ்க்கையை உறுதிப்படுத்தும் விதமாக ஆயிரக்கணக்கில் தொல்பொருள் எச்சங்கள் கிடைத்தன.

2019 ஆம் ஆண்டில், TNSDA, அதன் அறிக்கையில், (நான்காம் கட்ட) அகழ்வாராய்ச்சியின் போது கண்டுபிடிக்கப்பட்ட தொல்பொருட்கள்

(10)

கிமு 6 ஆம் நூற்றாண்டு மற்றும் கிமு 1 ஆம் நூற்றாண்டுக்கு இடைப்பட்ட காலகட்டத்திற்கு உட்பட்டதாக இருக்கலாம் என்று கூறியது. 353 செ.மீ ஆழத்தில் சேகரிக்கப்பட்ட ஆறு மாதிரிகளில் ஒன்று, அமெரிக்காவில் கார்பன் டேட்டிங்கிற்காக அனுப்பப்பட்டது, இது கிமு 580க்கு முந்தையது.

(11)

TNSDA அறிக்கையின் கண்டுபிடிப்புகள் கீழடியில் கண்டுபிடிக்கப்பட்ட கலைப்பொருட்களை முன்பு நம்பியதை விட சுமார் 300 ஆண்டுகளுக்கு முன்பே கொண்டு சென்றுள்ளது, அதாவது கிமு 3 ஆம் நூற்றாண்டு.

(12)

இப்போது வெறும் 2% இடத்தை மட்டுமே ஆய்வு செய்து சமட்பிக்கப்பட்ட ASI அறிக்கை, சங்க காலத்தை மேலும் 800 BCE ஆக உயர்த்தியுள்ளது.

பேய் மழையில் வேரோடு பெயர்ந்து வந்த கருவேல மரத்தின் கீழ் புதைந்து கிடந்த தங்கமகள் கோதையும்,

(13)

நடுகல்லில் வீற்றிருக்கும் அந்துவனும், கடல் கடந்து வணிகம் செய்யப் போன வியாபாரிகளும் நமக்கு சொல்ல காத்திருக்கும் செய்திகள் இன்னும் பல உள்ளன.

அடுத்த கட்ட அகழாய்வில் வெளிவரபோகும் உண்மைகள் என்ன என அறிய காத்திருப்போம்.

நன்றி ❤️