Thread by @mahajournalist

மழை வருது என்று, #நாமக்கல் தங்கம் மருத்துவமனை சுவருக்கு பக்கம் நின்ற மருத்துவர் கலா, சுவர் இடிந்து விழுந்ததில் மரணம் என்ற செய்தியை பார்த்தவர்களுக்கு அம்மருத்துவர் பற்றி முழுமையாக தெரிந்திருக்க வாய்ப்பில்லை. சேவையில் உச்சம் தொட்ட எளிய மருத்துவர் கலா👇👇 #Thread #DrKala #Namakkal

டாக்டர் கலாவும் அவரது காதல் கணவர் டாக்டர் செல்வகுமாரும் 1998 ஆம் ஆண்டு முதல் #HIV -யால் பாதிக்கப்பட்டவர்களுக்கு அறுவை சிகிச்சை & பிற மருத்துவ சேவைகளை அளித்துவந்தனர்.

மகோன்னத சேவைை இது👇
டாக்டர் கலா இதுவரை எச்ஐவி பாதிக்கப்பட்ட 500 மேற்பட்ட கர்ப்பிணி தாய்மார்களுக்கு சிசேரியன் செய்து, தாயையும், சேயையும் ஆரோக்கியமாக வாழ வைத்துள்ளார்.

90-களில் எச்ஐவியால் பாதிக்கப்பட்டவர்களை அரசு மருத்துவமனை / தனியார் மருத்துவமனை ஆகிய இடங்களில் யாரும் பெரிய அக்கரை செலுத்திடவில்லை. அந்த காலகட்டங்களில் மருத்துவர் கலா அவர்களுக்கு சிறப்பான சிகிச்சை அளித்திருக்கிறார்.

இந்திய அளவில் எச்ஐவி தொற்று உள்ளவர்களுக்கு முதன்முதலில் அறுவை சிகிச்சை அளித்தவர் மருத்துவர் கலா.
அது மட்டும் இன்றி அந்த காலகட்டங்களில் நம்பிக்கை மையம், ART மையம் இந்திய அளவில் எதுவுமே இல்லை. ஆனால் மருத்துவர் கலா அவர்களுக்கு எல்லாவுமாக இருந்தார்.

மிக சாதாரணமாக ஸ்கூட்டியில் பயணம். கிடைக்கும் இடத்தில் டீ. மிக எளிமையான ஒரு மருத்துவராக வலம்வந்துள்ளார். பெரிய அளவில் சம்பாதிக்கும் ஆசையும் அவருக்கு இல்லை.

இத்தனை சாதனைகளை செய்தவர் இதுவரை வெளிசொல்லாமல் சேவையாற்றிய மருத்துவர் திடீரென உயிரிழந்துள்ளார். மருத்துவரின் உயிரிழப்பு எச்ஐவியால் பாதிக்கப்பட்டவர்களுக்கு பேரிழப்பு. சென்றுவாருங்கள் அம்மா... கண்ணீர் அஞ்சலி..