Thread by @ThanjaiMadhavan

#தொல்லியல்நூல்

தமிழர் திருமணம் - உலகத் தமிழாராய்ச்சி நிறுவனம் வெளியீடு, 1985

இந்நூல் பத்துப் பிரிவுகளாகப் பகுக்கப்பட்டுள்ளது!

முதல் நிலையில் தமிழர் யார், வாழ்ந்த இடம், பழக்கவழக்கங்கள் ஆகியன குறித்து மிகச் சுருக்கமாகக் கூறப்பட்டுள்ளது!

#பதிவிறக்கம்📥 bit.ly/2LRHMAb

பின்னர் #திருமணம் என்ற சொல்லுக்குப் பல அறிஞர்கள் கூறும் விளக்கங்கள் தரப்பட்டு, அச்சொல்லுக்கு வழங்கும் வேறு பெயர்கள், மணப் பொருத்தம், வயது, திருமணம் நடைபெறுமிடம், காலம், பொழுது என்பவை இலக்கிய ஆதாரங்களுடன் விளக்கப்பட்டுள்ளன!

#தொல்காப்பியம் காட்டும் திருமண முறையில் இயற்கையோடு இயைந்து வாழ்ந்த தமிழர் மேற்கொண்ட களவுமணம், கற்புமணம் விளக்கப்பட்டு, பலர் அறியத் திருமணம் நடைபெற்ற காரணம் என்ன என்பது கூறப்பட்டு, அவற்றுடன் எண்வகை ஆரியமணம் எவை என்பதன் விளக்கமும் இடம்பெற்றுள்ளது!

சங்ககாலத் திருமணம் என்ற தலைப்பில் அக்காலத்தில் வழக்கத்திலிருந்த திருமண வகைகள் எவை எவை என்பது கூறப்பட்டு, அவை ஒவ்வொன்றும் சான்றுடன் விளக்கப்பட்டுள்ளன!

சங்ககாலத்தில் நடைபெற்ற திருமணம் பிறர் கலப்பற்ற தூய தமிழர் திருமணம் என்பதும் விளக்கப்பட்டுள்ளது!

சிலப்பதிகார காலத்தில் பழந்தமிழர் போற்றிய திருமண முறையோடு ஆரியர் மணமுறைகள் ஆதிக்கம் பெறத்தொடங்கின

தமிழர் திருமணம் என்ற அடிப்படையில் நோக்குகையில் சிலப்பதிகார காலத்தில் நாகரிகம் பெற்ற சமூகத்தில் நடைப்பெற்ற மணங்கள் எல்லாம் வேதமுறையை ஒட்டிய வைதிக மணங்களாகவே நடைபெற்றிருத்தல் வேண்டும்

சிலப்பதிகாரத்தில் திருமணவினையில் வருணிக்கப்படும் சடங்குகள் இன்று நடைமுறையிலிருக்கும் திருமணச் சடங்குகளை ஒட்டியே காணப்படுகின்றன!

இரட்டைக் காப்பியங்களுள் ஒன்றான மணிமேகலையில் உறவுமுறைத் திருமணம் பற்றிய குறிப்பே காணப்படுகின்றன!

இதற்கு முக்கிய காரணங்கள் தம்முடைய செல்வம் தங்குடியிலேயே எக்காலத்தும் இருக்க வேண்டும் என்பதும், வருணப் பாகுபாடும், குலப் பாகுபாடும் என்றும் அழியாமல் இருக்க வேண்டும் என்பதுமேயாகும்!

உறவு முறையில் கொள்வதும், கொடுப்பதும் இன்றும் தமிழரிடையே வழக்கிலிருப்பதைக் காணலாம்!

இடைக்காலத் திருமண முறைகள் என்ற பிரிவில் கிபி 6-ஆம் நூற்றாண்டு முதல் கிபி 13-ஆம் நூற்றாண்டு முடிய உள்ள காலப்பகுதியில் தோன்றிய நாயன்மார், ஆழ்வார் பாடல்கள், பெருங்கதை, சூளாமணி, சிந்தாமணி, பெரியபுராணம், கம்பராமாயணம், நளவெண்பா போன்ற சிறந்த இலக்கியங்களின் துணைகொண்டு அவற்றில்... 1/2

இடம்பெற்றுள்ள திருமணம் குறித்த செய்திகள் அவற்றில் கூறப்பட்டுள்ள முறைப்படியே தொகுத்துத் தரப்பட்டுள்ளன!

சங்க காலத்தில் பல்வேறு வகைப்பட்ட திருமணங்கள் காணப்பட்டதைப் போலவே இடைக்காலத்திலும் பலவகையான திருமண முறைகள் காணப்படுகின்றன...! 2/2

இவற்றுள் #சூளாமணி இலக்கியத்தில் வடநாட்டுக்கே உரிய சுயம்வர மணம் முதன்முதலாக இடம்பெற்றுள்ளதைக் காணலாம்!

மேலும் மேற்கூறிய ஒவ்வொரு இலக்கியத்திலும் ஒவ்வொரு புதுப்புது சடங்குகள் இடம் பெறுவதை அறிய முடிகிறது!

பிற்காலத் தமிழர் திருமண முறைகள் என்ற பிரிவில் கிபி 14-ஆம் நூற்றாண்டு முதல் 19-ஆம் நூற்றாண்டு இடைப்பட்ட காலத்தில் எழுந்த வில்லிபாரதம், அரிச்சந்திர புராணம், பேரூர்ப் புராணம், ஆகியவற்றோடு பழமொழி, சுவடி, பாரதிதாசன் கவிதைகள் ஆகியவற்றில் காணப்படும் திருமண முறைகள் தொகுக்கப்பட்டுள்ளன!

இவற்றுள் சுவடியின்றும் எடுக்கப்பட்ட திருமண முறை எனும் பாடற்பகுதி இந்நூலின் பிற்பகுதியில் சேர்க்கப்பட்டுள்ளது!