Thread by @praboo_mass

#ரஜினி
இவரைப் பெரிதாகக் கடிந்து கொள்ள ஏதுமில்லை...
சாதாரண மனிதனின் மனம் எப்படி மாறிக் கொண்டே இருக்குமோ அப்படி மாறிக் கொண்டே இருக்கும் மனம் தான் இவருடையதும். இவர் இதற்குச் சரிப்பட்டு வருவார் என்று நம்பும் மக்களும் சாதாரண மக்கள் தான். அவர்கள் மீதும் குற்றமில்லை. எது தான் குற்றம்?👇

இவர் வந்து எதையாவது மாற்றுவார் என்ற ரசிகர்களின் ஏக்கமும் எதிர்பார்ப்பும் ஒரு புறம், இவர் அரசியலில் வளர்ந்தால் நாமும் வளரலாம் என்ற ஆசை மறு புறம். இதற்குத் தலைவனான ரஜினி எப்பொழுதோ செவி மடுத்திருக்க வேண்டும், அவருக்கும் அந்த ஆசை இல்லாமல் இல்லை, ஆசையோடு தயக்கமும் இருந்தது ரஜினிக்கு👇

ஆன்மிகப் பயணங்கள் வாயிலாகக் கூட தனக்கு இதிலெல்லாம் பற்றில்லை என்று மறைமுகமாகச் சொல்லியும், இவர்கள் ஏங்கியே முதுமையடைந்தனர். ஒரு சிலரே எரிச்சலடைந்து பாதையை மாற்றிக் கொண்டனர் எனினும், பெரும்பாலான ரசிகர்கள் இன்று வரை இவருடைய அரசியல் எழுச்சியைக் காணவே, கனவுகளோடு காத்திருக்கின்றனர்👇

மேற்கூறிய அனைத்தும் ரசிகர்களின் சிறு பிழை, இது இயல்பு தான்.
ரஜினியின் பிழை என்ன!? திரைப்படங்கள் வாயிலாக அவரை கண்மூடித்தனமாக நம்பும் ரசிகர்களின் மனங்களில் அரசியல் ஆசையை மூட்டியதும், அந்த ஆசை நிறைவேற இன்றுவரை காத்திருக்க வைப்பதும் தான்.
இதை யாரும் மறுக்க முடியாது தானே ரசிகர்களே👇

ரஜினியின் மனநிலை எப்பொழுதும் நிலையாக இருந்ததில்லை என்பதற்குப் பல்வேறு சான்றுகள் உள்ளன. துவக்கத்தில் ஃபிலிம் இன்ஸ்டியூட்டில் படிக்கும் போது இலவசமாக தினமும் படம் பார்க்க அனுமதித்த திரையரங்க உரிமையாளர் மீது போதையில் எச்சில் துப்பியது. திருமணத்திற்கு வந்தால் உதைப்பேன் என்றது👇

விமர்சனம் செய்த பத்திரிகையாளர் மீது கார் ஏற்றப் பார்த்தது, போதையில் தகராறு செய்து விமான நிலையக் கண்ணாடிகளை உடைத்தது. இவ்விரு வழக்குகளுக்காகவும் எம்.ஜி.ஆர். ஆட்சிக்காலத்தில் சிறைவாசம் அனுபவித்திருக்கிறார் ரஜினி. பின்னர் இந்த சம்பவங்களுக்கு எல்லாம் வருந்தியும் இருக்கிறார்👇

எனக்கு ரஜினி யாரென்றே தெரியாத வயதிலேயே, ரெங்கா படப்பிடிப்பு சமயத்தில், ரஜினி வீட்டில் இருந்திருக்கிறேன், அவர் திரைத்துறையில் என் மாமாவின் நண்பர் ஆகையால். ரசிகர்கள விட, கொஞ்சம் அதிகமாகவே தெரியும் எனக்கு.
மகள் ஐஸ்வர்யாவுக்கு அவர் சூட்டிய பெயர் மண்டோதரி, பிற்பாடு மாற்றி விட்டார்👇

ரஜினி குறித்துப் பேசினால், எஸ்.பி.முத்துராமன் குறித்தும் பேசாமல் இருக்க முடியாது. ரஜினியின் வெற்றியில் பெரும்பங்கு அவருக்கு உண்டு. ஆனால் ரஜினி பேச மாட்டார், அவர் குறித்து அதிகமாக. நான் பேசித்தான் ஆக வேண்டும், எங்கள் இரு குடும்பத்துக்கும் மூன்று தலைமுறை நட்புறவு உண்டு👇

ரஜினியை முதன்முதலாக நேர்மறைக் கதாப்பாத்திரத்தில் (புவனா ஒரு கேள்விக்குறி) அறிமுகப் படுத்தியவர் எஸ்.பி. முத்துராமன். சூப்பர் ஸ்டார் பட்டம் வேண்டுமானால் தாணு சூட்டியதாக இருக்கலாம், அதுவும் அவர் கதாநாயகனாக நடித்த முதல் (பைரவி) படத்திலேயே சூட்டி விட்டார், அது நிலைபெற்றது யாரால்!?👇

சூப்பர் ஸ்டார் என்பது வியாபார ரீதியாக வெற்றி பெற்ற பின்பு கிடைக்க வேண்டிய பெயர். முன்பே கிடைத்து விட்டதால், கூடுதல் சுமை ரஜினிக்கு, அந்தச் சுமையை இறக்கி வைத்தது, அதிக வெற்றிப் படங்களைக் கொடுத்தது, சூப்பர் ஸ்டார் என்ற பெயரை நிலைநாட்டியது, அதிக படங்கள் இயக்கியது எஸ்.பி.எம்.👇

ஆனாலும் ரஜினி, பாலச்சந்தருக்கு விசுவாசமாக இருப்பார், கலைஞானத்துக்கு உரிய மரியாதை அளிப்பார், மகேந்திரனைக் கொண்டாடுவார். இவ்வளவு புகழுக்கும் காரணமான எஸ்.பி.எம்.மை, அந்த அளவுக்குப் புகழ மாட்டார், நன்றியைக் கூட வெளிப்படையா தெரிவிக்க மாட்டார். ஏன்னா, எஸ்.பி.எம். கோவிச்சுக்க மாட்டார்👇

பாலச்சந்தரப் பேசலன்னா, பார்ப்பனியம் கவிழ்த்தி விடும். கலைஞானத்த மதிக்கலன்னா, அவரே ரகசியங்கள வெளியில உடைச்சு அசிங்கப் படுத்திடுவாரு, கமலை தேவர்மகன் விசயத்தில் செய்தது போல. எஸ்.பி.எம்.முக்காகக் கேட்கவும் யாருமில்லை, எஸ்.பி.எம்.மும் ஏனென்று கேட்கும் ஆளில்லை, அதனால் தான்👇

கமலை வைத்தும் நிறைய வெற்றிப் படங்களைக் கொடுத்திருக்கிறார் எஸ்.பி.எம். சகலகலா வல்லவன், தூங்காதே தம்பி தூங்காதே உட்பட. கமல் எஸ்.பி.எம்.மைக் குறிப்பிடும் அளவுக்குக் கூட, ரஜினியை 25படங்களில் இயக்கிய எஸ்.பி.எம்.மை ரஜினி குறிப்பிடுவதில்லை. ஏன் என்று கவனித்தால் புரியும்👇

எஸ்.பி.எம். தொடர்ந்து வற்புறுத்தி, 8ஆண்டுகளுக்குப் பிறகு ரசிகர்களைச் சந்தித்தார் ரஜினி. அதுவும் சரியாக கலைஞர் மறைந்து ஒரு மாதத்தில்,அது தான் ரஜினியின் அரசியல் கணக்கு. அதுவரையில் இருந்து வந்த தயக்கத்துக்கும் சான்றிது
எஸ்.பி.எம்.மின் வற்புறுத்தலை சூழலுக்குப் பயன்படுத்திக்கிட்டார்👇

அதற்காக ரஜினி ஒரேடியா நன்றி கெட்டவர் என்று சொல்லிவிட மாட்டேன். திடீரென ஒரு நாள் எல்லோரையும் மகிழ்விக்க முடிவெடுத்து, செய்தும் விடுவார். அருணாச்சலம் படத்தின் லாபத்தை, வி.கே.ராமசாமி, பண்டரிபாய், போன்ற நொடித்துப் போன பல கலைஞர்களுக்கு, மொத்தத்தையும் பகிர்ந்து கொடுத்திருக்கிறார்👇

இன்று நடிகை விஜயலட்சுமி வரை உதவுகிறார். கண் தானத்தை ஊக்குவிக்க, அந்தக் காலத்திலேயே கண் தானம் செய்திருக்கிறார். போலியோ ஒழிப்புக்கு இலவசமாக நடித்துக் கொடுத்திருக்கிறார். தேர்ந்தெடுத்து உதவியிருக்கிறார், ஊதாரித்தனமாக இல்லை. அதனால், வருமானம் ஈட்டிய அளவு உதவாதது போல் தோன்றுகிறது👇

உண்மையில் ரஜினி இளகிய மனம் உடையவர் தான், எனினும் ஏமாந்து விடக் கூடாது என்ற நிதானமும் உடையவர். கொஞ்சம் சுயநலம், கொஞ்சம் பொதுநலம் கொண்ட சாதாரண மனித குணமுடையவர்.
எளிதில் உணர்ச்சிவயப்படக் கூடிவயர் ரஜினி, சிந்தைனையில் அவ்வளவு தெளிவு இல்லாது உணர்ச்சிவயப்படுவது அரசியலுக்குச் சரிவராது👇

தூத்துக்குடியில் பயங்கரவாதிகள் புகுந்து குழப்பம் விளைவித்ததாகக் குறிப்பிட்டார், ஆனால் அவர்களைக் குறிப்பிடும் துணிவு ஏன் இவருக்கு வரவில்லை!?
தற்போது கிருஷ்ணன் அர்ஜூனன் கதை சொல்கிறார், பெரும்பாலான தமிழக மக்களின் எண்ணத்துக்கு எதிராக. நேசிக்கப்பட்ட ரஜினி, வெறுக்கப்படக் கூடாது தானே!👇

அதுவுமல்லாது காலமும் கடந்து விட்டது, ஆன்மீக அரசியல் எடுபடாது தமிழகத்தில். அவர் இதுவரை பெற்ற புகழைக் காத்துக் கொள்ள முடியாது போய்விடும். அவருடைய உடல்நலனில் அக்கறை செலுத்தி, இயன்ற வரை அவருக்கு வாழ்வளித்த ரசிகர்களுக்கு இயன்றதைச் செய்து, நிறைவான வாழ்க்கையை இனி வாழ்வதே சிறப்பு👇

இதுவரை தெரிவித்து வந்த கருத்துகளிலேயே மிகவும் அசிங்கப் படுத்தப் பட்டிருக்கிறார் ரஜினி. உண்மையிலேயே ரஜினி மீது மாறாத பற்று உள்ள ரசிகர்கள், ரஜினியின் குணத்துக்கு, அரசியலுக்கு வந்து, அவர் அவமானப் படுவதை விரும்பவே மாட்டார்கள். ரசிகர்களாவது உணர்ச்சிவயப்படாது சிந்திக்க வேண்டும் இதனை🙏