Thread by @praboo_mass

#திராவிடம்

அரசியல் பேசுபவர்கள் பேசாதவர்கள், அரசியல் அறிந்தவர்கள் அறியாதவர்கள், என்று அனைவரும் அறிந்து கொள்ள வேண்டிய தகவல்கள் இவை.
#தயவுசெய்து
#முழுமையாக_படிக்கவும்

தமிழை ஒதுக்குவது அல்ல திராவிடம், மாறாக, தமிழ் மொழியை, தமிழ் மொழியின் அடையாளத்தை, தமிழர்களை வலிமைப்படுத்த👇

ஏற்படுத்தப்பட்ட சொல்லே #திராவிடம்
திராவிடம் என்றால் என்ன?
#ஆரியத்தின்_எதிர்ப்பதம்
ஆரியத்தால் பிரித்தாளப்பட்ட அனைவரையும் ஒன்றிணைக்கும் சொல்

திராவிடத்தின் அவசியம் என்ன?
சமூகத்தில் படர்ந்திருக்கும் இருளை நீக்கி ஒளியேற்றும் தீப்பொறி தான் திராவிடம்

திராவிடத்தின் நோக்கம்?
சமத்துவம்👇

திராவிடத்தின் கொள்கைகள் யாது!?
பிரிவினைக்குக் காரணமான அனைத்தையும் விரட்டியடிக்க, சுயமரியாதை ஓங்க, என்னென்னவெல்லாம் தேவையோ அவையெல்லாம் தான்.

இப்படி ஒற்றை வரிகளிலும் பதில் தரலாம், நூறு புத்தகங்களாகக் கூட வெளியிடலாம். இருப்பினும், இங்கே புரியத்தக்க எளிய விளக்கங்கள் மட்டும்👇

திராவிடம் என்றால் என்ன?
ஆரியத்தின்(பிராமியத்தின்) எதிர்ப்பதம். சூத்திரனல்ல என்பதைச் சொல்லும் சுயமரியாதைச் சொல். அப்படியெனில், ஆரியம் பரவி நிற்கும் அனைத்துப் பகுதிகளிலும் திராவிடமும் விரிந்து பயன்பாட்டில் இருந்திருக்க வேண்டுமே என்ற கேள்வி எழலாம். அது தான் திராவிடத்தின் நோக்கமும்👇

ஆனாலும், அது அக்காலத்திலும் தற்போதைய சூழலிலும் அவ்வளவு எளிதானது அல்ல. ஆரியத்தின் தாக்கம் அவ்வளவு வலிமை பெற்ற பின்னரே நாம் விழித்திருக்கிறோம். இன்னமும் உணராதோர் தான் அதிகம். மொழிகளின் வேர் ஆராய்ச்சிக்குள் நுழைந்தால், தமிழையும் இந்தோ-ஆரிய மொழிகளுக்குள் அடக்கவே முட்படுவர்👇

அது நமக்கு ஏற்புடையதா!?
தமிழ் மொழியின் பெருமையை நம்மைத் தவிர பிற மொழியினர் அறிவரா!? ஏற்பரா!? தமிழ் தான் ஆதி மொழியெனவும், அனைத்து மொழிகளுக்கும் வேர் என்பதை நாம் அறிவோம். #சமசுகிருதம் அழிந்த மொழி, ஆகையால் அதை வேராக ஏற்பதில் பிற மொழியினர்க்கு எந்தத் தயக்கமும் இல்லை.
தமிழ் அப்படியா👇

#தமிழ், அனைத்து தளங்களிலும் பீடு நடை போடும் செம்மொழி, அப்படியிருக்க, பொறாமை தானே ஏற்படும், பிறகெப்படி தமிழ் தான் ஆதி மொழியென ஏற்பர்!?

ஆதி மனிதன் பேசிய மொழியை அடிப்படையாகக் கொண்டு, செம்மைப் படுத்தப்பட்டு, பயன்படுத்தப்படும் மொழி தமிழ். இத்தகைத்த பெருமை வேறு மொழிகளுக்கு இல்லை👇

தமிழின் தாக்கம் அனைத்து மொழிகளில் தெரியலாம், அதன் சிறப்பு எதிலும் இல்லை. தமிழ் பழைமை வாய்ந்த மொழி எனினும், மாற்றங்களைத் தாங்கியும் திடமாக நிற்கும் மொழி. அதனாலேயே வெகு காலத்திற்குப் பின்பே தமிழ் என்று பெயர் பெற்றது. வல்லினம் மெல்லினம் இடையினத்திலிருந்து ஒவ்வொரு எழுத்துக்களைக்👇

கோர்த்தே தமிழ் என்னும் சொல் உருவாக்கப்பட்டது. அது போலவே தமிழிலிருந்து பிரிந்து சென்ற, பிற மொழி மக்களை ஒன்றிணைக்கும்(திரட்டும்) பொருட்டு உருவாக்கப்பட்ட சொல் தான் திராவிடம்.
உடனே, திராவிடம் எனும் சொல் தமிழே கிடையாது என்று ஓடி வரும் பேதைகள் அறியாது, தமிழ் மொழியின் தத்துவத்தை👇

தொல்காப்பிய காலத்திற்குப் பிறகே பல்வேறு மாற்றங்களைத் தாங்கியும் ஓங்கி வளர்ந்திருக்கிறது தமிழ் மொழி. உதாரணமாக, தமிழில் "ச" என்ற சொல்லை முதற் சொல்லாகக் கொண்ட சொற்கள் தொல்காப்பியர் காலத்திற்குப் பின்பு தான் பயன்பாட்டிற்கே வந்தது. இதையெல்லாம் கருத்தில் கொண்டு தான் தொல்காப்பியரே👇

"கடிசொல் அல்ல காலத்துப் படினே" என்கிறார். பழையன கழிதலும் புதியன புகுதலும் என்று நன்னூலும் கூறுகின்றது.
சரி, திராவிடம் அனைத்து தென்னிந்திய மொழிகளுக்கும் பொதுவான சொல் என்றால், தமிழ் தவிர்த்த பிற மொழியினர் ஏன் தாங்கிப் பிடிக்கவில்லை என்பது இவர்களின் மற்றொரு (பிடி)வாதம். 👇

தமிழ் தானே தென்னிந்திய மொழிகளின் வேர்!? பிறகு, இந்த (திராவிடம்)மரத்தை வேர் தானே தாங்கிப் பிடித்திட வேண்டும். மாறாக கிளைகளும் இலைகளும் தாங்கிப் பிடிக்கவில்லை என்று வருந்துவானேன்!? தமிழ் அடையாளம் என்றால், திராவிடம் அடைக்கலம். சூத்திரப் பட்டத்தை ஒழிக்க வந்த ஆயுதம் திராவிடம்👇

திராவிடத்தின் அவசியம் என்ன!?
கல்வி மறுப்பு, தீண்டாமை, அடக்குமுறை, ஆலய நுழைவு உள்ளிட்ட உரிமைகள் மறுப்பு, வகுப்புவாதம், இவைகள் அனைத்தும் சமூகத்தில் படர்ந்திருக்கும் இருள் தானே!?
இதை இந்த மண்ணில் துடைத்து இருள் நீக்கி ஒளி கூட்டியது திராவிடம் தானே!!!
அது தான் திராவிடத்தின் அவசியம்👇

திராவிடத்தின் நோக்கம் என்ன!?
ஏற்றத்தாழ்வுகளைக் களைந்து, அனைவரும் சமமாக நடத்தப்பட வேண்டும் என்ற இடதுசாரிக் கொள்கை தான் எனினும், இந்த சமத்துவம் சற்றே மாறுபட்ட கருத்துக்களை தன்னகத்தே கொண்டுள்ளது.
எப்படி!?
இங்கே நமது விரல்களை வைத்தே நமது கண்களைக் குத்தும் பிரித்தாளும் சூழ்ச்சியைக்👇

கையாண்டு வருகிறது பார்ப்பனியம், ஆண்டாண்டு காலமாக. மனிதத்துக்கு எதிரான பிரிவினைவாதம், இங்கே பல வடிவங்களில் உலா வருகின்றன. மதத்தால், சாதியால், இனத்தால், மொழியால், நிறத்தால் என்று. இவை அனைத்திற்கும் ஊற்றுக்கண்ணாய் இடம்பெற்றிருப்பது இறைவன் என்பதும், இதை மையமாக்கி பார்ப்பனியம்👇

அரசியல் செய்ததென்பதும் தான், உலக அரசியலில் இருந்தும், இடதுசாரி கொள்கைகளிலில் இருந்தும் வேறுபடுத்திக் காட்டுகிறது திராவிடத்தை.
எந்த வகையான தர்ம நியாயமற்றதற்குப் பெயர் சனாதன தர்மம், நம்மை ஏய்க்க இப்படித் தான் பெயரில் மட்டும் கம்யூனிசம் சோசியலிசம் தாங்கி நிற்கின்றன சில பார்ப்பனிய👇

முதலாளித்துவக் கட்சிகள். புது வகையான தாக்குதலை எதிர்கொள்ள புது வகையாக வடிவமைக்கப்பட்ட கொள்கை தான் திராவிடம். இதுவே திராவிடத்தின் நோக்கம்.
இதன் நோக்கம் எளிமைப்படுத்தப்பட்ட ஒன்று, பிரிவினைவாதத்திற்குக் காரணமான பார்ப்பனியத்தையும், ஊற்றுக்கண்ணான கடவுளையும் ஒழித்துக் கட்டினாலே👇

விடியல் பிறக்கும் என்று உணர்ந்து, அந்த வழியைக் காட்டிச் சென்றார் பெரியார்.
நோக்கம் சமத்துவம், அதற்கு இடையூறாக நிற்கும் மூடப் பழக்கவழக்கங்களையும், அதனைத் திணித்த பார்ப்பனியத்தையும் உடைத்தெறிந்து, விரட்டியடிப்பதுமே ஆகும்.

திராவிடத்தின் கொள்கைகள் யாது?
நீ நான் என்றில்லாது நாமாக👇

ஒன்றுபடுவோம். மனிதர்களுக்குள் ஏற்றத்தாழ்வுகள் கூடாது, இதற்கு இடையூறாக நிற்கும் அனைத்தும்/அனைவரும் தான் நம் எதிரிகள்.
இந்த சமத்துவ சமநிலையை எட்டவே இடஒதுக்கீடு, பல நூற்றாண்டுகளாக உரிமைகளை இழந்து நின்றவர்களுக்கு, அனைத்திலும் முன்னுரிமை அளித்து, சமநிலை உருவாக்குவதே கொள்கை.👇

சுயமரியாதை:
இது ஏதோ ஜெயலலிதா கடைப்பிடித்த காலில் விழும் கலாச்சாரம் அல்ல. அது சுயமரியாதைக்கு நேரெதிர், அதிமுகவிற்கு திராவிடம் என்ற சொல்லைத் தாங்கி நிற்கும் அருகதை இல்லை.
உண்மையில் எந்தப் பயனுக்காகவும் தன் சுயமரியாதையை விட்டுக் கொடுக்காத, பிறர் சுயமரியாதைக்கும் இழுக்கு ஏற்படாது👇

அனைவரும் சமம் என்ற கொள்கையே சுயமரியாதை. அதற்காக, இந்த வேற்றுமையற்ற சுயமரியாதை உணர்வை வெளிப்படுத்த, நம்மால் பயன்படுத்தப்படும் சொல் தான் #தோழர்
பகுத்தறியும் ஆற்றல் இல்லாது ஆயிரம் நூல் படித்தும் பயனில்லை.
திராவிடத்தால் எழுவோம்
தமிழால் வெல்வோம்
ஒன்றுபடுவோம்
ம.சோமசுந்தர பிரபு.