Thread by @drtvasudevan

#முகமூடி -5
இந்த சின்ன விஷயங்கள் அதிகமா போனாலோ இல்லை பெரிய விஷயங்கள் அடக்கப்பட்டாலோ அது நம் உடலை பாதிக்கும். ஆபீஸில் நாள் முழுதும் பிரச்சினை பிரச்சினை .... முகமூடியை கழட்டவே நேரமிருப்பதில்லை. ஒரு வழியாக வீட்டுக்கு வந்து முகமூடியை கழற்றி போட்டுவிடுகிறோம். அதனாலதான் 1/10

ஆபீஸிலேந்து வீட்டுக்கு வந்ததும் எரிந்து விழுகிறோம். தெருவில் கண் மண் தெரியாமல் சைக்கிள் ஓட்டி வந்து நம் மீது மோதின ஆசாமி "சாரி" சொன்னால் அவரை பாத்து "பரவாயில்லை" என்கிறோம். வீட்டில் மூணு சக்கர சைக்கிளை நம் மீது மோதப்பார்த்த குழந்தையை திட்டுகிறோம். சினிமா தியேட்டரில் வழியை 2/10

மறித்து நிற்கும் முன் பின் தெரியாத ஆசாமியை " ப்ளீஸ், கொஞ்சம் நகர்ந்துக்கிறீங்களா" என்கிறோம். வீட்டில் அஜாக்கிரதையாக வழியில் நின்று கொண்டு நம்மை பார்த்த உடனே நகராத மனைவியை "என்ன இது எருமை மாடாட்டம் வழில!” என்று திட்டுகிறோம். இது ஏன் என்று பலருக்கு புரிவதில்லை.
3/10

பெரும்பாலும் வீட்டிலேதான் முகமூடியை கழட்டிட்டு அப்பாடான்னு இருக்க முடியும். அதனால்தான் வீட்டில் உள்ளவங்க பாதிக்கப்படுறாங்க.
எப்போதுமே முகமூடி போட்டிருப்பவர் எல்லாரிடமும் நல்ல பேர் வாங்கினாலும் அவர் உடல் நலம் பாதிக்கப்படுகிறது...
உணர்ச்சிகளுக்கு ஒரு வடிகால் வேண்டி இருக்கிறது. 4/10

வெளியே காட்டிவிடுவது ஒரு வகை. உள்ளே போட்டு பூட்டுவது ஒரு வகை. பூட்டி வைத்து அப்புறம் அதை வெளியே விட்டால் பரவாயில்லை. அப்படி இல்லாமல் உள்ளே பூட்டிக்கொண்டே இருந்தா பாரம் அதிகமாகத்தான் ஆகும். ஏதோ ஒரு நாள் வெளியே வெடிக்கும். அல்லது உயர் ரத்த அழுத்தம் சர்க்கரை வியாதி போல ஏதேனும் 5/10

ஒரு ரூபமெடுக்கும்.
அட பின்னே என்னதான் சார் செய்யனும்? ன்னு கேக்கறீங்க.

ஒரு பாலன்ஸ் வேணும். ஒரு நாளிலே அதிக நேரம் முகமூடியோட இருக்கக்கூடாது.
முகமூடியோட தேவையை குறைத்துக்கொள்ளலாம்.
உணர்ச்சிவசப்பட்டாத்தானே முகமூடி வேணும்? உணர்ச்சிகளை தாராளமா வெளியே காட்டிட்டால் அது தேவையில்லை. 6/10

ஆனா அப்படிப்பட்ட வாய்ப்பு இருக்கணுமே!
சிலர் உணர்ச்சி வசப்படுகிறார்கள். கத்து கத்து என்று கத்திவிடுவார்கள்.
அப்புறம் "ரொம்ப திட்டிட்டேனா?” ன்னு சொல்லி ஏதேனும் சமாதானப் படுத்திவிடுவார்கள். இப்படி உணர்ச்சி வசப்படும்போது அதில் ஒரு நியாயம் இருந்தால்தான் அது வொர்க்அவுட் ஆகும். கூட 7/10

இருக்கும் விஷயம் புரிந்தவர்கள் இதற்கு பழகிவிடுவார்கள். ஆசாமி கத்தும்போது பேசாமல் இருந்துவிட்டு அப்புறம் அதையே அவர் பலவீனமாக ஆக்கி வேலையை சாதித்துக்கொள்வார்கள். இருந்தாலும் அந்த சிலர் பல வியாதிகளில் இருந்து தப்பித்துக் கொள்கிறார்கள்.
8/10

சிலர் உணர்ச்சிகளுக்கு ஒரு வடிகால் தேடிக்கொடுத்துடுவாங்க. ஒத்தர் கோபம் அதிகமாகும்போது தோட்டத்துக்கு போய் விறகு வெட்டுவாராம். விறகுக்கு விறகாச்சு. கோபமும் தணிஞ்சுடும். சிலர் தன் எண்ணங்களை அப்படியே காதிதத்தில் எழுதி அப்புறம் சுக்கு நூறா கிழிச்சு போடுவாங்க. 9/10

(எழுதினது யார் கையிலாவது மாட்டாம இருக்கணும்.) இப்படி பல உத்திகள். இது எழுகிற உணர்ச்சிகளை அடக்கி வெச்சு அப்புறம் வெளியிடுகிற சமாசாரம். 10/10