Thread by @erode_kathir

"10-ம் வகுப்பு பொதுத்தேர்வை ரத்து செய்வது குறித்து மாண்புமிகு முதல்வர் அவர்கள் தான் முடிவு மேற்கொள்ள வேண்டும்" என்று தமிழக கல்வி அமைச்சர் கே.ஏ.செங்கோட்டையன் ட்விட்டரில் தகவல் பகிர்ந்துள்ளார்.

முதற்கண் அதை அவர் வெளிப்படையாகத் தெரிவித்துள்ளதை வரவேற்கிறேன்.

என்னைப் பொறுத்தவரையில்...
தேர்வை ரத்து செய்வதுதான் சரியான தீர்வாக இருக்கும். உடனே, “அப்படியெல்லாம் கேன்சல் செய்தால் என்னென்ன பிரச்சனை வரும் தெரியுமா!?” என்று குரல்கள் எழலாம்.

என்னவெல்லாம் பிரச்சனைகள் எழுந்தாலும், அவற்றிற்கு சரியானதொரு வழிமுறையைக் கண்டுபிடிப்பது பள்ளிக் கல்வி துறையின் கடமை.

10ம் வகுப்பு பிள்ளைகள் அனைவரும், அவர்களின் தேர்வுக்கு இரண்டு நாட்கள் முன்பு வரை படித்துக் கொண்டும், விதவிதமான தேர்வுகளை எழுதிக் கொண்டும்தான் இருந்துள்ளனர்.

இந்த 15 நாட்களும்கூட இத்தனை களேபரங்களுக்கும் இடையில் படித்துக் கொண்டுதான் இருந்திருப்பார்கள். அதுதான் மிகப் பெரிய வதையாக இருந்திருக்கும்.

ஊரடங்கை எப்போது தளர்த்தப்போகிறோம், தனிமைப்படுத்தப்படும் பகுதிகள் எப்போது கட்டுப்பாடுகள் தளர்த்தப்படும்

என்று பல தெளிவின்மைகள் இருக்கும் சூழலில் தொடர்ந்து அவர்களை தேர்வு குறித்த அழுத்தத்தில் வைத்திருப்பது நல்லதாகப்படவில்லை.

10ம் வகுப்பு மதிப்பெண் என்பது தேர்வில் வெற்றி / தோல்வியைத் தீர்மானிக்கவும், 11ம் வகுப்பில் என்ன பிரிவு தேர்ந்தெடுப்பது அல்லது

பாலிடெக்னிக் உள்ளிட்ட படிப்புகளுக்குச் செல்வதாக என்பதைத் தீர்மானிக்கவும் இருப்பதால், தேர்வை ரத்து செய்வது கடினமான முடிவாகவே இருந்தாலும், தேவையான முடிவு என்றே நான் கருதுகிறேன்.

மீண்டும் சொல்கிறேன், தேர்வு ரத்து செய்யப்பட்டால், அவர்களை அடுத்த நிலைக்கு நகர்த்த

என்னவெல்லாம் அளவுகோல் வைக்கலாம் என்பதை பள்ளிக் கல்வி துறை அலசி ஆராய்ந்து முடிவெடுக்கலாம். முடியவே முடியாது என்றில்லை.

என்னவாகினும் முடிவை சீக்கிரம் அறிவிப்பது, பிள்ளைகளை தொடர் மன அழுத்தத்தில் இருந்து விடுவிக்க உதவும்.

பல்வேறு துறைகளில் பல்வேறு அதிரடி முடிவுகள் மற்றும் சமசரங்களை நாம் எடுக்கத்தான் போகிறோம். அதில் இதுவும் ஒன்றாக இருந்துவிட்டுப் போகட்டுமே!

- ஈரோடு கதிர்

#Corona #TNGovt #TamilNadu #Class10Exam #TNEducation #PublicExam

@CMOTamilNadu @KASengottaiyan