Thread by @The_Lion_10_

।। छ्त्रपती श्री संभाजी महाराज जयंती ।।

#Swarajyaveer_Sambhajiraje

पुरंदर किल्ल्यावर पुजाऱ्यांनी भल्या पहाटे पुजा बांधलेल्या, केदारेश्वराच्या राउळातील दगडी, वातीवरच्या ज्योती जागवू लागल्या व राउळाचा गाभारा उजळून गेला.

१/६

पुरंदरच्या बालेकिल्ल्यातील दरुणीमहालातील बाळंतिणीच्या दालनाचा दरवाजा अजून बंदच होता.
त्या मिटल्या दरवाजासमोर अस्वस्थपणे, चिंताग्रस्त, जडावल्या, येरझारा घेत स्वत:च्या उतावळ्या मनाने दालनाचा दरवाजा उघडला आहे अशी कल्पना करून शांत नजर देत आणि..

२/६

हताश होऊन ती नजर पुन्हा जोडून कुणाला ऐकायला जाणार नाही अशा बेताने स्वत:शीच आई जगदंबे , आई जगदंबे असे पुटपुटणे चालू ठेवले..
त्या होत्या जिजाऊ माँसाहेब!
आबासाहेब शहाजीराजे भोसले यांच्या राणीसरकार !
आणि श्रीमान शिवाजीराजे भोसले यांच्या मातोश्री आऊसाहेब !

३/६

उत्तर रात्रीपासून माँसाहेब त्या मिटल्या दरवाजासमोर अशाच ये-जा करीत होत्या.
एकाएकी दालनाचा दरवाजा कुरकुरला, आऊसाहेब बिगी-बिगी दरवाजाच्या रोखाने पुढे सरसावल्या.
अनेक सवाल डोळ्यांत खडे ठाकले दरवाजा पुरता उघडला गेला. मागून बसके राजस रडणे धावणी घेत कानी आले.

४/६

उघडल्या दरवाजात मध्यम वयाची कसबी सुईणबाई कमरेत वाकून उभ्या होत्या आणि त्या बोलल्या, " झडू द्या तोफांची नवबत, बाळकिसन आलं.. बाळकिसन..."
बुरजांवरच्या तोफांना बत्ती दिली गेली,
नगारखान्यातील चौघड्याने आणि पिपाणीच्या सुरावटीनी पुरंदरचे अठरा कारखाने जागविले.

५/६

धाकलं धनी आलं म्हणताच गडावर जगदंबेचा उदो उदो झाला!

#धर्मवीर
#द्वितीय_छ्त्रपती
#हिंदू_धर्मरक्षक
#ज्ञानगोविंद
#शंभुराजे
#संभाजीराजे

६/६