Thread by @anbezhil12

இன்று #குருபூர்ணிமா #GuruPoornima
நம் இந்து மதம் இருளில் இருந்து ஒளிக்கு வழிகாட்டும் குருக்களுக்கு மிகுந்த முக்கியத்துவமும் மரியாதையும் அளிக்கின்றது.
1. ஆதிகுரு தக்ஷிணாமூர்த்தி. இவர் பேசாமலேயே ஞானம் புகட்டியவர். "மவுனமா உரையாற்காட்டும் மாபிரம வஸ்து வாலன்."
2. ஸதாஶிவ ஸமாரம்பாம்

ஶங்கராசார்ய மத்யமாம் அஸ்மத் ஆசார்ய பர்யந்தம் வந்தே குரு பரம்பராம்
3. வஸுதேவ சுதம் தேவம் கம்ஸ சாணூர மர்தனம் தேவகீ பரமானந்தம் க்ருஷ்ணம் வந்தே ஜகத்குரும்.
4. ஸ்ரீ தத்தாத்ரேயர் பாகவதத்தில் 24 குருமார்களைப் பற்றிச் சொன்னார். அதில் பறவைகள் மிருகங்கள் எல்லாம் குருவாக வருகின்றன. நம்

தெய்வங்களான கிருஷ்ணனும் ராமனும் ஐயப்பனும் “குரு”க்கள்தான். ஐயப்பப ஸ்வாமி காண்பிப்பது சின் முத்திரையை. அதனால்தான் அவரை “குரு ஸ்வாமி” என்று கூறுகிறோம். இவர்களை நாம் குருவாக பார்ப்பதற்கு பதிலாக சரீரம் உள்ள தெய்வங்களாக பார்க்கிறோம். ஸ்ரீமத் பாகவதத்தில் ஸ்ரீசுகர் கலியுகத்தைப் பற்றி

வர்ணிக்கும் போது 12ம் ஸ்கந்தத்தில் 2ம் அத்தியாயத்தில் 17வது ஸ்லோகத்தில் “சராசரகுரோவிஷ்ணு… என்று கூறுவார். அதாவது ஸ்ரீவிஷ்ணுவை இந்த சராசர பிரபஞ்சத்தை படைத்த “குரு”என்று குறிப்பிடுகிறார். நம்முடைய பகவான் அவதாரங்கள் எல்லாம் குருக்கன்மார்கள் தான். பகவானின் அவதாரங்களுக்குக் காரணம்

ஒவ்வொரு மனிதனின் மனதிலும் உள்ள அக்ஞானமாகிய அந்தகாரத்தை நீக்குவதற்குத் தான். ஸ்ரீமத் பாகவதத்தில் எப்போதெல்லாம் அவதாரங்களைக் குறித்து குறிப்பிடப்பட்டுள்ளதோ அப்போதெல்லாம் “குரு“ என்ற பதத்தை வியாஸ பகவான் உபயோகித்துள்ளார். “குரு” நம்முடைய அக்ஞானத்தைப் போக்கி நமக்கு ஆத்ம ஞானத்தை

உபதேசிக்கிறார். அதேபோல் கடவுளும் நம்முடைய கஷ்டத்தைப் போக்குகிறார். ஆகையால் கோயிலுக்குப் போனால் கடவுளை ஒரு தெய்வமாக பார்க்காமல் நம்முடைய “குரு”வாகத்தான் பார்க்கவேண்டும். “மனுஷ்ய குருவானவர் மஹாமந்திரத்தை உனது காதில் மட்டும் உபதேசிக்கிறார். தெய்வகுருவோ ஆத்மாவுக்குள் சைதன்யத்தைச்

செலுத்துகிறார்” என்கிறார் ஸ்ரீராமகிருஷ்ண பரமஹம்ஸர். விசிஷ்டாத்வைதத்தில் ஆச்சாரியனே முதல். நாராயணனே இரண்டாம்பட்சம் தான். திருபுராதேவியார் என்பவர் ஸ்ரீ ராமானுஜரின் சிஷ்யை, ஸ்ரீ வைஷ்ணவர்கள் ஸ்ரீமந் நாராயணனை மட்டும் வணங்குவதேன் எல்லா சாஸ்திரங்களும் அவனே பரதெய்வம் என சொல்லுவதாலா? என

ஒருவர் கேட்க, அந்த பெண்மணி, “அப்படியில்லை, எங்கள் ஆசார்யர் ஸ்ரீ ராமானுஜருக்கு உகப்பான பொருளே என்னாளும் எங்களுக்கு பின்பற்றத்தக்கது” என பதிலுரைத்தாராம். சமீபமாக திருநாடு அலங்கரித்த அஹோபிலமட 45வது அழகிய சிங்கரிடம், அன்பர் ஒருவர் இதே கேள்வியை கேட்டபோது, எங்கள் ஸ்ரீ ராமானுஜர்

திருமாலை தவிர வேறு தெய்வத்தினை வணங்காதாதால் நாங்களும் சேவிப்பதில்லை என பதிலளித்தார். திருபுராதேவியார் இட்ட பதில் இன்று வரை அப்படியே இருப்பதற்கு காரணம் ஸ்ரீ ராமானுஜர் மீது கொண்ட ஆச்சார்ய பக்தி என்பதைத் தவிர வேறு பதிலில்லை. கவிஞர் வாலி ஒருமுறை வைஷ்ணவத்தினை பற்றி எழுதியது

“ஆச்சார்யன் உச்சபட்சம் ஆண்டவன் அடுத்த பட்சம்”. ஸ்ரீ ராமானுஜரின் மடத்துக்கு தயிர் கொண்டு வந்த பெண்மணி தயிருக்கு காசு தர வேண்டாம் எனக்கு நற்கதி (மோட்சம்) தருமாறு திருவேங்கடமுடையானுக்கு ஒரு தேவரீர் கையொப்பமிட்டு ஒரு ஓலை தரவேண்டும் என பிரார்திக்க ஸ்ரீ ராமாநுஜர் அவள் நம்பிக்கையை

வைத்து ஓலை நறுக்கொன்று எழுதி தமிழில் கையெழுத்து இட்டுதந்தாராம். குரு என்ன செய்கிறார்? தீக்ஷை தருவது, மந்திர உபதேசம் செய்வது, வித்தை கற்றுத் தருவது முதலிய பல குருமார்களை நாம் கேள்விப்பட்டிருக்கிறோம். உண்மையான குருவின் உண்மையான செயல் இதுவல்ல. நமது ஜீவன் கடைத்தேற என்ன வழி அவசியமோ

அதைக் காட்டித்தருவதுடன், அதற்கான சாதனையை நாம் மேற்கொள்ள நம்மைத்தூண்டும் சக்தியையும் நமக்குத் தருபவரே குரு. அத்தகைய குரு நமது பாவங்களையும் ஏற்றுத் துடைத்துவிடுகிறார் . அதனால் தான் ஸ்ரீ ராமக்ருஷ்ணர், ஸ்ரீ ரமண பகவான் போன்ற ஞானிகளும் மெய்வருந்தினார்கள். #சனாதனதர்மம்

Cc @tskrishnan @rvaidya2000 Pranaams to both of you for educating us here🙏🏻

Cc @saulabya @Ganesh_Sabari

Cc @venmani_kumar