Thread by @SanketRPhadke

छत्रपती श्रीशिवाजी महाराजांच्या पराक्रमाची साक्ष देणारे अनेक गडकिल्ले शेकडो वर्षांनीसुद्धा ताठ मानेने अभेद्यपणे उभे आहेत.
शिवरायांनी गडकिल्ले तुम्हाला सिगरेट ओढायला जिंकले का?गड-किल्ल्यांच्या बाबतीत नेहमी एक गोष्ट समोर येते,ती म्हणजे गड- किल्ल्यांवर होणारा व्यसनी लोकांचा धिंगाणा

वाढती व्यसनाधीनता आणि सामाजिक बेजबाबदारपणा यामुळे अनेक गडकिल्ले असुरक्षिततेच्या जाळ्यात अडकले आहेत. कधी दारूचे अड्डे तर कधी गर्दुल्यांचे अड्डे तर कधी सिगरेट, हुक्का पिणे.गड-किल्ले हा केवळ सामाजिक किंवा सांस्कृतिक विषय नाहीये.

तर शिवरायांच्या, शंभूराजेंच्या,मावळ्यांच्या, आणि हिंदवी स्वराज्यासाठी रक्त सांडलेल्यांचे प्रतिक आहे.राज्‍याच्या सुवर्ण इतिहासाचे साक्षीदार आहेत.नरवीर तानाजी मालुसरे, बाजीप्रभू देशपांडे, मुरारबाजी,शिवा काशीद अश्या असंख्य मावळ्यांच्या साथीने शिवरायांनी ३५० हुन अधिक गडकिल्ले जिंकले

स्वराज्य म्हणजे सुखी रयत, स्वराज्य म्हणजे देव-देश-धर्म आणि हे स्वराज्य अबाधित राखायचे काम केले ते गडकिल्ल्यांनी.
शिवरायांच्या यशात एक एक किल्ल्याचा मोलाचा वाटा आहे.परंतु आजची गड-किल्ल्यांची सद्यपरिस्थिती जर शिवरायांनी पाहिली तर त्यांचे डोळे पानवतील आणि ते नक्कीच म्हणतील..

माझ्या मावळ्यांचे रक्त वाया गेले.गडकिल्‍ल्‍यांवर गेल्‍या काही काळात दारूपार्ट्या करून धिंगाणा घालण्याचे प्रकार उघडकीस आले आहेत.त्‍यांनाआळा घालण्यासाठी आता गडकिल्‍ल्‍यांवरदारू पिऊन गैरवर्तन करणाऱ्यांना सहा महिन्यांचा सश्रम तुरुंगवास तसेच १० हजार रुपयांपर्यंतचा दंड करण्यात आला आहे

मात्र आता तरुणाईमध्ये वाढलेला चंगळवाद, मादक पदार्थांच्या सेवनाची विकृत संस्कृती समाजाला घातक ठरत आहे.पर्यटनस्थळांवर आढळणाऱ्या दारूच्या बाटल्यांचा खच, प्लास्टिकचे ग्लास, बाटल्या यांचे ढीग यामुळे ऐतिहासिक वारसा आणि वास्तूंचे विद्रुपीकरण होऊ लागले आहे.

या क्लेशदायक प्रकारांमुळे निसर्गप्रेमी पर्यटक या परिसरापासून दुरावत चालला आहे.गड-किल्ले , लेण्या आणि धार्मिक स्थळे आपली स्फूर्तिस्थळे आहेत. वारशाचे पावित्र्य राखणे , हे प्रशासनासह प्रत्येकाचे कर्तव्य आहे. मात्र , प्रत्येक जण आपले कर्तव्य विसरत चालेला आहे.

पर्यटन , विविध उपक्रमांच्या गोंडस नावाखाली ही स्थळे व्यसन करणाऱ्याचे अड्डे बनत चालले आहेत.अशा विकृतीला सरकार , पोलीस प्रशासन , भारतीय पुरातत्व विभागइतकेच आणि स्थानिक नागरिक ही जबाबदार आहेत.या विकृत संस्कृतीला हद्दपार करण्यासाठी प्रत्येक घटकाने आपले योगदान दिले पाहिजे.

ज्या देशाची प्रतिके नष्ट होतात त्या देशाचा इतिहास आणि पराक्रम पुसला जातो. जर आपल्या हिंदवी स्वराज्याचे पौरुषत्व जिवंत ठेवायचे असेल तर शिवरायांचा हा वारसा जपणे हे आपले पहिले कर्तव्य आहे.शिवरायांनी हिंदवी स्वराज्य केवळ स्थापन केलंच नाहीतर त्यांनी ते सांभाळलं ही आपली जबाबदारी आहे.

या टकुर फिरलेल्यांची माथी जाग्यावर आणायचे काम कुणी करत असेल तर धारातीर्थ गडकोट मोहीम.आपल्या जबाबदारीची जाणीव करून देण्यासाठीच गुरुजींनी मोहीम हा मार्ग सांगितला आहे.कसे मरावे आणि कसे जगावे यासाठीच श्री शिवप्रतिष्ठान हिंदुस्थान आयोजित धारातीर्थ मोहीम हा एकमेव उपाय आहे.

गडकिल्ल्यांवर ज्यावेळी असे प्रकार घडतात त्यावेळी व्यसन करणारा गुन्हेगार असतोच पण त्याला साथ देणारा त्याचे समर्थन करणारा
आणि पाहून दुर्लक्ष करणारा आणि त्याला समज न देता तिथून पळ काढून नंतर बदनामी करणारा हे सगळे गुन्हेगार आहेतच -संकेत फडके १/३/२० #सह्याद्री #प्रतापगड #महाराष्ट्र