Thread by @aradhya___

കോടിലിംഗേശ്വര ക്ഷേത്രം

#templehistory

കര്‍ണ്ണാടകയിലെ ശൈവ വിശ്വാസികളുടെ ഏറ്റവും പ്രിയപ്പെട്ട തീര്‍ഥാടന കേന്ദ്രങ്ങളിലൊന്നാണ് കോടിലിംഗേശ്വര ക്ഷേത്രം.കോലാര്‍ ജില്ലയിലെ ക്ഷേത്രത്തെ പ്രസിദ്ധമാക്കുന്നത് ഇവിടുത്തെ ശിവലിംഗത്തിന്‍റെ സാന്നിധ്യമാണ്.1

പേരുപോലെ തന്നെ ക്ഷേത്രത്തിലെത്തുന്നവരെ അത്ഭുതപ്പെടുത്തുന്നതാണ് ഇവിടുത്തെ ശിവലിംഗങ്ങള്‍. ചെറുതും വലുതുമായി എണ്ണത്തില്‍ ഒരു കോടിക്കടുത്ത് ഇവിടെ ശിവലിംഗങ്ങളുണ്ട്. കോടി ശിവലിംഗങ്ങളുള്ള ശിവന്റെ ഇടമായതിനാലാണ് ഇവിടം കോടിലിംഗേശ്വര ക്ഷേത്രം എന്നറിയപ്പെടുന്നത്.2

ലോകത്തിലെ ഏറ്റവും വലിയ ശിവലിംഗങ്ങളിലൊന്നാണ് ഇവിടെ സ്ഥിതി ചെയ്യുന്നത്. 33 മീറ്ററിലധികം ഉയരത്തില്‍ നിര്‍മ്മിച്ചിരിക്കുന്ന ഈ ശിവലിംഗം ഉയരത്തിന്റെ കാര്യത്തില്‍ ലോകത്തിലെ മറ്റെല്ലാ ശിവലിംഗങ്ങളെയും കടത്തിവെട്ടിയിട്ടുണ്ട്. ഈ വലിയ ശിവലിംഗത്തിനു ചുറ്റുമായാണ് ബാക്കിയുള്ല ശിവലിംഗങ്ങള്‍ 3

സ്ഥിതി ചെയ്യുന്നത്. ഇതിനു തൊട്ടടുത്ത് വലിയൊരു നന്ദിയുടെ പ്രതിമയും കാണാം. ഇതിന് 11 മീറ്റര്‍ ഉയരമുണ്ട്.1980 ല്‍ സ്വാമി സാംബശിവ മൂര്‍ത്തിയാണ് ഇവിടെ ക്ഷേത്രം നിര്‍മ്മിക്കുന്നത്. അതേ വര്‍ഷം തന്നെ ഇവിടെ ശിവലിംഗവും സ്ഥാപിച്ചു. പിന്നീട് വര്‍ഷാവര്‍ഷം ഇവിടെ ശിവലിംഗങ്ങളുടെ എണ്ണം 4

ഉയരുകയായിരുന്നു. ഇവിടെ എത്തിച്ചേരുന്ന വിശ്വാസികളും ഇവിടെ ശിവലിംഗങ്ങള്‍ സ്ഥാപിക്കുവാന്‍ താല്പര്യം കാണിക്കുന്നു. 15 ഏക്കര്‍ സ്ഥലത്തായാണ് ക്ഷേത്രങ്ങളും ശിവലിംഗവും സ്ഥാപിച്ചിരിക്കുന്നത്.5

പ്രധാന ക്ഷേത്രത്തിനു ചുറ്റുമായി വ്യത്യസ്ത പ്രതിഷ്ഠകളുള്ള വേറെയും ക്ഷേത്രങ്ങള്‍ ഉണ്ട്. വിഷ്ണു, ബ്രഹ്മാവ്. മഹേശ്വരന്‍ , കോട്ടലിംഗേശ്വര, അന്നപൂര്‍ണ്ണേശ്വരി, കരുമാരി അമ്മാ ക്ഷേത്രം, വെങ്കട്ട രമണി സ്വാമി ക്ഷേത്രം, പാണ്ഡുരംഗ സ്വാമി ക്ഷേത്രം, രാമാ-സീതാ ലക്ഷ്മണ ക്ഷേത്രം, 6

പഞ്ചമുഖ ഗണപതി ക്ഷേത്രം, ആജ്ഞനേയ ക്ഷേത്രം. കന്നിക പരമേശ്വരി ക്ഷേത്രം എന്നിവയാണവ.
വിശ്വാസികള്‍ക്ക് ഇവിടെ ശിവലിംഗ പ്രതിഷ്ഠ നടത്തുവാന്‍ അനുമതിയുണ്ട്. ആറായിരം രൂപ മുതലാണ് ഇതിനുള്ള ചിലവ്.7

കര്‍ണ്ണാടകയിലെ കോലാര്‍ ജില്ലയില്‍ കമ്മസാന്ദ്രയോട് ചേര്‍ന്നാണ് കോടിലിംഗേശ്വര ക്ഷേത്രം സ്ഥിതി ചെയ്യുന്നത്.8

ശുഭം
കടപ്പാട്