Thread by @aradhya___

#മാപ്പിളലഹള ഭാഗം 4

ബോധി ദത്തയുടെ The untold 1921

ഹൈദറിന്റെ ആക്രമണവും അതിന്റെ വിവക്ഷയും പറഞ്ഞാണ് കഴിഞ്ഞ കുറിപ്പ് നിറുത്തിയത് . അതിലേറെ പറയാനുള്ളത് ടിപ്പുവിനെ കുറിച്ചാണ്.ടിപ്പു ജയന്തി ഒക്കെ മതേതര ഭാരതത്തിന്റെ ഭാഗമാവുന്ന ഈ ഇരുണ്ട കാലത്തു ,അതിനെക്കുറിച്ച് പറയേണ്ടത് ഒരു 1

ഉത്തരവാദിത്വമായി കാണുന്നു .ഹൈദറിന്റെ രണ്ടാമത്തെ ഭാര്യയിലുള്ള ആദ്യ പുത്രനാണ് ടിപ്പു . മതഭ്രാന്തിലും ക്രൂരതയിലും അച്ഛനെ വെല്ലുന്ന പുത്രൻ .വിശദമായി തന്നെ പറയേണ്ടതുണ്ട്. കമ്മ്യൂണിസം എന്ന രോഗം മറ്റു സംസ്ഥാനങ്ങളിൽ മൂർച്ഛിക്കാത്തതു കൊണ്ട് സത്യസന്ധമായ ചരിത്രപരിശോധന ഭാരതത്തിന്റെ പല 2

ഭാഗത്തും നടന്നിട്ടുണ്ട് .അത് കൊണ്ട് തന്നെ ഈ കുറിപ്പിൽ ടിപ്പുവിന്റെ പടയോട്ടം പരിശോധിക്കുന്നത് കേരളമെന്ന പരിധിക്കകത്ത് നിന്ന് കൊണ്ടാണ്.ഹൈദരലി ,നിർബന്ധിത മതം മാറ്റങ്ങൾക്കും അക്രമങ്ങൾക്കുമിടയിലും ക്ഷേത്രങ്ങൾ നശിപ്പിച്ചിരുന്നില്ല എന്നത് ശ്രദ്ധേയമായ ഒന്നാണ് .പക്ഷേ ക്ഷേത്രങ്ങളോടും 3

ദേവതകളോടും ഒരു പ്രതിപത്തിയും ഉണ്ടായിരുന്നില്ല എന്ന് കാണിക്കുന്ന സംഭവങ്ങളും കാണാം .അയാൾ ക്ഷേത്രങ്ങളെ ഭീമമായ കപ്പം ചുമത്തി ധനം സംഭരിക്കാനുള്ള ഉപാധികളായി കണ്ടു . അൻപത്തിയേഴിൽ സാമൂതിരിയുമായി നടുവട്ടത്തിന്റെ പേരിൽ നടന്ന അസ്വാരസ്യത്തിൽ അന്ന് പാലക്കാട്
ഭരിച്ചിരുന്ന കൊമ്പി അച്ഛൻ, 4

സാമൂതിരിയെ തോൽപ്പിക്കാൻ മൈസൂരിൽ നിന്നും ഹൈദരാലിയെ സഹായത്തിനു ക്ഷണിച്ചു.രണ്ടായിരത്തിൽ പരം അശ്വസൈനികരും ,അയ്യായിരത്തിൽ പരം കാലാളുകലും തോക്കുകളുമാണ് അന്ന് സാമൂതിരിക്കു മുൻപിൽ അണി നിരന്നത് . അശ്വസൈന്യമോ തോക്കോ ഒന്നുമില്ലാത്ത ഒരു നാട്ടുരാജാവിനു പിടിച്ചു നിൽക്കുക അസാധ്യമായിരുന്നു . 5

അന്ന് സാമൂതിരിക്കു മേൽ ഭീമമായ കപ്പം ചുമത്തി , സൈനിക സഹായത്തിനു പകരമായി പാലക്കാട് രാജാവിന്റെ കുലദേവതയായ ഏമൂർ ഭഗവതിയുടെ തിരുവാഭരണങ്ങൾ ഉരുക്കിയെടുത്താണ് ഹൈദർ പോയത് . കപ്പം കൊടുക്കാൻ വിസമ്മതിച്ച സാമൂതിരിയെ ആക്രമിക്കാനുള്ള ഹൈദറിന്റെ താല്പര്യത്തെ തിരിച്ചറിഞ്ഞാണ് അറക്കൽ അലി 6

അറുപത്തി ആറിൽ ഹൈദറിനെ കോലത്തുനാടും സാമൂതിരിയേയും കാണിച്ചു ക്ഷണിച്ചു വരുത്തി മൈസൂർ ആധിപത്യത്തിന് തുടക്കമിട്ടത് .അതെ വര്ഷം തന്നെ ഹൈദർ ഗുരുവായൂർ ക്ഷേത്രവും ആക്രമിച്ചു കൊള്ളയടിച്ചു .എഴുപത്തി ഏഴോടെ തിരുവതാംകൂർ ഒഴിച്ചു മറ്റെല്ലാ ഭാഗങ്ങളും മൈസൂരിന്റെ കീഴിൽ ആയിരുന്നു എണ്പത്തിരണ്ടിൽ 7

ബ്രിട്ടീഷ് ഈസ്റ്റ് ഇന്ത്യ കമ്പനിയുടെ സൈന്യം തലശ്ശേരി ലക്ഷ്യമാക്കി നീങ്ങി .ഹൈദർ ടിപ്പുവിനെ ആണ് അവരെ പ്രതിരോധിക്കാൻ പറഞ്ഞയച്ചത്. ബ്രിട്ടീഷുകാരുമായുള്ള യുദ്ധത്തിൽ ഭീമമായ ആൾനഷ്ടം പക്ഷെ മൈസൂർ ആർമിക്കുണ്ടായി . പിൻവാങ്ങിയ അവരെ ,പിന്തുടർന്ന ബ്രിട്ടീഷ് സൈന്യം വീണ്ടും ആക്രമിച്ചു .8

തിരൂരങ്ങാടിയിൽ വച്ച് നടന്ന യുദ്ധത്തിൽ നാനൂറോളം മൈസൂർ സൈനികർ കൊല്ലപ്പെട്ടു . പക്ഷെ പൊന്നാനിയിൽ വച്ച് മഴയും കാറ്റും കവിഞ്ഞൊഴുകുന്ന പൊന്നാനിപ്പുഴയയും ഈസ്റ്റ് ഇന്ത്യ കമ്പനിയുടെ കണക്കു കൂട്ടലുകൾ തെറ്റിച്ചു . ടിപ്പുവും അലിരാജയും ശക്തമായ പ്രതിരോധം കാഴ്ച വച്ചപ്പോൾ ബ്രിട്ടീഷ് സൈന്യം 9

പിൻവാങ്ങി . അതായിരുന്നു ടിപ്പുവിന്റെ ആദ്യ കാൽവെപ്പു .എൺപത്തി എട്ടിൽ സാമൂതിരിയുടെ വംശത്തിൽ നിന്നും രവി വർമ്മ എന്ന യുവരാജാവ് ,നായർ സൈന്യവുമായി കോഴിക്കോട് പിടിച്ചടക്കാനുള്ള സൈനിക നീക്കം നടത്തി . രവിവര്മയെ പ്രീതിപ്പെടുത്താനായി കപ്പം ചുമത്താതെ കോഴിക്കോടിന്റെ ഒരു ഭാഗം ടിപ്പു 10

സമ്മാനിച്ചെങ്കിലും രവി വർമ്മ പിന്മാറിയില്ല .എൺപത്തി ഒൻപതിൽ ടിപ്പു സ്വയം അറുപതിനായിരത്തോളം വരുന്ന സൈന്യവുമായി വർമയുടെ കോട്ട ആക്രമിച്ചു കോഴിക്കോട്ടു സംഹാര താണ്ഡവമാടി .തിരുവതാംകൂർ മൈസൂരിന്റെ മോഹമായിരുന്നു എന്നും .കോഴിക്കോട് നിന്നും ആലുവ വരെ ടിപ്പു നീങ്ങിയെങ്കിലും ആലുവയിൽ വച്ച് 11

തിരുവതാംകൂർ സൈന്യം മൈസൂർ സൈന്യത്തെ തടഞ്ഞു . ഈ യാത്രയിലാണ് രക്തം കോച്ചുന്ന ക്രൂര കൃത്യങ്ങൾ ടിപ്പുവെന്ന മതഭ്രാന്തൻ ചെയ്തു കൂട്ടിയത് .പരപ്പനാട് , നിലമ്പൂർ , തൃക്കര , തിരുപാട് തുടങ്ങിയ സ്ഥലങ്ങളിലെ നാടുവാഴികളെ എല്ലാം ടിപ്പു കോയമ്പത്തൂർക്ക് കടത്തി നിർബന്ധിത മത പരിവർത്തനത്തിനു 12

വിധേയരാക്കി .കുറ്റിപ്പുറത്തായിരുന്നു ടിപ്പുവിന്റെ ഏറ്റവും ഭീകരമായ ക്രൂരതകളിലൊന്ന് അരങ്ങേറിയത് .കുറ്റിപ്പുറത്തുള്ള കടത്തനാട് രാജാവിന്റെ കോട്ട അയാൾ ആക്രമിച്ചു . തോക്കുമായി അണിനിരന്ന മൈസൂർ സൈന്യത്തെ ദിവസങ്ങളോളം നായർ സൈന്യം പ്രതിരോധിച്ചെങ്കിലും പിടിച്ചു നിൽക്കാനായില്ല . 13

കുട്ടികളും , സ്ത്രീകളുമടങ്ങുന്ന വലിയൊരു പുരുഷാരത്തെ ടിപ്പു കോട്ടയിൽ ബന്ദികളാക്കി . പുരുഷന്മാരെ നിര്ബന്ധിത ചേലാ കർമത്തിന് വിധേയരാക്കി , എല്ലാവരെയും ഗോമാംസം കഴിപ്പിച്ചു ധര്മ ഭ്രഷ്ടരാക്കി മതം മാറ്റി . ടിപ്പുവിനു അധികാരത്തെക്കാൾ മതമായിരുന്നു പ്രചോദനം എന്ന് നിസ്സംശയം പറയാം .തൊപ്പിയോ14

വാളോ എന്നതായിരുന്നു ടിപ്പു ഹിന്ദുക്കൾക്ക് കൊടുത്ത വരണ സ്വാതന്ത്ര്യം എന്ന് ചരിത്രകാരന്മാർ രേഖപ്പെടുത്തിയിട്ടുണ്ട് . ഗ്രാമങ്ങൾ തോറും .ടിപ്പുവിനെ ഏറ്റവും ചൊടിപ്പിച്ചത് ക്ഷേത്രങ്ങൾ ആയിരുന്നു . എണ്ണായിരത്തോളം ക്ഷേത്രങ്ങളാണ് ടിപ്പു എന്ന തീവ്രവാദി തലശ്ശേരി മുതൽ ആലുവ വരെ തകർത്തത്എന്ന് 15

കണക്കാക്കപ്പെടുന്നു . എല്ലാം പേരെടുത്തു പറയുന്നത് സാധ്യമല്ലെങ്കിലും തൊഴുതു നിന്ന മൂർത്തികൾ അനേകം ഈ കൂട്ടത്തിലുണ്ട് .അതിൽ ഏറ്റവും വടക്കു നിന്ന് നോക്കുമ്പോൾ പ്രധാനപ്പെട്ടവ കണ്ണനൂരിലെ രാമന്തളി ശങ്കരനാരായണ ക്ഷേത്രം , വടുകുണ്ട ശിവ ക്ഷേത്രം ,തളിപ്പറമ്പ ശിവ ക്ഷേത്രം , തിരുവണ്ണൂർ ശിവ16

ക്ഷേത്രം ,തൃച്ചബരം ശ്രീകൃഷ്ണ ക്ഷേത്രം ,കോഴിക്കോട്ടുള്ള വരക്കൽ ദുര്ഗ ക്ഷേത്രം ,തളി മഹാദേവ ക്ഷേത്രം , വളയനാട് ഭഗവതി ക്ഷേത്രം ,തിരുവണ്ണൂർ ശിവ ക്ഷേത്രം ,പരിഹാരപുരം സുബ്രഹ്മണ്യ ക്ഷേത്രം ,നടുവണ്ണൂർ നരസിംഹ ക്ഷേത്രം എന്നിവയാണ് .ഏറ്റവും നാശനഷ്ടം ആധ്യാത്മികമായും സാംസ്കാരികമായും 17

മലപ്പുറത്തിനാണെന്നു തെളിഞ്ഞു കാണുന്ന ഒന്നാണ് . മലപ്പുറത്ത് നശിപ്പിക്കപെട്ടത്തിൽ പ്രധാനമായവ തിരൂരുള്ള മഹാക്ഷേത്രങ്ങളായ തൃക്കണ്ടിയൂർ മഹാദേവ ക്ഷേത്രം തൃപ്രങ്ങോട്ട് മഹാദേവ ക്ഷേത്രം , താനൂരിലുള്ള കേരളാധീശ്വര മഹാവിഷ്ണു ക്ഷേത്രം , ശുകപുരം ദക്ഷിണാമൂർത്തി ക്ഷേത്രം എന്നിവയാണ് .18

കൂടാതെ പൊന്നാനിയിലെ തൃക്കാവ് ദുര്ഗ ക്ഷേത്രം ആക്രമിച്ചു നശിപ്പിച്ച ശേഷം അയാൾ തന്റെ താത്കാലിക സൈനിക താവളമാക്കി .മലപ്പുറത്ത് തന്നെ ഏറ്റവും ക്രൂരത അരങ്ങേറിയത് തിരുനാവായയിലാണ്. എന്റെ പൈതൃകവും വേരുകളും ഓടുന്ന മണ്ണാണ് . അതുകൊണ്ടുതന്നെ അത് പറയാതെ ഇത് പൂർത്തിയാവില്ല .വേദഗണിതം , 19

ജ്യോതിശാസ്ത്രം തുടങ്ങിയ അസംഘ്യം ശാസ്ത്ര ശാഖകൾ , ഗൗരവമായി പഠിച്ചിരുന്ന , പഠിപ്പിച്ചിരുന്ന അതിലൊക്കെ ഗവേഷണം നടന്നിരുന്ന പുണ്യ ഭൂമിയായിരുന്നു നവാമുകുന്ദന്റെ മണ്ണ് . പ്രൗഢമായ മാമാങ്കം കൊണ്ടാടിയ സാംസ്കാരിക ഭൂമി .ഭാരതത്തിലെ ഒരേയൊരു ജ്യോതിശാസ്ത്ര സർവകലാശാല നാവാമുകുന്ദ ക്ഷേത്രത്തോട് 20

ചേർന്നായിരുന്നു .ഭ്രാന്തനായ ടിപ്പു ഒരു വേട്ടപ്പട്ടിയെ പോലെ ക്ഷേത്രവും സർവകലാശാലയും ആക്രമിച്ചു .ഋഗ്വേദം പഠിപ്പിച്ചിരുന്ന ഓത്തു മഠം തകർത്തു.
അധ്യാപകരും വിദ്യാർത്ഥികളുമായി നൂറു കണക്കിന് നിരായുധരായ ബ്രാഹ്മണരെ വധിച്ചു .തിരുനാവായ മുതൽ തിരുമിറ്റക്കോട് വരെ സംഹാര താണ്ഡവമാടി 21

മൂവായിരത്തോളം നമ്പൂതിരി കുടുംബങ്ങളെ കൊന്നു തള്ളി. നിളയന്ന് രക്തവര്ണമായി ആവും ഒഴുകിയത് .പേരുപോലുമറിയാത്ത നിരപരാധികളായ പതിനായിരക്കണക്കിന് ആത്മാക്കൾക്ക് ഭാരതപ്പുഴയിലെ മണൽതരികൾ പിതൃതർപ്പണം ചെയ്തിട്ടുണ്ടാവും.ത്രിമൂർത്തി സംഗമമുള്ള തിരുനാവായയിൽ ഭാരതപ്പുഴ അവരെയൊക്കെ തന്നിൽ ആവാഹിച്ചു 22

നവാമുകുന്ദന്റെ തൃപ്പാദത്തോടു ചേർത്തിട്ടുണ്ടാവും . അങ്ങനെ കരുതിയാണ് സമാധാനിക്കാറ്. 23

പിന്നീട് തൃശ്ശൂരെത്തിയ ടിപ്പു വടക്കുന്നാഥ ക്ഷേത്രവും പുത്തൂർ ഭദ്രകാളി ക്ഷേത്രവും മമ്മിയൂർ ശിവ ക്ഷേത്രവും ഗുരുവായൂർ ക്ഷേത്രവും ആക്രമിച്ചു .ടിപ്പുവിന്റെ വരവറിഞ്ഞു പരിഭാന്തരായ ഭക്തർ ഭഗവാന്റെ മൂല മൂർത്തിയെ മണ്ണിനടിയിലും ഉത്സവ മൂർത്തിയെ അമ്പലപ്പുഴ ക്ഷേത്രത്തിലും ഒളിപ്പിച്ചു . 24

ഭഗവാന്റെ സ്വത്തുക്കളും തിരുവാഭരണവും സുരക്ഷിതമായി ക്ഷേത്രത്തിൽ നിന്നും കടത്തി . ഇതിൽ ക്രുദ്ധനായ ടിപ്പു ക്ഷേത്രം തകർത്തു തീയിട്ടു .ഗുരുവായൂർ പാർത്ഥസാരഥി ക്ഷേത്രം ,പാലക്കാടു രാജാവിന്റെ കുലക്ഷേത്രമായ ഏമൂർ ഭഗവതി ക്ഷേത്രം , , കൊടുങ്ങല്ലൂർ തിരുവഞ്ചിക്കുളം ശിവ ക്ഷേത്രം ,ഇരിഞ്ഞാലക്കുട 25

തിരുവില്വാമല രാമ ലക്ഷ്മണ ക്ഷേത്രം എന്നിവയൊക്കെ തകർന്നതിൽ ചിലതു മാത്രം .േക്ഷത്രങ്ങൾ തകർക്കുന്നത് കൂടാതെ പല ക്ഷേത്രങ്ങളിലും ഹിന്ദുക്കൾ വിശുദ്ധമായി കണ്ടിരുന്ന ഗോക്കളെ കൂട്ടമായി അറക്കുന്നത് ടിപ്പുവിന് ഹരമായിരുന്നു .മതം മാറിയ മാപ്പിളമാരും അക്രമങ്ങൾ അഴിച്ചു വിടാൻ തുടങ്ങിക്ഷേത്രങ്ങൾ26

നശിപ്പിച്ചും കൊള്ളയടിച്ചും അവർ ഹിന്ദുക്കളെ വേട്ടയാടി ശ്രീകോവിലിനുള്ളിൽ ഗോമാംസം കൊണ്ടിട്ടും , പള്ളിയാക്കി മാറ്റിയ ക്ഷേത്രങ്ങളുടെ ഒതുക്കുകളിൽ തകർത്ത മൂർത്തിയെ ഇട്ടു , അത് ചവിട്ടി മാപ്പിളമാർക്ക് അകത്തു കയറാൻ സൗകര്യമൊരുക്കിയും ടിപ്പു ആനന്ദം 27

കണ്ടെത്തി .ഇത് പോലെ ടിപ്പു തകർത്തതാണ് അങ്ങാടിപ്പുറത്തെ നരസിംഹമൂർത്തി ക്ഷേത്രം .ഭക്തർ അത് പുനർനിർമിച്ചെങ്കിലും മാപ്പിളമാർ അത് വീണ്ടും തകർത്തു .തിരുമന്ധാംകുന്ന് ക്ഷേത്രം ആക്രമിച്ച് മൂർത്തിയെ തകർത്ത പെരുമയും മാപ്പിളമാർക്കു സ്വന്തം.

ടിപ്പുവിന്റെ ക്രൂരതകൾക്ക് ഏറ്റവും പ്രാത്രമായതു 28

നായന്മാരായിരുന്നു .സ്ത്രീകളും കുട്ടികളും അടങ്ങുന്ന ആയിരക്കണക്കിന് നായമ്മാരെ ശ്രീരംഗപ്പട്ടണത്തേക്കു കടത്തി ഡച്ചുകാർക്ക് അടിമകളായി വിറ്റു .മതം മാറ്റിയും സ്ത്രീകളെ ലൈംഗിക അടിമകളായും ഉപയോഗിച്ചുനായൻമാർ സ്ത്രീകൾക്ക് പ്രാധാന്യമുള്ള മാതൃദായക സമ്പ്രദായം പിൻതുടരുന്നതും , അവരുടെ 29

സ്ത്രീകൾക്കുണ്ടായിരുന്ന സ്വാതന്ത്ര്യവും ടിപ്പുവിന്റെ സങ്കുചിത മത ചിന്തക്ക് അംഗീകരിക്കാനാവുന്നതല്ലായിരുന്നു .അങ്ങനെ ഉള്ള വ്യവസ്ഥികൾ മാറ്റാത്ത പക്ഷം വീണ്ടും ആക്രമിക്കുമെന്ന് ടിപ്പു ഭീഷണിയും മുഴക്കി കൊണ്ടിരുന്നു . കോഴിക്കോട് ആ സമയത്തു നമ്പൂതിരികുടുംബങ്ങൾ ധാരാളമുള്ള സ്ഥലമായിരുന്നു 30

ഏഴായിരത്തോളം ഇല്ലങ്ങളിൽ രണ്ടായിരത്തിലധികം ഇല്ലങ്ങളൾ ടിപ്പു തകർത്തെന്നും നമ്പൂതിരി സമൂഹം പ്രാണരക്ഷാർത്ഥം തെക്കോട്ടു പലായനംചെയ്തുവെന്നും ധാരാളം പേർക്ക് തിരുവതാംകൂർ അഭയം കൊടുത്തെന്നും ചരിത്രകാരന്മാരായ ശ്രീധര മേനോനും ഏലംകുളം കുഞ്ഞൻ പിള്ളയും കുറിക്കുന്നു .31

ടിപ്പുവിന്റെ ക്രൂരതകൾ പോർട്ടുഗീസ് യാത്രികനായ ഫ്രാ ബർത്തലോമിയോ , തന്റെ
A Voyage to the East Indies’ എന്ന പുസ്തകത്തിൽ വ്യക്തമായി കുറിക്കുന്നുണ്ട് .മുന്നിൽ മുപ്പതിനായിരത്തോളം വരുന്ന ,കൊന്നു തള്ളി മുന്നേറുന്ന കിരാത സൈന്യവും ,അതിനു പിന്നിൽ തോക്കേന്തിയ സൈന്യവും ,അതിനു പിന്നിൽ 32

ആനപ്പുറത്തുടിപ്പുവും ,പുറകിലായി മുപ്പതിനായിരത്തോളം സൈനികരും .അങ്ങനെ ആണ് ടിപ്പുവിന്റെ പട സഞ്ചരിച്ചിരുന്നത് .അവരോടാണ് കുറെ നിരാലംബരായ ഹിന്ദുക്കളും നാട്ടു രാജാക്കന്മാരും കാര്യമായ ആയുധ സമ്പത്തൊന്നുമില്ലാത്ത നായർ സൈന്യവും പിടിച്ചു നില്ക്കാൻ നിർബന്ധിതരായത് .നിർബന്ധിതമായിേ ചേല കർമം33

ചെയ്തും , ഗോമാംസം കഴിപ്പിച്ചും മതം മാറ്റിയും അല്ലാത്തവരെ തൂക്കിലേറ്റിയും വെട്ടിവീഴ്ത്തിയുമാണ് സൈന്യം മുന്നേറിയത് . സ്ത്രീകളെയും പുരുഷന്മാരെയും തൂക്കി കൊന്നും കുട്ടികളെ അമ്മമാരുടെ കഴുത്തിൽ കയറിട്ടുമാണത്രെ തൂക്കിയിരുന്നത് . ഹിന്ദുക്കളെ പോലെ ക്രിസ്തുമത വിശ്വാസികളും ടിപ്പുവിന്റെ 34

അക്രമത്തിനിരയായെന്നു പുസ്തകത്തിൽ പറയുന്നു .രണ്ടു കൂട്ടരെയും ജീവനോടെ ആനയുടെ കാലിൽ ബന്ധിചു ഉടൽ വേര്പെടുത്തുന്നത് ടിപ്പുവിന് വിനോദമായിരുന്നെന്ന് ദൃസാക്ഷിയായ അദ്ദേഹം പറയുന്നു .അമ്പലങ്ങൾ പോലെ തന്നെ മംഗലാപുരം മുതൽ അനേകം Christian പള്ളികളും ടിപ്പു തകർത്തു35

ഈ ടിപ്പുവിന്റെ ജയന്തിയാണത്രെ ഹിന്ദുക്കൾ മതേതരത്വത്തിന്റെ പേരിൽ ആഘോഷിക്കേണ്ടത്.

You become what you fight 'എന്നൊരു തത്വമുണ്ട്. ഇന്നത്തെ ഹിന്ദുസമൂഹത്തെ നോക്കിയാൽ , മതം മാറേണ്ടിവന്ന ഇതര മതക്കാരെ നോക്കിയാൽ അത് വ്യക്തമാണ് . ടിപ്പുവിന്റെ മാതൃദായക സമ്പ്രദായത്തോടുള്ള അവജ്ഞ ഇന്ന് 36

പൊതു സമൂഹം ശരിവയ്ക്കുന്നു . നായന്മാരടക്കം അതൊരു പോരായ്മയായി , അവഹേളനമായി കാണുന്നു .ടിപ്പു തകർത്ത ക്ഷേത്രങ്ങൾ എണ്ണിപ്പറയുമ്പോഴും വൈദേശിക ഇടതു ചിന്തക്ക് അടിമപ്പെട്ടു കുലക്ഷേത്രങ്ങൾ നശിപ്പിക്കാൻ ഹിന്ദുക്കൾ ഇറങ്ങി പുറപ്പെട്ടു .ഒരു ക്ഷേത്രം നശിച്ചാൽ അത്രയും അന്ധ വിശ്വാസങ്ങൾ 37

നശിച്ചെന്നു പറയുന്ന മന്ത്രിമാരെ നമ്മൾ ക്ഷത്ര ചുമതല ഏൽപ്പിക്കുന്നു .ഗോമാംസം കഴിക്കാതെ , ധർമത്തെ മുറുകെ പിടിച്ച്,അതിന്റെ പേരിൽ പീഡനം സഹിച്ചു വീണടിഞ്ഞ കുറെ ആത്മാക്കളുടെ പിൻതതലമുറക്കാർ ഇന്ന് ഗോമാതാവ് പരിഹാസമായി പ്രയോഗിക്കുന്നു .38

ക്ഷേത്രങ്ങൾ ഒരു സംസ്കാരത്തിന്റെ അടിവേരുകളാണ് . അത് കൊണ്ട് തന്നെയാണ് ശത്രുക്കൾ എന്നും തിരഞ്ഞുപിടിച്ച് ആക്രമിച്ചത് . ഇന്നും അത് തുടരുന്നു .ക്ഷേത്രങ്ങൾ വേശ്യാലയങ്ങളാണെന്ന് പറയുന്ന ഇടതു ചിന്തയെ പരിഹസിക്കേണ്ടത് , ക്ഷേത്രങ്ങൾ നമ്മുടെ ചെറുത്തു നിൽപ്പിന്റെ ബിംബംങ്ങളാണെന്ന് പറഞ്ഞാണ് . 39

നിസ്സഹായരായിരുന്നപ്പോഴും ടിപ്പുവിനെ പോലുള്ള അക്രമികൾ അവയൊക്കെ നശിപ്പിച്ചപ്പോഴും സ്വധർമ്മം കൈവിടാതെ , അവയൊക്കെ വീണ്ടെടുത്ത ഒരു ജനതയുടെ അതിജീവനത്തിന്റെ ചിഹ്നമാണ് ക്ഷേത്രങ്ങൾ .ആത്മാഭിമാനമാണ് .ടിപ്പുവും സൈന്യവും തകർത്തതൊക്കെ വീണ്ടെടുക്കാമെങ്കിൽ , ചില മനോരോഗികളുടെ ജല്പനകളും സംഘടിത 40

അവഹേളന അജണ്ടയും നമ്മുടെ ക്ഷേത്രങ്ങളുടെ മുറ്റത്തെ ആല്മരത്തിലെ ഇലകളെ പോലും വിറപ്പിക്കില്ല .പക്ഷെ നൂറ്റാണ്ടുകയുടെ പീഡനങ്ങളും അവഹേളനവും സഹിച്ചു , നട്ടെല്ല് വളഞ്ഞു പോയ ഒരു ജനത , ഒന്ന് നട്ടെല്ല് നിവർത്തി നിൽക്കാൻ ശ്രമിക്കുമ്പോൾ ഒരു തമാശക്ക് പോലും കുത്തി നോവിക്കരുത് .പ്രതികരിക്കാതെ 41

തരമില്ല . കനലൊരു തരി മതി എന്നൊക്കെ കേൾക്കാറുണ്ട് .പക്ഷേ നെഞ്ചുമുഴുവൻ കനലാണ്.

തിരുവതാംകൂർ ടിപ്പു സംഘട്ടനം തുടരും

#TheUntold1921 #TipuTheButcher #Part3

References
Malabar Manual, William Logan

History of Tipu Sultan , Ravi Varma

History of Kerala , Sridhara Menon

42

History of Cochin , A P Padmanabha Menon

Mysore Gazatteer

Kerala Gazatteers, Department of Education
43

@Arakkal_unnii