Thread by @VasaviNarayanan

🌺இதன் பதில் யாரிடம் கிடைக்கும்???🌺

புதிய கல்விக் கொள்கை நன்றாக உள்ளதென பலர் கூறிவிட்டனர். சரி. இதுபற்றி பல பெற்றோரின் கருத்துக்களையும் பார்ப்போம்.

1) இதுவரை புத்தகத்தில் திணிக்கப்பட்டுள்ள பல பொய்கள் இன்னும் தொடருமா?

2) உண்மையில் நமது நாட்டிற்கும் மொழிக்கும் தொண்டாற்றியோர்

பற்றியும், பாரதத்தின் மறைக்கப்பட்ட வரலாறும் கூறப்படுமா?

3) மும்மொழி என்பதை மத்திய அரசு கண்டிப்பாக ஆக்கவேண்டும். அதைச் செய்யுமா?

4) சீருடை முன்பு போல மாணவர்க்கும் ஆசிரியர்க்கும் அடர்நீலம் - வெள்ளை, ஷூக்களுக்கு பதில் செருப்புகள் என பாரதம் முழுதும் ஒரே சீருடை ஆனால் மகிழ்ச்சி.

புதிதாய் ஆசிரியப் பணிக்கு வரும் இளம் ஆசிரியர்களை 5ம் வகுப்பு வரையில் மட்டும் அமர்த்த வேண்டும்.

அவர்களுக்கு அனுபவமும் பொறுமையும் வரவர, உயர்பாட வகுப்புக்கு அமர்த்தினால், அவர்கள் மாணவர்களை அழகாய் கையாள, மாணவிகளுக்கு பாதுகாப்பு உணர்வை ஏற்படுத்த உதவும். இதை கவனிக்குமா மத்திய அரசு?

ஆசிரியர்களுக்கு அவ்வப்போது Updation Classes வைத்து, அவர்களையும் உயர்த்தும் கொள்கையைத் தந்தது அரசு. ஆனால் அதைக் கடைபிடிப்பதை மாநில அரசின் அதிகாரத்திற்கு விடாமல், அதையும் கண்டிப்பான கொள்கையாக்கினால், ஆசிரியர்களுக்கும் மாணவர்களுக்குமான கல்வி உறவில் அர்த்தம் இருக்கும். இது நடக்குமா?

ஒரு பள்ளியில் இவற்றை மட்டும் மாற்றினால் போதாது. அதன் சுற்றுச்சூழலே பெற்றோர்க்கு நம்பிக்கை தருகிறது. அதில் அரசுப் பள்ளிகள் முழுதும் மேம்பட கட்டாய சட்டங்கள் என்ன உள்ளது? அல்லது கொண்டு வருமா?

இதைத் தாண்டி, பல பள்ளி மாணவ, மாணவிகள் தற்போது போதைப் பொருட்களை பள்ளியிலேயே பயன்படுத்துவது

நடக்கிறது. குறிப்பாக அரசுப்பள்ளி மற்றும் அரசு உதவிபெறும் பள்ளிகளில் அதிகம் உள்ளது. இதைப் பேச முடியவில்லை. எங்கள் மேல் சட்டம் பாயும், அல்லது எங்கள் பிள்ளைகளின் மார்க்குகளில் அடி விழும்.

இந்த விஷயம் பற்றி ஏன் யாரும் பேசுவது கூட இல்லை? இதில் மத்திய அரசு மாநில அரசுக்கு எவ்விதத்தில்

எச்சரிக்கை தந்து கண்காணிக்கப் போகிறது? எங்களுக்கு திராவிட கட்சிகளின் மேல் நம்பிக்கை இல்லை. அவை இந்த ப்ரச்சனையை தீர்க்காது... கொரோனாவிலேயே டாஸ்மாக் திறந்த அரசு தானே?

“நீ அடிப்பது போல் அடி, நான் அழுவது போல் அழுகிறேன்... எதிர்ப்பவர் அமைதியானதும் வழக்கம் போல் இருப்போம்”

என்பதில் இரண்டும் ஸ்திரமாக உள்ளன. இதில் மத்தியஅரசு தலையிட்டு ஏதேனும் வழிவகை செய்ய முடியுமா?

இறுதியாக கோட்டாக்கள் தாண்டி, படிக்கி்ற ஆனால் மேற்படிப்புக்கு பணமில்லாத, கோட்டாவில் வரமுடியாத பிள்ளைகளுக்கு அரசு வேறேதேனும் திட்டம் கொணர்ந்தால் மேலும்பல பிள்ளைகள் முன்னேறுமே. இது நடக்குமா?

அரசு மற்றும் தனியார் பள்ளிகளில் ஆசிரியர்களின் தரமும் (சர்டிஃபிகேட் அல்ல), சம்பளமும் ஒரே மாதிரி நிர்ணயிக்கப்பட்டு, ஒரு ஆசிரியரின் வகுப்பு மாணவத்தேர்ச்சி விகிதாச்சாரம் தொடர்ந்து குறைந்திருந்தால், அவரைத் தூக்கியெறிந்து வேறு சரியான ஆசிரியரை அமர்த்த சட்டங்கள் வருமா?

இவ்வாறு நடந்தால், பல அரசுப்பள்ளிகளில் உள்ள அலட்சியப்போக்குடைய ஆசிரியர்கள் மாறுவது உறுதி.

கம்பெனிகள் வேலையில் இணைகையில் நமது சான்றிதழைப் பெற்றுக் கொள்வது போல, இவர்களிடமும் “இன்னின்ன தவறுகள்/காரணங்களால் தங்களை வெளியேற்ற பள்ளிக்கு முழு அதிகாரம் உண்டு” எனக் கையெழுத்து வாங்கி,

இதற்கு நீதிமன்றத்தை அனுக முடியாது எனும் சட்டத்தையும் கல்வித்துறையில் பாரதம் முழுதும் கட்டாயமாக்கி, இதில் தனிவிரோதத்தால் தவறு செய்தால் தலைமையாசிரியரையும் தண்டிக்க வேண்டும் என அரசாணை பிறப்பிக்க முடியுமா?

மாற்றுப் பாலினக் குழந்தைகளிடம் தவறாக நடக்கும் ஆசிரியர்/ஆசிரியை யாராகினும்,

இனி எங்கும் ஆசிரியப்பணி புரிய இயலாமல் அவர்களது சான்றிதழைப் பறித்து தண்டிக்க மாநில அரசுக்கு உத்தரவு வழங்கவோ, இல்லை இதை நாடுதழுவிய சட்டமாக்கவோ இயலுமா?

இத்தனை குமுறல்கள் உள்ளது பெற்றோரிடம். இவற்றிற்கான பதில்கள் நம்போன்ற பொதுமக்கள் யாரிடமும் தெளிவாக இல்லை.

இக்கேள்விகளுக்கு எங்கிருந்து சரியான பதிலை நாம் பெறலாம்? இதை எந்த ஊடகமாவது பேசுவீர்களா?

தெரிந்தவர்கள் கூறுங்கள்!! இல்லையேல் இவை உண்மை என மனம் ஏற்றால், பிறருக்குப் பகிருங்கள்....

@RangarajPandeyR @MaridhasAnswers @MadanRavichand4 @rajinikanth @DrRPNishank

🍁வாஸவி நாராயணன்🍁

@threader_app compile