Thread by @theroyalindian

#வாட்சாப்_நீதி_கதைகள் 😊

#அறப்பணி 🙋
ஒரு விழாவில் இளைஞர் ஒருவர் தன்னுடைய பழைய ஆசிரியரை சந்திக்கின்றார். அப்போது அந்த முன்னாள் மாணவர் "தன்னை தெரிகின்றதா ? " என்று அந்த ஆசிரியரிடம் கேட்கின்றார். நரைத்த தலை, சிறிது தளர்ந்த தேகம் கொண்ட அந்த ஆசிரியரோ "எனக்கு நினைவில் இல்லை...🤔

எனவே, நீங்களே யார் என்று அறிமுகம் செய்து கொள்ளுங்களேன் " என்றார்.
இளைஞர் கூறினார், "நான் உங்கள் முன்னாள் மாணவன் " என்றார். அதற்கு அந்த ஆசிரியர் "மிக்க மகிழ்ச்சி, வாழ்க்கை எப்படி உள்ளது , என்ன செய்கிறீர்கள் " எனக் கேட்டார்.
இளைஞர்,"மிக்க நலம் ஐயா, நான் ஆசிரியராக உள்ளேன் "என்றார்.

மேலும் அந்த இளைஞர் " நான் உங்களால் தான் தூண்டப்பட்டு, உங்களைப் பார்த்துத் தான் நானும் ஆசிரியராக வேண்டும் என்ற உணர்வு மேலோங்கியது " என்றார். மேலும் "உங்களுடைய செயல்களின் தாக்கத்தினால் தான் நானும் கற்றுக் கொடுக்கும் பணியாகிய ஆசிரியர் பணியில் உள்ளேன் " என்றார்.

அவருக்கே உரித்தான அந்த மெலிதான சிறு புன்முறுவலுடன்
"அப்படி என்ன தாக்கத்தை, நான் உங்களிடத்திலே உண்டாக்கினேன் " என தன் நரைபடர்ந்த கேசத்தை சரி செய்தபடி கேட்டார் ஆசிரியர்.

" நான் உங்களுக்கு ஒரு பழைய நிகழ்வை கூறட்டுமா? " என்று கூறி சொல்ல ஆரம்பித்தார் அந்த இளைஞர்.
"ஒரு நாள் என்னுடைய வகுப்புத் தோழன் மிகவும் விலையுயர்ந்த கடிகாரத்தை அணிந்து வந்தான். அப்படிப்பட்ட ஒரு கைக்கடிகாரம் வாங்குவது என்பது என்னுடைய சக்திக்கு அப்பாற்ப்பட்டது.

வாழ்வில் முதன் முறையாக சபலம். எத்தனையோ நாட்கள் ஒரு கைக்கடிகாரத்திற்காக ஏங்கியதன் தாக்கம் வேறு. எனவே அதனை திருட நினைத்து அவன் கடிகாரத்தை புத்தக பையில் வைத்திருந்த போது எடுத்து விட்டேன். அவன் வகுப்பறைக்குள் வந்தவுடன் தன்னுடைய கடிகாரம் காணவில்லை என்று ஆசிரியரிடம் புகார் செய்தான்

ஆசிரியர் அவர்களும் இவனுடைய கடிகாரத்தை எவர் எடுத்து இருந்தாலும் அதனை திரும்பக் கொடுத்து விடுங்கள் என அறிவித்தார். நான் எப்படி கடிகாரத்தை திருப்பித் தருவேன் என நினைத்து எனக்கு மிகவும் சங்கடமாக போய்விட்டது.

ஆசிரியர் வகுப்பறையின் கதவை மூடச் செய்தார். எல்லோரையும் எழுந்து வரிசையாக நிற்கச் சொன்னார். எனக்கு மிகவும் அவமானமாக போய்விட்டது. அவர் கூறினார், மாணவர்களே வரிசையாக நில்லுங்கள் , ஆனால் எல்லோரும் கண்ணை மூடிக் கொண்டு தான் நிற்க வேண்டும் என்றார்.

அவர் ஒவ்வொருவரின் பாக்கெட்டுகளிலும் கையை விட்டு பார்த்துக் கொண்டே சென்றார்.
என்னுடைய பாக்கெட்டுக்குள்ளும் கையை விட்டார் கடிகாரத்தையும் எடுத்துக் கொண்டார். ஆனால் எல்லோரும் கண்களை மூடி இருந்ததால் எவரும் எதையும் பார்க்க இயலவில்லை.

பின்னர் அந்த கடிகாரத்தை உரியவரிடம் கொடுத்து விட்டார். ஆனால் இது பற்றி ஒரு வார்த்தை கூட என்னிடம் கேட்கவில்லை.வேறு எவரிடமும் இது பற்றி கூறவோ, சம்பவத்தை விவரிக்கவோ இல்லை.
அந்த ஆசிரியர் நீங்கள் தான் ஐயா" என குரல் தழுதழுக்க சொன்னார். ஆசிரியரும் அதை கனிவுடன் கேட்டுக்கொண்டிருந்தார். 😊

மேலும் தழுதழுத்த குரலிலேயே தொடர்ந்தார் "அந்நாளிலே நீங்கள் என்னை திருடன், களவாணி என்றெல்லாம் திட்டாமல் ஒன்றுமே பேசாமல் இருந்தீர்கள் என்னுடைய கவுரத்தையும், மானத்தையும் அன்று நீங்கள் காப்பாற்றினீர்கள்.
பிறகு "திருடுவது தவறான செயல். அது விடுத்து படித்து

சம்பாதித்து நமக்கு தேவையானதை வாங்கிக் கொள்ளுங்கள்" என இயல்பாக அனைவருக்கும் அறிவுரை கூறினீர்கள்.
மேலும் என்னிடம் இதுபற்றி எதுவும் தாங்கள் கேட்கவில்லை..., அது மட்டுமின்றி கடிகாரத்தின் உரிமையாளரான அந்த மாணவனிடமும் இது பற்றி எதுவும் கூறவில்லை.

இது எனக்கு ஒரு தெளிவான செய்தியை கற்றுத் தந்தது. 'மாணவர்களை தண்டிப்பதை விட நல்வழிப்படுத்துவதே ஆசிரியரின் முதன்மையான பணி.‌!
கற்பித்தல் என்பது எவ்வளவு அற்புதம். இதைத் தான் என் வாழ்க்கையிலும் மேற்கொள்ள வேண்டும் என்றும் உறுதியெடுத்தேன்.! அதனால் இன்று ஒரு ஆசிரியராக நிற்கிறேன்..! "

என ஒரு முழு மூச்சில் சொல்லி முடிக்கும் முன்னரே அவரின் விழிகளின் ஓரம் நீர் கசிந்து இருந்தது. இதனைக் கேட்ட அந்த ஆசிரியரும் மிக அற்புதம் என அந்த இளைஞரின் தோள்களை மிக இயல்பாகவே தட்டிகொடுத்தார். அவர் எந்த வித பெருமையும் சலனமும் இன்றி அதே புன்முறுவலுடன் இருந்தார்..!😊

மீண்டும் அந்த இளைஞர் கேட்டார் , "இப்பொழுதாவது என்னை தெரிகின்றதா" எனக் கேட்டார். அதற்கு அந்த ஆசிரியர்
"ஆம், எனக்கு அந்த சம்பவம் ஓரளவு நினைவுக்கு வருகிறது, ஆனால் நீங்கள் தான் யார் என எனக்கு
தெரியவில்லை" ? என்றார்.

இதை கேட்டு அதிர்ச்சியடைந்த அந்த இளைஞர்
"நிஜமாகவே தங்களுக்கு என்னை நியாபகம் இல்லையா,அல்லது என் மனது வருத்தப்படுமே என இவ்வாறு மறந்து விட்டது, தெரியவில்லை என சொல்கிறீர்களா"
என்று மீண்டும் சிறுதயக்கத்துடன் கேட்டார்.

அதற்கு அந்த ஆசிரியர் அந்த இளைஞரின் கரங்களை பற்றிக்கொண்டு கூறினார்,

"மாணவர்களிடம் இருந்து அந்த கடிகாரத்தை தேடி கண்டுபிடிக்கும் அந்த சமயத்தில் நானும் எனது கண்களை மூடிக் கொண்டு தான் இருந்தேன்" என்றார் மிகவும் கனிவாக.! 😊

நீதி: ஆசிரியர்களிடம் இருந்து கற்றுக்கொள்ள எப்போதும் ஒரு நல்ல விஷயம் இருந்து கொண்டேதான் இருக்கும்..!

நன்றி மக்களே.!
🙏🙏🙏

நமது சந்துலகிலும் நிறைய நல்லாசிரியர்கள் உளர்..!😊

@sArAvAnA_15 @teakkadai1 @sarxsk @nkchandar @bharath_kiddo @saattooran @aram_Gj @urs_priya @dircheran @selvachidambara