Thread by @VigneshAnand_Vm

#Thread இன்றைய அரசியல் நிகழ்வுகளுக்கு மிக கச்சிதமாக பொருந்தக்கூடிய பேரறிஞர் அண்ணாவின்
“குடியாட்சி கோமான்”
—
தன்னம்பிக்கை கொள்வது என்பது ஒன்று.
தன்னை மிஞ்சக் கூடியவர்கள் எவரும் இல்லை என்ற எண்ணம் கொள்வது முற்றிலும் வேறு.
1/n

தன்னை மிஞ்சக் கூடியவர்கள் இல்லை என்ற எண்ணம் கொண்டு மெய் மறந்து இருக்கும் நிலை, ஒருவிதமான மதமதப்பை உண்டாக்கிவிடும் .
குடியாட்சிக் கோமான்கள் இதனை நன்கு உணர்ந்து, தமது ஆதிக்கத்தை வலுப்படுத்திக் கொண்டு விட்டனர்.

குடியாட்சி எனும் முறையை புகுத்திய விட்டால் மட்டும் போதாது, குடியாட்சி கோமான்கள் தோன்றாதபடி தோன்ற முடியாதபடி, 'பாதுகாப்பு' தேடியபடி இருந்தாக வேண்டும.

விழிப்புணர்வு நிரம்ப வேண்டும்
தெளிவும் துணிவும் பெருமளவு வேண்டும்.

ஆளவந்தவர்களை அமர்த்தி விட்டதுடன் நமது பொறுப்பு தீர்ந்து விட்டது என்ற எண்ணம் மனதைத் தாலாட்டும் நிலை ஏற்பட்டுவிடக் கூடாது.

நம்மாலே அனுமதிக்கப்பட்டு நமக்காக நாடாள்பவர்கள், நமது நலனைப் பேணிடும் முறையில் ஆட்சி செய்து வருகிறார்களா என்று கவனித்துக் கொள்ளும் திறன் வேண்டும்.

மீண்டும் வாய்ப்பு அளிக்கக் கேட்டு, ஆளவந்தார்கள் நம்மை அணுகும்போது, கணக்குப் பார்க்கத் தெரிய வேண்டும், தவறு இழைத்தவர்கள் என்று தெரிந்தால் அத்தகையோர்களைப் புறக்கணிக்கும் துணிவு வேண்டும்.

புன்னகைக்கோ பொற்காசுகளுக்கோ, பாசப் பிணைப்புகள் நேசத் தொடர்புகள் ஆகியவற்றினுக்கோ மயங்கிவிடாத மனப் பாங்கு வேண்டும்.

மழுப்பிப் பேசுவர் ,உண்மையைத் துருவிக் கண்டறிய வேண்டும்! மனம் மகிழப் பேசுவர், மயக்கம் கொண்டு, உண்மையைத் தேடிப் பெறத் தவறி விடக் கூடாது.

நோக்கத்தை வேறு பக்கம் திருப்பி விட முனைவர், இடங் கொடுத்திடலாகாது. இந்தச் செயலுக்கு இதுதான் எப்பொருள்; இந்தச் செயலால் இன்ன பலன் பெற்றோம் என்று மெய்போலாக்கிக் காட்டுவர் பொய்யினை - ஏமாந்து விடக் கூடாது.

இன்றைய அரசியலுக்கும் அண்ணாவின் தேவையை “குடியாட்சி கோமான்” நமக்கு உணர்த்துகிறது . அண்ணாவை தொடர்ந்து வாசிப்போம் . பாசிச சக்திகளை அகற்றுவோம் .
ஆதிக்கவாதிகளும் வேண்டாம் . அடிமைகளும் வேண்டாம்.