UZI: Kwa nini mnapaswa kuaminiana mnapoenda kupima UKIMWI: Miaka mitatu sasa nikifanya kazi hospitali na taasisi za tafiti kuna mambo nimekuwa nikikumbana nayo ambayo leo acha niyaweke mbele yenu ili wote tupate kujifunza. Nitaongelea tukio la upimaji wa UKIMWI. #BongeLaAfya 
Kwa hii kadhaa nikiwa nafanya kazi za upimaji maabara, Upande wa upimaji UKIMWI kuna changamoto nyingi sana ambazo zinawakumba watu wanaokuja/wanaoleta rafiki/wapenzi wao kupima virusi vya ukimwi. Changamoto hizi nyingi zinatokana na kukosa uaminifu lakini pia udanganyifu.
Siku moja walikuja kupima UKIMWI mwanaume na mwanamke ambao kwa kuwaangalia tu unajua ni wapenzi. Baada ya ushauri na kuchukua sampuli ilibidi waende nje wakasubiri majibu. Sasa wakati naendelea kupima ghafla alirudi yule mwanamke na kutaka kuongea na mimi.
Mwanamke yule kwa wasiwasi mkubwa aliniambia yeye anajijua ni muathirika wa UKIMWI na tayari yupo kwenye mpango wa dawa, Sasa amempata huyo kaka na ana mpango wa kumuoa hivyo hawezi poteza hiyo bahati. Anipe hela niseme hana ukimwi yaani nimpe majibu ya NEGATIVE.
Haikuwa mara ya kwanza kukutana na mtu wa namna ile kwani niliwahi kukutana na mwanaume pia ambaye aliniambia nichukue sampuli lakini nisiipime ila majibu niseme hana UKIMWI. Umeshtuka? Kwangu haikuwa shida kwani medical school mambo kama haya huwa tunafundishwa namna ya kusolve.
Baada ya maongezi yaliyojaa ushauri nasaha kwa muda mrefu yule mama alikubali kusema ukweli ila alitaka yeye ndiye amwambie yule kaka huo ukweli. Hivyo niliwaita wote, yule mama alimweleza yule kaka ukweli wote na kumuomba msamaha lakini ndoa ndio ilivunjikia pale pale.
Kwaiyo kuna umuhimu mkubwa sana kujengeana imani kabla ya kuamua kwenda kupima UKIMWI. Kupata UKIMWI haimaanishi ni mwisho wako wa maisha bali unaweza kufuata taratibu za dawa, lishe na kujikinga ukaishi kwa muda mrefu. Ukweli utakuweka huru.
@threadreaderapp unroll
• • •
Missing some Tweet in this thread? You can try to
force a refresh
