Thread by @FestoNgadaya

UZI: Red eye au bloodshot kwa kitaalamu, hutokea pale ambapo mishipa midogo ya damu inayoonekana kwenye uso wa jicho kupanuka au kujawa na damu. Hali hii hutokea kutokana na uwepo wa kiwango kidogo cha oxygen inayotolewa na tishu zinazofunika jicho au maambukizi. #BongeLaAfya

Hali hii huwa ya kawaida na inaweza kutokea katika jicho moja au macho yote mawili. Hiyo rangi nyekundu inayoonekana ni rangi ya damu katika mishipa yake hapo kwenye jicho, inaweza kuwa sababu ya kupikicha jicho au maambukizi fulani.

Red eye kwa ujumla isikupe wasiwasi saana, lakini hali hii ikiambatana na maumivu ya macho, au kupungua kwa uwezo wako wa kuona nakushauri umuona daktari kwani inaweza kuwa dalili ya magonjwa kama pinkeye (conjuctivitis au kwa kiswahili Kiwambo), Corneal ulcer, Dry eye syndrome.

Unashauriwa kumuona daktari endapo utaona dalili zifuatazo:
- Kupoteza uwezo wa kuona
- Kichwa au macho kuuma sana, macho kuumiza na mwanga
- Kichefuchefu
- Kama imetokana na kitu kuingia jichoni.
- Ukishindwa kufungua jicho.

Usizoee kujitafutia dawa mwenyewe na kuzitumia maana baadhi ya dawa zinaweza kuongeza shida zaidi. Muda wote kabla ya kutumia dawa hakikisha unapata ushauri kutoka kwa wataalamu wa afya.

Japo haijathibitishwa lakini kuna uwezekano hii hali tuyayoiona Dar es salaam ni ugonjwa unaoitwa conjuctivitis. Ugonjwa huu unaweza kutokana na virusi, bakteria, allergies, kemikali, kuvu (fungi). Katika hali kama hii huwa tunazuia watu walioambukizwa kutojichanganya na wengine.

Kikubwa tuvumilie tuone mamlaka husika zitatutaarifu ni nini kinasababisha. Katika kipindi hiki ukimuona mtu ana tatizo hili au ukipatwa na hali hii basi ufike kituo cha afya kumuona daktari.

@threadreaderapp compile