Thread by @FestoNgadaya

UZI: Dalili za mimba: Ujauzito ni ndoto ya wengi, huku kwa wengine ni jambo wanaloepuka na kuzingatia sana. Wadada wengi wanaonesha kuhitaji watoto tofauti na wanaume. Leo nimekuletea dalili 10 za ujauzito ambazo huashilia uwepo wa ujauzito #BongeLaAfya

1. Kutoona siku zako: Kukosa siku zako ni moja ya dalili za kwanza kabisa ambazo wengi wetu wamezoea. Katika kipindi cha mzunguko kuta ya mfuko wa uzazi huvunjika na kujiengua na kutoka nje katika mfumo wa damu, hudumu kwa siku tatu mpaka saba. Unapopata ujauzito hujishkiza hapo.

2. Misuli ya miguu kubana/cramps: Katika miezi mitatu ya mwanzo ya ujauzito mwanamke anaweza kuona dalili za miguu kukaza au kubana, Hii inatokana na mabadiliko ya mwili katika kuchakata calcium ambayo huitajika kwa wingi kuunda mifupa ya mtoto, meno na viungo.

3. Uchovu: Wakati mwanamke anakuwa mjamzito, mabadiliko ya homoni yanayotokea yanaweza kumfanya ahisi uchovu muda mwingi. Kuongezeka kwa viwango vya homoni ya estrojeni na progesterone kunaweza kusababisha uchovu mkubwa, haswa wakati wa miezi mitatu ya kwanza.

4. Kichefuchefu : Morning sickness ni neno linalotumiwa mara nyingi wakati wa kuelezea kichefuchefu ambacho wanawake wengine wanapaswa kuhimili wakati wanabeba mtoto. Kichefuchefu huanza wiki sita baada ya mzunguko wa mwisho.

5. Mabadiliko ya mood/mihemuko: Kama nilivyosema mwanzo, mwili wa mwanamke kipindi cha ujauzito huongeza kiwango cha homoni ya oestrogen na progesterone kwenye damu, Hii inaweza kusababisha kubadilika badilika kwa mood. Mara mcheke, mara mnune, mara apende hiki mara achukie.

6. Kukojoa mara kwa mara: Safari za mara kwa mara za chooni huongezeka, Hii ni kwa sababu ya kuongezeka kwa ukubwa wa mfuko wa uzazi na hivyo kubana kibofu cha mkojo, lakini pia kuongezeka kwa mtiririko wa damu kwenye figo,

7. Hyperemesis gravidarum: Najua hujawahi kusikia hili neno, hapa tunaongelea kutapika sana wakati wa ujauzito, Baadhi ya wanawake wameonesha kuendelea kutapika hata kipindi chote cha ujauzito. Kuna tofauti kati ya kichefuchefu na kutapika, kichefuchefu atakiskia tu asitapike.

8. Ladha: Inaeleweka kabisa kuwa wakati wa ujauzito wanawake wengi hupoteza ladha hata kwa vile vitu wanapenda. Ghafla wataanza kupenda baadhi ya vyakula na utaamshwa hata usiku wa manane ufkifate hata kama kiko mbali.

Baadhi ya tafiti pia zimeonesha uwezo wa kunusa huongezeka.

9. Siku zako: Kuna uwezekano wa kuona matone ya damu hata mara moja katika kipindi cha ujauzito. Japo inafahamika kuwa mjamzito hawezi kuona siku zake lakini kuna uwezekano akaona matone kipindi cha upandikizaji. Mara nyingi huwa kipindi mimba inaanza.

10. Maziwa kuuma: Dalili ya mwisho tutakayoongelea leo ni maziwa kuuma au kuonekana kwa mabadiliko mengine tu katika maziwa ya mjamzito kama kuongezeka ukubwa, mishipa ya damu kuonekana n.k.

Kunaweza kuwa na dalili nyingine ambazo sijaziongelea lakini licha ya kuwepo kwa dalili hizi kitu pekee kinachoweza kuthibitisha ni kipimo cha mimba.

@threadreaderapp unroll